طالبات الانتساب ممكن تدخلوا شجعونى واشجعكم

[ام هند]

بسم الله الرحمن الرحيم

اولا/ الحمدالله على سلامه ابو متعب الله يطول بعمره
ثانيا/ رجعوا الاستيل الان احس انهم تراجعوا عن التثبيت يذكرنى ايام الاحتجاج على عدم التثبيت
ثالثا/ المعلمات المنتسبات انتم مثلى ولا فينى مرض واروح اتعالج
ماودى اذاكر انا مستوى سابع وش السواه احسس مالها داعى ذى القرطاس بعد التثبيت المشكله نشبت لا انزل ولا اطلع وش السواه اخت العرب
انتم مثلى ولا لا ارجوكم المشكله الاختبارات قربت وانا متبطحه عند ذا المنتدى كانى برعصي لصق بجدار

[الحكيمه]

ماشاء الله


بس انتي اي جامعه


انا مستوى اول جامعة الامام الى الان مافتحت شي
مااعرف شي
لازم اذكر الحين اواطنشهم
هههههههههههههه

[دادي ودودي]

قولي الحمد لله ماباقي لك شي كثير بلاك اللي توها توهقت اول ترم وماني عارفه راسي من رجولي ولا عارفه من انظمة الجامعه اي شي الله يعين وييسرها عزيزتي

[انا غير 11]

والله يا اخت هند ,,, انا مثلك انتساب ,المستوى الخامس بس لسى ما فكرت ادكر عشان عقلي مشغول بهالتثبيت ,,,, ومدري ايش نسوي لقربت الاختبارات ,,, واحنا بجهه والملازم بجهه ثانيه ,,,,,الله يستر ويعدي التثبيت هدا على خير ,,,, عشان نعرف نداكر ونخلص الجامعه ,,,, ونبارك لبعض بأدن الله ,,,,

[ام هند]

قسم بالله عقلى مشغول باهل التثبيت
بس مالى نفس امسك ملزمه وش السواه الحمدالله على كل حال

[ام هند]

انا غير بي جامعه

[ام هند]

انا جامعة الامام
الملز

[نبض المعاني]

انا مثلك نشبت توي الله يعين ويسهلها علينا انا من جدة
شدوا حيلكم يابنات وذاكروا

[الحكيمه]

ام هند شدي حيلك والله مابقى شي

وقولي لازم اذكر هالحين

وانا والله مثلك مالي نفس في المذاكره من مدرسه العصر

الله يعين بس

[هنا السعد]

الله يوفقك الجميع
والتثبيت في الطريق ان شاء الله كلها كم شهر الا وانتم مثبتين بحول الله وقوته

[الغاليه]

واله ياام هند كانك تتكلمين عني مالي نفس ابدا هالترم ولاشفت الملازم
ولاادري وش اسوي بس عيوني على هالمنتدى ابي اخبار جديده وحلوه
تفتح النفس

[نبض الوجدان]

هههههههههههههههه الله يسعد قلبك

وانا احاتي هم الانتساب ولا التثبيت

لا ياقلبي انتي مشاء الله ماباقي عليك شي خلصيى

انا توني مستوى رابع .. اصلان النظم تبع الجامعة عندنا مو راضي يفتح

ومثلك احس مالها داعي بس بستنى اشوف التثبيت ايش بيرسى علية

وبعده يمكن اترك

الله يوفقك ويسر لك امورك حرام تتركين على مستوين

تمنياتي لك بالنجاح

[أ. أشواق]

الحمدلله والله وصار معي صحبة طيب منتسبين
انا خلصت العام التأهيلية على خير وهالسنة كستوى أول ادارة اعمال
الله يعين يارب اصلا العام يوم قررت اكمل دراستي جاء الخير كله
خلصت شهادة كامبردج والتأهيليه
والحين باتخصص بس التثبيت ماغير من حماسي شي
بالعكس بيفرق معك في المرتبة وغير كذا
مسمى المؤهل ثانوية عامة محبط بصراحه
ان شاءالله تعدي السنوات واخلص البكالوريس
الله يوفقنا يارب وجميع المسلمين
وعساكم عالقوة
وفالكم التثبيت والنجاااح

[هوى بلادي]

وربي حااااسه فيكن حبايبي
الله يوفقكن ويسهل عليكن أمركن ولا تنسووووون أكثرن من الإستغفار وقلن :
حسبنا الله سيؤيتينا الله من فضله إنا إلى الله راغبووووون

[كادي روز]

..شدو حيلكم الله يوفقكم راح الكثير وما بقى الا القليل..والمنتدى خلوه وقت الفضوة بس ..كل وحدة تحط جوالها هزاز علشان ادا جاء خبر عن التثبيت تنتفضين من كثر التباشيروشكلكم تخلصون والتثبيت ماوصل بالتوفيق للكل ..

[قطرات]

ماشاءالله ...طلع نصف اللي بالمنتدى منتسبين وانا أحسب لحالي منتسبه ..أجل الله يعافيكن اللي داخله جامعة الملك فيصل تخبرني علشان نتعاون على المذاكره ونشجع بعض:sm14:

[معلمة مسائي]

له له يا ام هند شدي حيلك راح الكثير ما بقي الا القليل الدور والباقي علينا الي لسه في اول المشوار يقولوا لهم تاتي عحبه حبه تاتي عدى العتبه ولسه ولا شفت حتى المناهج الله ييسرها بس

[هوى بلادي]

http://www.youtube.com/watch?v=Qelg5l3TnoE&feature=related

[انا غير 11]

يام هند ,,,, انا بجامعه طيبه ,,,,,والترم هدا الملازم صعبه ,,,,الله يعينا وينجحنا ,,, بأدنه سبحانه ,,,,,:sm245:

[ام هند]

هوى بلادى مشكوره على الفلاش الرائع

[عالية الهمه]

الله يسعدك مت ضحك هههههههههههه:sm109:

أنا مثلك أنتساب المستوى الخامس يعني نص الطريق والله ما عندي نفس حتى أشتري الكتب ولا أذاكر من غير مقابلين المنتدى ومتابعه الاخبار والاشاعات والهم واكلنا يارب يسر امورنا ووفقنا