والله بطلع الي بقلبي مليان قهر ياترى بتعرض للطرد من المنتدى ولا حذف الموضوع

[نتالي]

السلام عليكم

انا مليييييييييييييييييييت طفشت من الي يصير بمجال التعليم

ندرس وندرس وبالاخير تحطيم يسكتونا اول بالقبول بالجامعات واذا تخرجنا حطمونا بندرة الوظائف او استبعاد شهاداتنا

خلنا نقول جزء بسيط من يلي صاير

اولا مثل وضعي ادرس مثلي مثل الانتظام وشهادة تربوية وبالاخير لان شهادتي انتساب أبعد من مجال التدريس وتصير شهادتي غير تربوية طيب وييييييييييييييين اذلف وين اتوظف وش اوسي عطوني حل :eek:

وحدة متخرجة تخصص دين بالله وش تتوظف قولولي اذا استبعدت شهادتها من مجال التعليم

ثانيا المساكين معلمين محو الامية القرار المفجع بعدم ترسيمهم :mad:

ثالثا اعداد المعلمات الي لهم 10 سنوات توهم يتوظفون وزين ع القليلة توظفو :D

وباقي الكليات اعرف بنات متخرجين من 15 سنة و 10 و 8 ماتوظفوا مو شي يحزن ويجرح ويحطم

وبالاخير مثلنا مثل الاجانب نركض ورى المدارس الاهلية ولا الاهلية رفعت خشمة وصارت تطالب بالخبرة طيب من وين خبرة وحنى ماتوظفنا :p



أووووووووووووووف

أوووووووووووووووووووووووووووف


أوووووووووووووووووووووووووووووووووووووووووووووف


ننطم يعني ولا نسكت ولا يعتبر كلامي غير تربوي ومو المفروض يطلع من انسانة متعلمة ومدرسة اجيال

ياهوه وين مدرسة اجيال ومهظوم حقي كيف ادرس واعطي وابذل واعلمهم العادات والمثل والاخلاق ومهضوم حقي وساكته

جيت باسلوب حلو وحواري ومهذب خاطبت اكثر من منتدى واكثر من جهة واستفسر وللاسف مايرد علي احد الا مثل الي وظعي وكلهم ماندري :(

ومتوقعه اخذ انذار ولا طرد من المنتدى لازم قمع مثلي ولأمثالي اذا طالبنا بحقوقنا

لازم نكون مثل النعام روسنا بالارض ولا مانعيش

ياناس احنى ورانا اسر واطفال وبيوت وقروض وديون وش نسوي على الله ثم هالشهادة الي متاملين نتوظف فيها وللاسف استبعدت قمة الكسر والتحبيط

ولا المظحك لاجينا نشتكي الرد الي نلاقية وشو انتم ماهمكم الا الوظيفة ماهمكم العلم

طيب وانتم ليه ماسكين مكاتبكم اذا المهم بس العلم مو العمل

الله ماقال اجلسو الله حثنا على السعي وان الواحد يدور على رزقة ولقمة عيشة الي تغنية عن منة الناس

الله لايحوجنا لحد

[لعثرتي هيبه]

الله يعينكم انت واللي في مثل وضعكـ

والله لايحوج احد لاحد

وربي يسهل لك التعيين عاجلا غير اجل ...

[حروف صادقة]

الله يفرج همك ويكون بعون الجميع والكثير مثل معاناتك -
احسني الظن بالله-- وستجدين مايسعدك

[بداية خير]

تعرفي ليييييييييييييييه هذا كلة
لاننا ما قدرنا الله حق قدرة
نترجى الكبار والله اكبر
نطلب العبد ونترك رب العبيد
نطلب الفقير ونترك الغني جل قدرة
اخية ارفعي يدك الى السماء وادعي رب الارباب
افمن خلق سبع سموات طباقا والارض وما بينهما في سبعة ايام ايعجز عن رزقك
افمن رزق الحوت ف البحر والدود في الارض اعاجز عنك
لا وربي ولكن نحن في غفلة
رزقني الله واياك من اوسع ابوابه

[رمضان النمران]

اولا تطمني ما فيه ان شاء الله طرد من المنتدى او حجب للموضوع

لأن الهدف من المنتدى هو طرح المواضيع لحوارات هادفه وهذا هو هدف المنتدى الاساسي

بخصوص التعيينات والله شي يرفع الضغط لايوجد خطه مدروسه او آليه معروفه لتوظيف الخريجين
بخصوص ماذكرتي عن طلب الخبره فمن المفروض ان لايطلب من السعوديه هذه الخبره لأن هذا نوع من الحواجز التي تمنع السعوديه من التوظيف وبصراحه ليس مدحا للنفس ولكن في منشآتنا منعت طلب الخبره على السعوديات وبالعكس اوجدت برنامج توظيفي اسمه برنامج اكتساب الخبره وهو مفتوح للسعويات الراغبات في اكتساب الخبره لفتره معينه . وبعد انتهاء المده تحصل على شهادة خبره
واتمنى من جميع المسؤولين في القطاع الخاص ان يقدموا شي لبنات الوطن فان لم نستطع توظيفهن فعلى الاقل نعطيهن فرصه للحصول على شهادة خبره .

واتمنى من الدوله ان تضع برنامج آلي من خلاله يتم اختيار الخريجات بدلا من الاعتماد على اشخاص يتحكم في تصرفهم الاهواء والمحسوبيه
وهناك ايضا مثل حالة اختنا منتسبه فمالمرفق اذا هي حققت متطلبات النجاح ؟
وهناك امور اخرى استغربها في الخدمه المدنيه وهي مثلا الغاء اي شهاده اودوره بعد مضيء خمس سنوات من الحصول عليها فهذا شي يستدعي الاستغراب فمن المفروض ان هذه الفتره اعطتها خبره وسقل معلوماتها
يعني مثلا بنت حصلت على شهادة ادخال بيانات مدتها 6 شهور اذا دخلت مسابقة وظيفيه وحصلو ان شهادتها مضى عليها خمس سنوات يستبعدونها ..... لماذا لا اعلم ... ما اقول الا عنجهيه في التعليمات واالبحث عن اسباب لمنع هذه الخريجه من الحصول على وظيفه

[نتالي]

صراحة أثلجتم صدري ع الردود الله ينولكم ماتتمنون وبوركت أقلامكم

اخجلتموني صراحة

[فائزة محمد على مسعود]

حياك الله اختنا الفاضلة
والله الارزاق بيد الرزاق وكثيراً مثلك والله ح يفرجها
ما ضاقت إلا فرجت ومن حقك البحث والفضفضة .
الله يفرج همك ويكون بعونك وبعون الجميع
وعلينا بكثرة الإ ستغفار
لك تحياتى وتقديري .

[تاج النور]

يابنت الحلال الله يفرج عمك وهمنا ةهم جميع اخوانا المسلميين

عااااااااااااااااااااااادي حنا بنات اخرتها ربات بيت وبينفق علينا الرجال

المصيبة الرجااال ( وراه اهل وبيت وعيال ) تخيلي ناس جامعين ومنتضمين ومعدلات عاااالية وبطاله خمس ست سنين وزيااادة بصراحة وضعهم يبكي

يعني المدارس الاهلية موضفين غير سعودين والخريجين جااالسين الله يكون بعونهم

[روعه]

[نتالي اضم صوتي لصوتك ملينا بطالة اخذنا شهادات تستاهل ومااااااااافيه وظااااااااايف ييااااااااااااااااربي بس بدخل بالسنة الثانية من البطالة يااااااارب فرج همي وهم المهمومين:(

[نتالي]

يابنت الحلال الله يفرج عمك وهمنا ةهم جميع اخوانا المسلميين

عااااااااااااااااااااااادي حنا بنات اخرتها ربات بيت وبينفق علينا الرجال

المصيبة الرجااال ( وراه اهل وبيت وعيال ) تخيلي ناس جامعين ومنتضمين ومعدلات عاااالية وبطاله خمس ست سنين وزيااادة بصراحة وضعهم يبكي

يعني المدارس الاهلية موضفين غير سعودين والخريجين جااالسين الله يكون بعونهم


مايحتاج أتخيل عارفة وعايشة الوضع

تسلميلي ع التعليق

[نتالي]

المديرة فائزة

اشكرك ع التواجد والتعليق

...................................

وروعة

حبيبتي انتي نورتي

[كناز]

اختي الكريمه هذا منتدى حواري يعني لا زم نتحوار ونطلع بفائده ..

والطرد والحذف أسلوب العاجز .

اطرحي موضوعك في كل منتدى تعليمي وفي كل صحيفه وفي الاذاعة وفي التلفزيون اذا تقدرين وفي كل مكان يسمع فيه صوتك

حتى يعرف كل ظالم وكل موظف ماعنده ضمير انه راح ينكشف في يوم من الايام مثل ماصار في احداث جده من كشف للحقائق

راح يصير في ادارة التعليم كشف للحقائق .


( ربك يمهل ولكن لا يهمل )

[نتالي]

اختي الكريمه هذا منتدى حواري يعني لا زم نتحوار ونطلع بفائده ..

والطرد والحذف أسلوب العاجز .

اطرحي موضوعك في كل منتدى تعليمي وفي كل صحيفه وفي الاذاعة وفي التلفزيون اذا تقدرين وفي كل مكان يسمع فيه صوتك

حتى يعرف كل ظالم وكل موظف ماعنده ضمير انه راح ينكشف في يوم من الايام مثل ماصار في احداث جده من كشف للحقائق

راح يصير في ادارة التعليم كشف للحقائق .


( ربك يمهل ولكن لا يهمل )

أشكرك كل الشكر والله شكلي باخذ برايك واوصل شكواي للصحف

[ليلى الشمري]

الله يعينــكــ