رسالة جوال من شؤون المعلمات هام جدا لبنات الرياض

[ثلوج الربيع]

السلام عليكم و رحمة الله و بركاته :more12:

اليوم صباحاَ وصلتني رسالة من شؤون المعلمات هذا نصها :
عزيزتي الموظفة نأمل منك الدخول على الرابط
http://www.moalemat.com/
و تحميل المرفق استمارة معلمات محو الأمية مسائي و إكمال اللازم

حملت الاستمارة و طلعت رغبات مكانية تعبأ من قبلك و يرفق معها صورة من:
المؤهل
دفتر العائلة
أخر عقد
تسلم لشؤون المعلمات في موعد أقصاه 15/1
بسرعة يا بنات نزلوها:sm245:.
ادعوا لي يا حلوات :36_1_33: و بالتوفيق للجميع

[ثلوج الربيع]

قهر يا بنات
يقولون انها ندب مو تثبيت

[لي لي]

وفقك الله يا اختي وسدد خطاك وخطوه رائعه
ولكن ليه توهم يتحركون المفروض عبيناها وانتهينا والحين عارفين مدارسنا
قايلتها كل شهر بيطلعون بحاااااااااااجه
ترى الشهر الجاي للي نسيت تعبي رغباتها

[لي لي]

يا اختي ندب اذا قضت الحاجه
يعني اذا طلعتي زايده بالمدرسه او تخصصك مطلوب بمدرسه اخرى


والمباشره الترم الثاني يوم 5 شهر 3
الحمد لله عرفنا التاريخ

[وتين الغلا]

وش دراك انها ندب مو ترسيم
بشرينا الله يبشرك بالخير والعافية

[معلمة سنعة]

سد احتياج
وحسبي الله وكفى

وتم السؤال عنها

ويجب تعبئة جميع الرغبات بالترتيب حسب مايناسبك باسم المكتب وليس الحي

[الرايقة]

ان شاءالله انه ترسيم وهذة بتكون بداية المباشرة ان شاءالله تفاءلوا خيرررر

[الرايقة]

بنات اذا كانت مو تثبيت سد احتياج فقط ( يعني مرمطة ثانية على الفاضي ) لازم نسوي شي ماراح نسكت وش اللي سد احتاج بنفس الراتب والله مابعد صرنا مستحدمات عندهم حسبي الله ونعم الوكيل

[مهند9999]

يعني ما نعبي نريح أنفسنا أحسن

[fofo]

بنات مدرستي ماعندها صورة من عقدي الحالي شسوي من وين اجيبه

[وعد قديم]

هذي دبلوم او بكالوريوس

لان ماجتني رساله بس بعض الزميلات وصلتهم وهم بكالوريوس

[معلمة الكبيرات]

سد احتياج



يعني كرف على نفس الراتب



بيخلونا نمسك 20 حصه وعلى روتبنا



والتثبيت الله واعلم متى

[معلمة امية]

مساء الخيرات - اللي مالقت عقدها الاخير تلقينه نسخه عند مكتب الاشراف التابعه له والله يوفق الجميع

[الحلا والغلا]

من قال انه سد احتياج ابي حل والله اني بكيت لما قلتو انه مو تثبيت من وين المصدر الي قال انه مو تثبيت

[الاأنا]

هذا مو سد احتياج

هذا تثبيت مبدئي

سد الاحتياج خذوهم بدايه هالترم

أول مره يجينا شي رسمي

وكتااية رغبات

هذا تثبيت

بس القهر أن سنوات الخبرة ماراح تحسب

راح تعين البكالوريس التربويه على المستوى الخامس درجه اولى

اما الغير تربويه على المستوى الرابع

[معلمة الكبيرات]

تثبيت وهم كاتبين لك فصل دراسي واحد ؟؟؟؟؟

[fofo]

بنات لاتكثرون اشاعات مو في صالحنا

[almas]

ان شاء الله تثبيت

صورة العقد الأخير موجود معاكم ؟؟

[ام شوق]

يابنات احد جاه نفس الرسالة في مدينة غير الرياض

[الاأنا]

يقصدون بعد الفصل الدراسي الثااني سيكون هنااك نقل دااخلي

[معلمة سنعة]

المشاركة الأصلية كتبت بواسطة fofo http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=254786#post254786)


http://www.wtb28.com/clear.gif
بنات مدرستي ماعندها صورة من عقدي الحالي شسوي من وين اجيبه









من مكتب الإشراف من وحدة تعليم الكبيرات

[معلمة سنعة]

رغبات المعلمات الرسميات بالمدارس وليس بالمكاتب


مثال : الرغبة الأولى ب/133
الرغبة الثانية ب/111
الرغبة الثالثة الخ

8
8
هذا للرسميات

احنا نزل اليوم

الرغبة الأولى الروابي
الرغبة الثانية جنوب
الرغبة الثالثة الخ

8
8
هذا سد احتياج
ومديرة وحدة شؤون المعلمات في المكتب الذي نتبع له أخبرتنا بذلك

حسبي الله وكفى

أتمنى أن تكون فترة قصيرة

[ثلوج الربيع]

أنا بروح السبت باذن الله و اعطيكم خبر

[أنتم و الزمن علي]

في موعد أقصاه 12\1 وليس 15\1

[أنتم و الزمن علي]

هذا سد احتياج !
أنا أعترض على تعبئة جميع الرغبات !! حسبي الله عليك يا الحواس

[نسيم الورد 2010]

معلمه سنعه لو كان سد احتياج مايطلبو كل الاوراق هذي
بس هما مايبغو يفرحونا ويقولو تثبيت عادتهم

[ام التوت]

تكفون اللي عندها خبر أكيد هل هو سد احتياج او تثبيت تبشرونا00مو معقوله نداوم بنفس الراتب&واذا طلع الكلام صحيح لازم موقفهم عند حدهم ونروح لأبونا عبدالله00بس اهم شي ما يضيع حقنا!!!!!!!

[ام ماززن]

ان شاء الله تثبيت عندي احساس انه خير

[معلمه انتظر المقابله]

ان شاء يابنات انه تثبيت واصبرنا حتي لوكان نفس الراتب لان يابنات استحاله يكون هذا التوزيع واختيار رغبات لسد العجز
التعين كذا اول رغبات ثم يقعدن بدون راتب مدة شهرين والثالث ينزل تفاولوا خير والله كل اللى في الصباح دائما لهم ترسيم الاحنا المسائي تجي
قررات التعين ولاتشملنا والله ان مجموعة تم نقلنا من قريه اللي صارت في الصباح تعينت وانا من ضمن اللي صاروا في المسائى ماجني شي واقول الله كرررررررررررررررررريم وانتم في الرياض تحركوا وزوعكم الله يسرامركم احنا حفرالباطن ماجنا شي ابدا

[كـاتمةالمشاعر]

هل الدبلوم يعبون الرغبات ولا بس البكالوريوس ردوا يأهل الخير

[نشوة]

بنات الريض الرسايل اللي جاتكم لجميع البكالوريوس اوبعض منهم الله يجزاكم خير

[متفانية]

الرسالة جت لكل زميلاتي البكالوريوس

[شوشو اخت سوسو]

ودبلووووووووووووووووووووووووم مارسلووووووووووووووووووو لهم

انا سمعت انهم ارسلوووووووووووووو لمعلماااااااات الرياض كلهم مو الجامعياات فقط

[ككاو ماركه]

حرام عليهم لازم نوقف يد وحده ونرفض يالله يابنات همتكم

[متفانية]

أنا من الرياض
لم يرسلوا للدبلوم للجامعيات فقط
زميلاتي دبلوم لم ترسل لهم رسايل

[نشوة]

جزاك الله خير اختي المتفانيه على الرد

[مديرة في ورطة]

سبحان الله والحمدللة على كل حال

[متفانية]

لا شكر على واجب حبيبتي نشوة مجرد إعطاء معلومة لا أقل ولا أكثر

[سهم الوفاء]

وانتم ليش توافقون احنا نبي تثبيت مو احتياج
اذا رضيتو خلاص معناها مافيه امل نتثبت

[بقايا دموع]

لا توافقون على الندب لانه فعلا اذا وافقتو طار التثبيت

[روان]

ماراح نوافق والكل المفروض اضرااااب
خلاص طفح الكيل
وانتم يامسؤولين يامن خنتم الامانة وخالفتم اوامر ولي امركم بالتسويف تارة وبالتحريف والتغيير تارة اخرى
ابشركم اقتربت نهايتكم وفضيحتكم
اكتفينا من التجاهل والاحتقار والظلم وهضم الحقوق لن نباشر حتى نشعر بالاطمئنان والاستقرار الوظيفي الذي كفله لنا والدنا الغالي ابو متعب

اطالب بكشف الغموض والقلق الذي نعيش فيه
فقط اطلب اجابة لهذا السؤال هل سنباشر الفصل الدراسي القادم سدا للعجز وسنظل على نفس عقودنا
ام سيتم تثبيتنا بناء على هذا التوجيه؟؟؟
نطالب نحن معلمات محو الامية مسائي بشكل عاجل بتصريح رسمي يخص توجيهنا؟؟؟؟!!!!!!!