خبر جديد مفرح والمره هذي عندي احساس انه راح يكوووون على مانتمنى -

[روعة مشاعر]

أصدر وزير الخدمة المدنيه البراك ان موظفي المشمولين بالتثبيت 205ألف موظف راح يتثبتون على وظايفهم خلال 3 الاشهر المقبله ان شاء قبل شهر 5 (جماد أول)1433

وأيام قليله راح تتوزع المحاضر في الاسابيع الجايه لانها في المراجعه والتدقيق وشكو على الانتهاء

وادعولي بالخير

:36_2_23:

م ن ق وووووووووووووووو ل

[هوى بلادي]

الله يوفقك دنيا وآخرة ويوفق صاحب الموضوع اللي ناقلته منه

بس عسى مانسمع إلا كل خبر زين ياااارب

[عيون عليا]

الله يعطيكِ العافية

[شمس الغروب]

الحمدلله كما ينبغي لجلال وجهة وعظيم سلطانة

[عند كلمتها]

اللهم صل على محمد وعلى آله وصحبه أجمعين

[سكن قلبي]

الله يكتب اللي فيه الخير

[ملكة الحرف]

خلااال ثلاااث أشهر .. ؟؟!!! اللحين ماااقااالوا نصف 2 ..ونااااس يقولون التثبيييت شهر3..وزمااان كااانوا يقولون هنا بالمنتدى
شهر 4..
5>>> أول مره يدرج هذا الشهر بالتوقعااات .. و الله كريييييييييييييييييم .

[ندى]

صح هما قالو 2 ليه مددوه لثلاثة .. حسبي الله ونعم الوكيل فيهم

.

[النجمة المضيئة]

مشكووووووره والله يعطيك الف عافيه

[صدى الاهات]

اللة كريم يسهل امورنا يارب عجل بالتثبيت

[الاصيله]

أحبتي ألف مبرووووووووووووووووووووووووووك والأيام القادمة ستفرحون بتثبيتكم وبكل مايسركم فقط دعواتكم لولي الأمر أبامتعب وولي عهده ووزير الدفاع بطول العمر

[ام سلوفه]

والله انك متفائله وين المفرح بالخبر باقي بنستنا ثلاث اشهر ماصار تثبيت ان كان الخبر صحيح الله لايوفقهم جميع ومن كان السبب في تأخيرنا حسبي الله وكفى

[رسيل المطر]

الحمدلله هاااااااااااانت صبرنا كثيرمابقى غير القليل

[لي لي]

البارح التثبيت قريبا
واليوم بعد ثلاثة اشهر
وين الخبر المفرح والله انه خبر يصدم
اه قالها اخوي يوم صدر القرار لاتفرحييييييييييييييييييييييييييييييييييين بتتثبتين بعد سنه سنتين

[هيوفه]

انا سمعت هذا السبت :(

[غريبه22]

الله يعييييين ويستر الله يجيب اللي به الخير... فرحنا بالتثبيت ولكن تأخر جداًً ....

[صاحبة العز]

هاذينا شكلهم يضحكون علينا قالو قبل التثبيت في شهر 1 وبعدين قالو نهاية شهر 2 والحين يقولوا شهر 5 وبعد كذه يلقو كذبه جديده يسكتونا فيها لكن ما اقول غير حسبي الله ونعم الوكيل

[الحاير]

وش المصدر بارك الله فيك

[ام عبدالملك]

جزاك الله اختي اسال الله ان ييسر لنا امر التثبيت عن قريب ويسخر المسؤلين لنا يارب \اللهم صلي وسلم على سيدنا محمد وعلى اله وصحبه اجمعين

[نسمات]

مشكووووووره

[ساره السعيد]

أن الله مع الصابرين

الخير جاي والتثبيت ان شاء الله صبر اخواتي الصبر حلوووووووووووووو

[سكون الليل]

ممكن المصدر الرسمي يا روعة المشاعر

لانه مو ناقصين اخبار تضيق الصدر

[سكن قلبي]

فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ

[بنت الشوقية]

هذا خبر يزعل مو يفرح ... استغفر الله العظيم

[الندى الاخير]

ايوالله يزعل انا توقعت السبت بكرة والراتب اخر الشهر الله المستعان اسأل الله العلي العظيم في هذه الجمعة أن يكتب لنا الخير ويعجله لنا

[فائزة محمد على مسعود]

الله يكتب لكم الخيرأينما يكون
وبالتوفيق

[بلقيس]

أقول بطلنا ما عاد نبي تثبيت الله الغني عنهم

[جوزاء]

يابنات وكلوا أمركم لله صدقوني الله بيفرجها انشالله خلاص لاتعبون أنفسكم بالتفكير اذا الله كاتب لنا تثبيت الوظايف بيصير غصب عنهم
اللهم إنا وكلنا أمرنا لله سبحانه وتعالى

[استبرق]

جعلى يشحذ امين اي 3 اشهر لي متى نصاب الله لايوفقه كان هذا اولها

[زهرة بيسان]

الحمدلله كما ينبغي لجلال وجهه وعظيم سلطانه

[عواطف محمود]

:36_1_33:السبت باذن الله شمس تطلع خبر يبان

[miss aml]

افهمن الهرج زيييييييييييييين يعني خلا ل الثلاثه الاشهر مايجي شهر 5
الا كل واحده بمدرسته ان شاء الله

[ام عبدالملك]

الخير جاي باذن الله تعالى

[ام سلوفه]

افهمن الهرج زيييييييييييييين يعني خلا ل الثلاثه الاشهر مايجي شهر 5
الا كل واحده بمدرسته ان شاء الله

طيب احسبي ياحلوه شهر 2 و3 4 والهرج على قولتك واضح ترى ملينا من جد والله الامر مايحتاج يوم كنا نطالب بالتثبيت قالوا الامر يحتاج دراسة وجلسوا يدرسون السالفه سنوات ويوم امر الملك بالتثبيت صاروا يماطلوا ولله مايحتاج ا كله

[يارب اهلكني الهم]

بكرة يذوووووب الثلج ويبان الهرج من المرج

[نديمة ليل]

الله يسعدك ويوفقك ويكتب لنا الخير من هذا التثبيت

[استغفر الله*]

استغرب انكن حتى الان تصدقن المسوؤلين هههههههههههههههههههههههه
والله حالتنا تدعوا للشفقه
كيف تغير كلامهم مش قالوا انتظروا للميزانيه بس هههههههههههههههههههههه
وبعدين قالوا ان المحاضر انتهوا منها وارسلوه
اليوم شفت موضوع يقول ويبشر انهم انتهوا من المحاضر ههههههههههههه
اذن تصريحهم الاول انهم انتهوا منها وارسلوها كذب والى التصريح هذا كذب هههههههههههههههههههههه
اعتقد ان التصريحيين كذب
ورددوا يالليل ماطولك
اليوم فيه تجمع في الرياض وبنشوف اخرتها معهم
السنه هذي الملك الله يطول بعمره معطي التعليم اكبر ميزانيه
ولايبين بعيونهم مهما يعطيهم يبيهم يخلصون امور الناس وهم ولاعلى بالهم .

[reeofd]

لا اله الا الله كل شوي يزيدون شهر
اليوم السبت لا حس ولا خبر ملينا من المماطله
اللي في القرى نقلوهم والعاطلين عن العمل صرفوا لهم الاعانه
واللي مسجلين بجداره وجهوهم وصارت خبرتهم اكثر منا والحين
استحدثوا وظايف جديده للخريجين ولا يحق لنا التسجيل فيها
واحنا نتظر ونتظر ونتطر ونتظر .................وما زلنا ننتظر
ترى ع فكرة حتى الصبر بيمل منا اصلاً المفروض معد نستعمل مصطلح
صبر نستعمل كلمة محو الامية ابلغ واجزل

[ضمة ع شق***]

مافي شي جديد وراح نكمل السنه كلها بمحو الأمية بائن الوضع سكووووووووت

[الهمم العليا]

لاحول ولا قوة إلا بالله

[الغروب]

حسبي الله ونعم الوكيل

[the previliged]

الله يثبتنا دنيا واخرة ....

[حلم ممنوع]

لن نقبل بهالمماطله ابدا

لأن مالهم عذر للتأخير ابدا

عذرهم الميزانيه وانتهى

وش عذرهم الحين؟؟

[روح الرحيل]

فيه مثل يقول من ساعة لساعة فرج
وهذي حالتنا مع الوزارات كل ما جاء الموعد قالو الشهر الجاي
راحت اروحانا واحنا ننتظر وكأنه سراب .. سرررررررررررررررررررررررراب

[اكليل فرح]

كل مرة يقولون خلال كم شهر
ومرت السنه وبتمر شكلها سنين

[احلا عضوة]

الله يهديك نحن نريد الترسيم اليوم قبل بكره وتصدمينا بهذا الخبر اللي على كلامك مفرح ......الله يتمم لنا التثبيت على خير بصراااحه تعبت نفسياتنا وتشتت أفكارنا من هالتثبيت ....