ألغاز الوالده الله يحفظها

[الود الاصيل]

طبعا الالغاز بالعامية نقدر نسميها لغز الاربعات :

الاول: اربعة مع اربعين فوق ضليع مشرفين ليا دنق واحد دنقوا كلهم ؟؟؟؟؟

الثاني : اربع وقوف و اربع صفوف واحد ينادي بالمعروف؟؟؟؟؟

الثالث : اربع سبح و اربع طفح و اربع يمشن مع الوادي؟؟؟


هناك المزيد لمن يريد

[دكتورة محو امية]

روووووووووووووووووووعة الالغاز بس شنو حلهن

[الود الاصيل]

لسة بدري اقول الحل خلي فرصة لغيرك عشان يفكرون وووووووووين هواة الالغاز؟؟؟؟؟؟؟؟؟؟؟؟؟؟؟؟

[الحلا والغلا]

اول وحده الرموش والباقي ماعرفتها ماخليت ولا عجوز الا وسالتها

[smsm]

الثاني والله اعلم ( الهاوند )
الثالث والله اعلم ( الناقة )

[الحلا والغلا]

اه اه اه ياراسي ودي اعرف الحل تكفين كم رقم جوال الوالده بكلمها تعلمني

[ندى]

>>> متابعة .. وبدور الحل وارجع عليكم ,,

سلمي ع الوالدة :)

[أنثى استثنائيه]

لي عوده ان شاءالله
راح اسأل امي عنها يمكن تعرفها
لا يالود لا تقولي الحل خلينا نفكر شوي ..
والله يعطيك العافية

[الحلا والغلا]

ودودي حبيبتي ياقلبي ارسل الحل علي الخاص اليوم
دقيت علي عجوز من جماعتنا بحفر الباطن عمري ماكلمتها
ولا قولي وشي صار رد ت بنتها وبعد ماسلمت عليها قلت اقدر اكلم الوالدة بسالها عن لغز
وقالت امي توفت من شهرين وانكتمت وستحيت وقلت يوه مادريت الله يرحمها
يلعن ام الفشيله

[نديم المحبة]

الود الاصيـل


الالغاز باين عليهـا من العهد القديم ولكـن لو صار فيها توضيـح يمكن نقدر نحلهـا
ممكن توضيـح اكثـر للالغاز ..

[أنثى استثنائيه]

اختي الود

الثاني : اربع وقوف و اربع صفوف واحد ينادي بالمعروف؟؟؟؟؟
يمكن :
الاسنان
واحد ينادي بالمعروف مو اللسان ..
ماادري اذا الحل صحيح او لا ؟؟
والباقي قاعدين نفكر فيها ؟؟

[الود الاصيل]

طبعا الالغاز مغبرة بس هذي حلااتها
بكرة اقول الحل وترى اللغز الاول وفقت الاخت ((الغلا والحلا)) في حله
والله يرحم العجوز اللي دورتيها تفزعلك ويرحمنا جميعاً وشكرا على جهودك و ترىsmsm قريبة من الحل بس بشويتة تفاصيل

[الود الاصيل]

ملاحظة الالغاز للتسية و الهواة يعني مافية جوائز عذرأ

[نسمات]

أربع وقوف = الدلال
أربع صفوف = الفناجين
واحد ينادي بالمعروف = النجر

[الود الاصيل]

احسنت
هذا الحل ولابلاش بقي الثالث لأن الاول انحل قبل وهي الرموش اما الاخير فهي الناقة اربع سبح هي الركب واربع طفح هي ضرع الناقة و اربع يمشن مع الوادي هي حوافرها

[الود الاصيل]

الغز الجديد :
ابيضاً جانا يهيف مع رويعات الرهيف يا هبيل القلب معرى

[smsm]

نبات القبا يعيش في الصحراء

[الود الاصيل]

لالالالالالالالالا بعيدة

[الحلا والغلا]

الغيم والمطر

[ندى]

الهواء البارد.. ولاالبرد اللي يجي مع المطر ,,

[الود الاصيل]

لالالالالالالالالالالالالالالالالالالالالالا ركزوا

[الحلا والغلا]

الكما الفقع

[الود الاصيل]

لالالالالالالا ابسط لكم الجواب بنفس اللغز

[الحلا والغلا]

كلمه معري

[الود الاصيل]

عليكي نور وسبعة قدر

[الحلا والغلا]

نور بوجهك

[الود الاصيل]

لكن وشو المعرى (((معلومة تراثية ))) هو الحلقة المعدنية او الجلدية التي يربط فيها الشداد فوق ظهر البعير !(((ماهو الشداد)))هو نوع شبيهة بالحقائب يصنع من الصوف لحمل الاغراض عند الشديد اي الرحيل.اتمنى تستفيدوا فالتراث القديم شئ رائع و انا من محبي المعلومات التراثية والقديمة فمن لديها اي معلومة او اسم اداه قديمة تفيدنا فأنا اعتز بهذا التراث ودمتم سالمين.

[نديمة ليل]

الله يعطيك العافية ويحفظ لك الوالدة

[الود الاصيل]

اللهم آمين