قصيدة .. فن التعامل مع الناس

[تطوير]

من منطلـق مبـدا بنـاء العـــــلاقـات
احرص على فن التعامل مع النـاس
كانك تبي ترتاح في كـل الأوقــات
خذ من علوم المعرفه زود نبـراس
ابـدا بنفسـك بالأمـور المهمــــــات
حدد ميولـك والمشاعـر بمقيــــاس
افهم سلوكـك غايتـك والوســيـلات
خل نيتك تظهر على صدق الإحساس
اليــــــا بغيت اللي تبـي إنـت بالـذات
بعض الطبايع حطها بين الأقـواس
سامح خطا غيـرك بـرد التحيـات
قل للذي قـدم لـك العـذر لابـاس
لوتختلف مع فكر بعـض الروايـات
وجهه نظر مايفسد الـود قرطـاس
ركز على الإيجاب لوهـن قليـلات
الجانب السـيء يخليـك محتـاس
ترى الذي ينظر بعيـن الفراغـات
عكس الذي بالماء نظر داخل الكاس
ابحث على كل الصفـات الحميـدات
حيث التفائل والأمل يقطـع اليـاس
الـود والتقديـر سـر الحكـايـات
والعرف والمعروف والطيب نوماس
رد الثنـا وارفـع بـه المعنويـات
خل سمعتك بالمجتمع ترفع الـراس
افزع لغيرك فزعة أهـل الحميـات
وقت الشدايد يوم الأريـاق يبّـاس
قلـل مـن آثارالألـم بإبتسـامـات
قابل ظروف الوقت بالعزم والبـاس
لو عارضك بعض الهموم الثقيـلات
اصبرترى عقب العواصيف نسناس
ترى الكلام أيضاً يبي لـه مهـارات
كثره يخلـي سامعينـك بهوجـاس
إبعد عن أنواع الجـدل والنقاشـات
اترك لغيرك يلتقط بعـض الأنفـاس
لاتدعي بالعلـم مـن دون الإثبـات
بعض السوالف للعرب مالها سـاس
عوّد السانك من رقيـق العبـارات
واختار لك في قمة الصدق مجـلاس
الإعتـراف أول حلـول الخطيـات
دام الخطا وارد على كـل الأجنـاس
غيّر حياتك كل مافـات لـك مـات
تصبح عقب تغييرها أسعـد النـاس

[ليالي الانس]

ترى الكلام أيضاً يبي لـه مهـارات
كثره يخلـي سامعينـك بهوجـاس
إبعد عن أنواع الجـدل والنقاشـات
اترك لغيرك يلتقط بعـض الأنفـاس
لاتدعي بالعلـم مـن دون الإثبـات
بعض السوالف للعرب مالها سـاس
عوّد السانك من رقيـق العبـارات
واختار لك في قمة الصدق مجـلاس

محتاااااااااااااااااجين لهالمفاااهيم الايام هذي
صح لسااان القايل والناااقل
الله يسعد ايااامك وليااليك ويرضى عليك
تحيتي

[نديم المحبة]

تطويررررر
الله يعافيك يالغـالي

واشكـرك لـ أختيـاركـ الجميـل
ربي يسـعدك

[أم عبدالعزيز]

أنتقاء في قمة الروعه
صح لسان قايلها وسلمت يمنى ناقلها
دائما تسعدنا باختياراتك الله يسعدك
يعطيك العافية

[بروق الوايلي]

ركز على الإيجاب لوهـن قليـلات
الجانب السـيء يخليـك محتـاس
ترى الذي ينظر بعيـن الفراغـات
عكس الذي بالماء نظر داخل الكاس
ابحث على كل الصفـات الحميـدات
حيث التفائل والأمل يقطـع اليـاس
الـود والتقديـر سـر الحكـايـات
والعرف والمعروف والطيب نوماس


الف شكر ع أ/تطوير ع روعه الاختيار وجميل الانتقاء
ننتظر جديدك المميز..