صــاعــ ق ـة من مـعـلمـات مـحـو الأمـيـة قريباً !بإذن الله..{ [الأرشيف] - المنتدى الحواري لمنسوبي ومنسوبات التعليم والتدريب

ho0ope

01-30-2012, 03:52 AM

بنات اصحواااااااااااااااااااااااااااااا

وين دورنا احنا

المعلمين (( الرجال )) جابوها لنا على طبق من ذهب

ليش مانتحرك معاهم ونسوي صــاعــقــــة للإدارات كلها بفرعيها ( رجال - نساء )

تخيلوا معاي نصير معلمين ومعلمات وقسسسسسم بالله يابنات وباذن ربي يتحقق لنا مطلبنا

1/ الترسيم الفوري

2/الدرجة المستحقة

3/التثبيت المكاني (( مهم جداً جداً ))

4/ الأثر الرجعي من تاريخ القرار

بنات بنات بنات كل هذا بيتحقق لنا مسسسستوعبين؟؟؟ حلم أي

موظف في الدنيا واحنا مانبي نضضضضيعه!!

وبند ساعات وتعديل راتب ششششششكرا مانبي والي نبيه هي النقااط الأربع المذكورة:

1/ الترسيم الفوري

2/الدرجة المستحقة

3/التثبيت المكاني (( مهم جداً جداً ))

4/ الأثر الرجعي من تاريخ القرار

وبسسس يابنات هذي طلباتنا الي أصدرها أسااسا لنا ملكنا الله يطول

في عمره وغيرهذي الأوامر الملكية,لاااااااااااا!!

احنا معلمات وفاهمات قوانين بند الساعات الظالمة..

بالله عليكم لازم نتحرك

من اول كنت ساكتة وأتابع لكن القهر((اللهم اني اعوذ بك من غلبة

الدين وقهر الرجال )) صدق رسولناالكريم صلى الله عليه وسلم لما استعاذ من

قهر الرجل , قهر يابنات بيذبحني , أقسم

بالله في قلبي قهر و نار من الي صار فيني بعد وفاة أبوي الله

يرحمه ويغفر له وهو

مافرح فيني , في قلبي نار من الي سووه فينا وهم ولا همهم..

نتفق ونتحرك ونرفع لافتات للغالي ( الملك عبدالله) نستنجد فيه بعد

الله عز وجل

وولي عهده الله يحفظه

( الأمير نايف )..

ونراعي القواعد الاملائية فيها..المعلمين مكسرين الدنيا

ويطلبون مننا نسااندهم واحنا

المفروض بدون مايطلبونا نكون تحركنا.. لكن على العكس كل الي قاعدات

نسويه نرد في منتدى أو نستمع لطلبات الدروس النموذجية وأوامر, في وقت

ضغط نفسي وألم وقهر وطلبات لاتنتهي مافيها أي

ذرة من الرحمة والشفقة ومراعاة ما نمر به من أزمة نحن معلمات محو الأمية, والله حرام

وأقسم بالله حرام احنا بشششر ياعالم ..

احنا كلنا معلمات ومثقفات وواعيات وأسلوبنا كلهم يعرفونه

ومجربينه ماغلطنا

في شي وما غلطنا في حق أحد ولا تعدينا حدود الدين أو العرف ولا راح

نغلط اللهم لك

الحمد ..

كان تجمع معلمات محو الأمية السابق مضرب مثل في

الرقي والرفعة والحضارة ..

بليز بنات مستقبلنا .. وأحلام كبيرة بنيناها على أمر ملكنا بتثبيتنا

سواء لأهالينا في حياتهم والحين بعضنا يخطط لأمال

وأعمال لأهلهم في مماتهم وفقدناهم في عز حاجتنا إلى وقفتهم جنبنا

وتصبيرهم لنا,محتاجين منا

أعمال خير وبر توصل لهم وهم

في قبورهم وحيدين تؤنس فيها وحشتهم!!

الله يخليكم فرصة يابنات يارب مانندم على ضياعها..

ننسق بيننا مثل مانسقوا المعلمين بينهم في منتديات ثانية مثل منتدى

( خريجي اللغة العربية) تنسيق فظيع وجهد جبار

..

اتفقوا بنات بما اننا في بدايةالترم للحين

وأنتظر ردودكم انتظرهاا انتظرها..

اتفقوا اتفقوا اتفقوا

ssatta

01-30-2012, 04:01 AM

يارييييت ... لكن ما لاحظة ان المعلمات وللأسف ؟؟؟؟؟؟؟؟ غير متعاونااات ابدا

ho0ope

01-30-2012, 04:07 AM

ssatta

لازم ياعمري نتعاون .. هذي حياتنا

مستقبلنا

عمرنا

أهلنا

لو احنا ماانقذنا نفسنا والله ماحد يدري عننا

فكروا فكروا الاسبوع بييجري وأخاااااف

( المعلمين )

ييأسون مننا

نانالودي

01-30-2012, 04:17 AM

لازم معلمات كل منطقة ينظمون طلعتهم مع بعض
هذي فرصتنا لو ماتحركنا راحت علينا
مشاء الله الشباب ماقصروا
المعلمات اذا طلعوا في كل المناطق وباعداد كبيرة صدقوني
راح نتثبت وباسرعه وقت
يالله الثلاثاء دورنا

ho0ope

01-30-2012, 04:27 AM

أتمنى من جميع المعلمات يدخلون المنتدى ونتفق على موعد هذا الأسبوع

وإذا يناسب الجميع يوم الثلاثاء زي ماقلتي حياتي

نانالودي

يكون شئ روعةلازم بسسسسسسرعة يابنات مع المعلمين صار لهم يومين حرام نتأخر أكثر من كذا والله العظيم

من فهمني ملكني

01-30-2012, 04:28 AM

المشاركة الأصلية كتبت بواسطة ho0ope http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=298767#post298767)

http://www.wtb28.com/clear.gif

ونرفع لافتات للغالي

ونراعي القواعد الاملائية فيها..

اما بهذي راح يبيضون وجهك معلمات الامية خصوصا في المنتدى هههههههههههههههههههههههه

ريف22

01-30-2012, 04:29 AM

معااااك

ho0ope

01-30-2012, 04:36 AM

ريف22

يارب ياقمري كل زميلاتنا يشاركونا قولي آمين

احنا كلنا محتاجين لبعض

ووقفتناهذي مع بعض عمرنا كله ماننساها

يلا يابنات بتهون ان شاء الله

moony

01-30-2012, 05:14 AM

طيب حددوا مكان للتجمع و ان شاء الله حاضرين
ولا تقولوا كل منطقة عند ادارة التعليم التابعة لها لانهم ما بيدهم شي
نريد احد الامراء او من لهم كلمة مسموعة يوصل صوتنا و اذكركم ما جاب التثبيت بامر الله العام الا معلمات عسير و اميرهم الطيب الله يستر عليه اللي وصل صوتنا

ام جسار

01-30-2012, 05:22 AM

يارب توفقناااا

ho0ope

01-30-2012, 05:29 AM

اوك حبيبتي

moony

مبدئيا في خيار التجمع يوم الثلاثاء والاستمرار فيه ليوم الأربعاء زينا زي

المعلمين لأن الوقت جداااااااا ضيق والشباب

بحاجتنا يابنات جنبهم ومحتاجين وقفتنا وكلمتنا

يبقى نحدد المكان ان شاء الله

أنتظركم وكلنا هنا في المنتدى زميلاتكم في المنتدى ننتظركم

بليز بنات فرصتنا والفرصة في العمر مرة لانضيعها ومطالبنا مانبي غيرها

وهي :

1\ الترسيم الفوري

2/الدرجة المستحقة

3/التثبيت المكاني (( مهم جداً جداً ))

4/ الأثر الرجعي من تاريخ القرار

لا أحد يجيب طاري لتعديل الراتب , وبند الساعات

لأننا بنضيع نفسنا . أهم شي التثبيت والدرجة المستحقة وبكذا

نضمن حقوقنا كلهاااااا يارب

ho0ope

01-30-2012, 06:17 AM

أم جسار
اللهم آآآآآمين ياقلبي

لازم يا أم جسار وقفة حاسمة مننا كلنا

ندعي ونتوكل على الله وفي نفس الوقت نسعى ونعمل ومانظلم نفسنا بسكوتنا عن

حقوقنا , حقوق توفر لنا العيش بكرامة وتتويج جهد دراسة وعمل

لسنوات وسنوات

حرام نكون مثل الي يحفر قبره بيده بنات

كلامي صح ولا أنا قاعدة أخرف؟؟

بليز!!

ام صبا

01-30-2012, 07:52 AM

خلاص يوم الثلاثاء التجمع وانا معكم بس لازم نكون يد وحده مع بعض

ام عزام

01-30-2012, 08:02 AM

الله معكم شدوا حيلكم وسوي مجموعات المدينه الرياض الباحه وهكذا وتفقوا علي الخاص او الجولات مثل الرجال معلمين محو الاميه ياليت اقدر باقي ايام وأولد بس فيكم الخير والبركه ان شاء الله وان شاء الله ربي ينصرنا

ho0ope

01-30-2012, 08:14 AM

أم صبا حبيبتي
لازم نكون يد وحدة مع بعض ومع زملائنا المعلمين

ان شاء الله

ومانبي يجي لحظة نقول

ياخسااااااارة

بنات تكفون

يوم الثلاثاء التجمع اتفاق الى الآن

!!

باقي نحدد وجهة تجمعنا وين تكون يلا نتفق

ومو أول مرا نتجمع يعني أغلبنا عنده الإمكانية بإذن الله ينقذ مستقبله الوظيفي

كمااااان أنا في انتظار ردودكم

نديم المحبة

01-30-2012, 08:18 AM

الله يوفقكمـ يارب

ho0ope

01-30-2012, 08:23 AM

ياآآاارب يا أم عزام تقومين بالسلامة

وتصير فرحتك فرحتين ( البيبي والرقم الوظيفي )

بإذن ربي ويصير فال خير ل ولنا كلنا حبيبتي..

فعلا لازم اتفاق بيننا برسائل المنتدى والواتس اب ولوفي إمكانية بالجوال

المهم يوصل صوتنا لزميلاتناااااا كلهم

وتحديد المكان والوقت بالدقيقة هو الأهم

حددو وجهتنا والسااعة والدقيقة بسسسسسسرعة اليوم الاثنين نتفق وبكرا نبدا

مافي وقت.. وهذا رابط يوضح دور المعلمين وطريقة مطالبتهم وخطواتها في أحد المنتديات

يااااليت نكون زيهم

http://arabe1.net/showthread.php?t=12191&page=194

واحنا باشتراكنا معاهم بتعمل انجاااااز حقيقي صدقوني وهم في المنتدى يوجهون نداء لنا ويارب يوصل لقلوبنا

@rado@

01-30-2012, 08:27 AM

ياليت والله الكل يكون حازم وجدي في التجمع والمطالبه بحقوقنا لان الوضع اللي وصلناه مأساوي

ho0ope

01-30-2012, 08:31 AM

يآآآآآآآآرب يا

نديم المحبة
محتاجين كل دعوة من كل قلب طيب وصادق

محتاجين وقفة رجال من معلمات ومعلمين

وبالنسسبة لي ماراح أفقد الأمل انه راح نحقق أسرع اتفاق لتجمع على مستوى المملكة

وفي وقت قياسي

ومن منتدانا هذا

عندي أمل كبيررررررر في الله ثم في زميلاتي

ho0ope

01-30-2012, 08:36 AM

@rado@

ياقلبي..

مأساوي أكثر لو جلسنا نتفرج

ماابي نندم بنات

مااااابي نندم

مافي شعور قاتل بالدنيا أكثر من الندم

المعلمين فتحوا لنا باب الله يسعدهم

ماباقي شي .. وش ننتظر

عبير55

01-30-2012, 09:19 AM

انتم قصدكم تجتمعوا مع ادارة تعليم الكبيرات وتقدمون لهم خطاب يتضمن التثبيت الفوري و المكاني والفرقات

وردالجوري

01-30-2012, 09:29 AM

بنات شرايكم نجتمع عندقصرالملك؟
وربي انه اسرع وسيله
وانا جاااااااااااده جدا
بيت الملك عبدالله بحي الملك عبدالله
اللي تعرف توصف لنا موقع القصر لاتقصر
الملك عبدالله رحووووم خاصة عندالنساء يرحم فسنبكي حالنا
وعدم تنفيذ الامر
ومطالبنا
حقوقنا
الاثرالرجعي
اعطاؤه معاناتنا صح
وزارة التعليم ماعندها ماعندجدتي الله يرحمها
ولااي وزاره راح تقول لنا
المره هذي جاااااااااااده ومتحمسسسسسسسسه جدا
نبي اعلام خفي وتصوير

وياليت يكون عندالشباب خبر عشان يكملون اجتماع يعني كلنا نطلع

الشباب موثلاث ايام وخلاص ...

تكفووووون مستقبلكم بيضيع
هذي فرصتنااااا
والاما راح يجي التثبيت
وسنبكي على حالنا

الحقوا انفسكم
الهمممممممممممه الهمممممممممه يابنات

بنت حواء في الجنوب

01-30-2012, 10:52 AM

يارب توفقنا وتيسر جميع أمورنا

جووودي

01-30-2012, 11:45 AM

المشاركة الأصلية كتبت بواسطة moony http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=298781#post298781)

http://www.wtb28.com/clear.gif
طيب حددوا مكان للتجمع و ان شاء الله حاضرين
ولا تقولوا كل منطقة عند ادارة التعليم التابعة لها لانهم ما بيدهم شي
نريد احد الامراء او من لهم كلمة مسموعة يوصل صوتنا و اذكركم ما جاب التثبيت بامر الله العام الا معلمات عسير و اميرهم الطيب الله يستر عليه اللي وصل صوتنا

خلااااص موني اتفقنا طيب جمعي عدد من المعلمات تراني مستعدة عن جد صحيح هذا هو الحل المجدي .

جووودي

01-30-2012, 11:50 AM

المشاركة الأصلية كتبت بواسطة وردالجوري http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=298884#post298884)

http://www.wtb28.com/clear.gif
بنات شرايكم نجتمع عندقصرالملك؟
وربي انه اسرع وسيله
وانا جاااااااااااده جدا
بيت الملك عبدالله بحي الملك عبدالله
اللي تعرف توصف لنا موقع القصر لاتقصر
الملك عبدالله رحووووم خاصة عندالنساء يرحم فسنبكي حالنا
وعدم تنفيذ الامر
ومطالبنا
حقوقنا
الاثرالرجعي
اعطاؤه معاناتنا صح
وزارة التعليم ماعندها ماعندجدتي الله يرحمها
ولااي وزاره راح تقول لنا
المره هذي جاااااااااااده ومتحمسسسسسسسسه جدا
نبي اعلام خفي وتصوير

وياليت يكون عندالشباب خبر عشان يكملون اجتماع يعني كلنا نطلع

الشباب موثلاث ايام وخلاص ...

تكفووووون مستقبلكم بيضيع
هذي فرصتنااااا
والاما راح يجي التثبيت
وسنبكي على حالنا

الحقوا انفسكم
الهمممممممممممه الهمممممممممه يابنات

شوفي حبيبتي معلمات الرياض لوتجتمعوا عند قصر الملك طبعا والصحفي معكم يكون أحلى وإحنا المعلمات في جميع المناطق ( مكة , الطائف . المدينة , الباحة , تبوك , و... عند ادارات تعليم الرجال يابنات وربي هذا هو الحل الوحيد والله إني جاااااااااااااااااادة جاااااااااااااااادة
ترى خلااااص ملينا تسكيتات وتخديرات

وردالجوري

01-30-2012, 12:10 PM

راح العمرررررررر
خلونا نتفق بسرررررررعه

ho0ope

01-30-2012, 12:34 PM

عبير55

حياتي القصد اننا نتفق نتجمع في مكان يوصل صوتنا للملك عبد الله الله يحفظه

ويعرف القهر والعذاب النفسي الي نعيشه

والملطوب نفكر الحين مع بعض بسرعة في طريقة

زميلاتي الوقت ينفذ لازم اليوم في يمدارسكم تصيرون على علم بالموضوع وتخبرون زميلاتكم

يلا بنات والله والله ( ماحك جلدك مثل ظفرك )

ho0ope

01-30-2012, 12:52 PM

ورد الجوري

ياقمر (( من نفس عن مؤمن كربة من كرب الدنيا , نفس الله عنه كربة من كرب يوم القيامة )) صدق رسول الله صلى الله

عليه وسلم ..

وانتي بكلامك بتنفسسسسسين كربة الاف من المعلمات وزميلاتك وأخواتك كلامك وربي انه خلى قلبي يدق بقوووة ..

الله يخليك يابنت الرجال ويرزق من رباك جنة الفردوس وهذا نداء مني ومن ورد الجوري:

قصر الملك عبد الله يابنات والله مايردنا عن بابه , عبارات ولوح تنوه عن حبنا وولا ئنا للغالي ولوطننا وكلمات تهز

مشاعر الحجر عن وضعنا ..

ورد الجوري
ابداي اتفقي مع زميلاتك في المدرسة وغير المدرسة يابنات الرياض يلا.. آآآه ليتني في الرياض !!

وقفة الحرمة قدام ملك القلوب مابتعدي يابنات بالساهل

فرصة والله العظظظظيم

بكرا بنات الرياض قدام قصر الملك .. واحنا بقية المدن قدام الأمارات بأسلوب راقي وحضاري كعادتنا معلمات محو أمية

ومطالبنا مو تعديل الراتب لااااااا مطالبنا هي :

التثبيت الفوري والمكاني

الفروقات المالية

والدرجة المستحقه

لانريد بند الساعات ولانريد وعود تذهب ادراج الرياح

أبي رأيكم..

ho0ope

01-30-2012, 01:01 PM

بنت الجنوب
يارب يستجيب منك حياتي

لكن لازم نتحرك .. المنتدى وسيلة من ضمن مئات الوسائل الي بتساعدنا ناخذ حقوقنا

الله يخليكم نتساسسسساعد

الله يخليكم بنات

بنات الرياض قدام قصر الملك .. واحنا بقية المدن قدام مبنى الأمارة وأرجع أكرر أسلوبنا المعروف عننا معلات محو الأمية الرقي في التعامل

ومطالبة مظلوم بحقه يريد نصرته من قبل من بيده الأمر

وش رايكم ياقتراحي

بنات المدينة وينكم يازميلاتي!!!

وبنات القصيم - جدة - مكة - الجنوب - الشمال - تبوك - الشرقية

كلها تعب ساعة أو ساعتين ونرتاح العمر كله يارب

ردوا عى برأيكم في موضوع الاجتماع قدام أمارات المدن بنات.. امرائنا مابيسكتون على الي قاعد يصير وبيقلبون الدنيا والله

مثل ماسوى الأمير خالد الفيصل الله يسعده!!!

ho0ope

01-30-2012, 01:10 PM

جووودي

حبيبتي يارب يسعدك لكن الإدارات كلها على كلمة وحدة ( نوعــــدكـــــم - تـــثـــبــيـــــتـــكـــم قـــريـــب )

فيكم صبر للحين على الكلمتين هذي!!

معقول؟؟؟؟؟؟؟؟؟؟؟؟

أنا طقيت مليت ماعاد فيني صبر

انتو زيي ولا لا بنااااااااااااااااااااات؟؟؟

بنات حائل وأخصكم بالنداء وقفتكم المرا الأولى الكل يوقف لها احترام وتبجيل !! طلب ورجاء كرروها أمام مكتب صاحب السمو الملكي

أمير مدينة حائل تتخيلون وش بيصير يابنات حائل؟؟

جربوا وشوفوا

شموع دافئة

01-30-2012, 01:27 PM

بنات ابها تكفون خلونا مانضيع الفرصه اليوم نتفق عن طريق مديرات المراكزينسقون لاجتماعنا امام الامارة يوم الثلاثاء الهمه يابنات حقكم راح يضيع اذا ماطالبتوا به بنات ابها انتم جبتوه بالاول وان شاء الله الحين يكون لكم بصمه وياليت باقي المناطق كذالك

ho0ope

01-30-2012, 01:32 PM

يسسعدك ربي

شموع دافئة
يارب مايخيب أملنا

حبيبتي اتفقي انتي وزميلاتك وزميلاتك مع زميلاتهم وكذا لحد مايوصل صوتنا لأكبر عدد

وفكرتك بالنسبة للمديرات ينظمونكم فكرة حلوة بس أخاف تاخذ وقت لكن مافي مانع من تجربة تنفيذها إذا حاسين إن

مديراتكم خلال اليوم بيكون لهم كلمة ووقفة في تنظيم تجمعكم..

بقية المدن وينكم.. تعبنا من البهذلة وربي

روعة مشاعر

01-30-2012, 01:34 PM

روعة مشاعر

01-30-2012, 01:35 PM

زي ماجبناها اول مره عن طريق التجمع راح نجيب التثبيت التثبيت المره هذي اهم شي نكون يد وحده كل المعلمات بديلات ومحو اميه يد بيد ويكون العدد اكبر قدر حتى يوصل صوتنا

وبعدين الحريم ماراح يقدرووو يسووون معاهم شي راح ننتصر باذن الله

ho0ope

01-30-2012, 01:42 PM

روعة مشاعر
حبيبتي وهذا الي فعلا بيصير بإذن الله بشرط وقفتنا بجد في الموضوع

المعلمين حاليا متفقين يروحون قصر الملك عبد الله يوم السبت!!

رأيكم بنات نكون معاهم يوم السبت في حملة تجمع وحده أمام القصر في الرياض

وأمام الأمارات في بقية المدن من قبل المعلمين والمعلمات !!

بتكون طآآآمة إعلامية

أنتظر أرائكم وحماسكم واستعدادكم لإنقاذ مستقبلنا وحياتنا بنات,,

cute h

01-30-2012, 01:43 PM

هيا يامعلمات الطايف الرجا التجمع الله يوفقكم كل من تقرا هذا الموضوع تخبر بعض عن التجمع حاولوا حتا في المدرسه انشقوا مع بعض استغلوا هذا الاسبوع دقوا الحديد وهو حامي الهمه الهمه يابنات ملينا الانتظار طفشنا الي متا هيا ياحلوات

cute h

01-30-2012, 01:45 PM

عفوا اقصد اتفقوا مع بعض

نُونْ

01-30-2012, 01:50 PM

معاكم في أحد من الطائف ؟؟؟
متى و وين بالضبط ؟؟

ho0ope

01-30-2012, 01:54 PM

cute h

وبنات الطايف ماشاء الله عليهم ياقلبي والله ماقصرروا

نبي وقفتهم مرا ثانية بنتعب شوي وبتتعطل أمور بعضنا يوم بس ماعليه عشان عمرنا الي قدام بإذن الله

أنتظر ردكم عل تجمعنا مع المعلمين يوم السبت يابنات أمام قصر الملك الله يحفظه في الرياض , وأمام الأمارات في بقية المدن

وش رأأأأأأأأأأأأأأأيكم نبي نتفق قبل الدوام!

معلمه انتظر المقابله

01-30-2012, 01:56 PM

والله ماينفع معهم الا كذا واذ ماتحركنا والله التثبيت يروح مثل ماراح تثبيت 1426
وانا قلت قبل في ردود لى انهم راح يثبتوا الموظفين البنود السنه هذي ويقولوا خلاص ثبتنا الجميع ومعلمات محوالاميه منسيات كالعاده
والله يابنات وهذا اللى صار الان اغلب الموظفين عرفوا مراتبهم وحنا ماجاء اي خبر عنا
وانا متوقعه انهم يخططوا كيف يتخلصوا من معلمات محوالاميه ليش كل هالتاخير
من جاء التعميم والله دريت انا مافيه تثبيت

ho0ope

01-30-2012, 01:59 PM

نُونْ
كلنا ان شاء الله لازم نتواجد اتفقي مع زميلاتك ياقمر ومديرتك وكل مدرسة بيوصلها الخبر

مبدئيا عرضت فكرة انه يكون التجمع أمام قصر الملك عبد الله في الرياض لبنات الرياض

وأمام مبنى الأمارة في كل مدينة من قبل معلمي ومعلمات المنطقة

لكن الى الآن مالقيت رد على الفكرة

!!!!!!!!!!!!!!!!!!!!!!!!!!!!!!!!!

ho0ope

01-30-2012, 02:07 PM

معلمه انتظر المقابله
حياتي التثبيت موجود بإذن الله تفائلي ولا تهبط من عزمك وعزم زميلاتك وزملائك .. لكن لازم نسعى له

اتفاقنا هو الحل,,,

أمام قصر الملك وأمام أمارات المناطق

(تحدد المكان)

ومابقى إلا نحدد الزمان ونتوكل عل ربنا الي مارضى الظلم على نفسه فكيف بعبده الفقير؟؟

أمنت بك يا الله سبحانك ماأعظم شأنك

ho0ope

01-30-2012, 02:22 PM

الليلة بإذن الله نجتمع في المنتدى لتحديد وتنسيق وقت تجمعنا بالدقيقة وأتمنى من كل معلمة تبلغ زميلاتها بالموضوع الله يخليكم لازم نشوف حل ونتحرك زي زملائنا المعلمين.. بنات رغم الي سووه زملائنا فعلا ماطلع ولا مسؤول يتكلم عن

تثبيتنا أو يطمنا ؟؟ مستوعبين بنات؟؟ فاهمين يعني ايش كلهم ساكتين رغم كل الي قاعد يصير؟؟

عشان كذا مابنظل تحت رحمة أحد غير رب العالمين وبنسعى احنا للبحث عن حقوقنا عند من سخر وقته وصحته عشاننا

ملكنا الله يطيل في عمره وولي عهده..

بـــ رب دوآآم حياتي,,

ميمي المدينة

01-30-2012, 02:22 PM

جاكم الاعصار وخر عن طريقه

وربي لو تجمعنا غير نصبح إعصار مدمر للوزارات

يالله يابنات نجتمع وانا مع بنات المدينة

والتواصل عن طريق الجوال او البيبي

وربي انا جاده جدااااااااااا

بنات المدينة من يبغى يتفق معايا

يالله الهمه الهمه

وربنا يوفقنا

ورددو جاكم الاعصار

بلقيس

01-30-2012, 02:23 PM

:sm222:

نانالودي

01-30-2012, 02:28 PM

طيب التجمع متى

بنت الجنوب

01-30-2012, 02:59 PM

بسم الله الرحمن الرحيم
جزاكم الله الف خير معلمات محوالامية وربي يوفقنا ويوفقكم همتكم يابنات جازان خلينا يد وحدة وربي راح ينصرنا علي من ظلمنا
بنت الجنوب

بنت الجنوب

01-30-2012, 03:00 PM

التجمع فين

ho0ope

01-30-2012, 04:07 PM

اذن وصلنا لنقطة تحديد الزمن بالدقيقة:

يوم السبت 12\3\1433هـ الساعة 9:00صباحاً

للتجمع أمام قصر الملك عبد الله- يرعاه الله- لجميع معلمي محو أمية بالمملكة ومعلمات محو أمية بالرياض,,

وأمام أمارات المناطق لمعلمات محو أمية في بقية المدن

/

/

ملاحظة أرجوكم

اللافتات واللوح الي معانا لازم يكون فيها تأييد للملك ودعم له وذكر وشكر لمواقفه أهم

ششششششششئ..

ثم تأتي تحتها طلباتنا وحقوقنا

الملك عبد الله فضله علينا كبير بعد الله

أرجوكم الملاحظة هذي تكون تؤخذ بعين الإعتبار زميلاتي وزملائي وركزوا عليها وانشروها..

ho0ope

01-30-2012, 04:13 PM

ميمي المدينة

انتي حياتي منسقة لبنات المدينة ويعطيكي الف عافية ياقمر

وأي وحدة من البنات تحب تتواصل مع

( ميمي المدينة )

تتواصل معاها برسالة خاصة لأي اساتفسار عن التجمع

يارب يخليكم كلكم لنا ومايحرمنا وقفتكم بنات يلا يوم االسبت موعدنا تشجعوا وشجعوا بعض

ho0ope

01-30-2012, 04:20 PM

بنت الجنوب - بلقيس - نانالودي

بنات الله يوفقكم صار كل شئ واضح الموعد والوقت والمطلوب في اللافتات واللوح من شكر لملكنا قبل كل شئ

بنات بنتساعد ونرتاح خلاص تعبنا من القهر حرااااااااااااام

رقيه

01-30-2012, 04:36 PM

وانا معاكم وين المكان والموعد وراح اجي

سبحانك ربي

01-30-2012, 05:03 PM

صح لسانك يhooope هذا الكلام السليم اللي من زمان انتظره نحن وبعون الله جاهزون في اي وقت تريدون

ho0ope

01-30-2012, 05:18 PM

رقيه \ سبحانك ربي

همتكم معانا وكلموا ياعمري زميلاتكم وهم يكلمون زميلاتهم وتجمعوا كل في منطقته

في الوقت المحدد والزمن المحدد وباللوح زي ماذكرنا نشيد فيها بملكنا ملك الإنسانية وبعد ذلك نذكر مطالبنا

زميلاتي كلنا محتاجين لبعض

الى الان عندنا منسقة لمعلمات المدينة تقدرون تتواصلون معاها بالرسائل الخاصة والاستفسار عن أي شئ يخص التجمع

وهي ( ميمي المدينة )

ام شهد

01-30-2012, 06:12 PM

منسقه الرياض من؟؟؟؟؟؟؟؟؟؟؟

مهند9999

01-30-2012, 06:19 PM

خلاص انا معكم من الرياض بس لازم اتأكد إن فيه ناس بيطلعون معي لأني مقهورة من المره إلي راحت رحت أنا وزميلاتي في المدرسه

يضحكون علي يعني يمكن 3من الحي إلي طلعو وانا الثالثة فقط

هيييا

01-30-2012, 06:56 PM

يا أخوات هدو شوي
اقتراحكم صح وعين العقل بس فيه شئ واحد
لا تزعلون مني قبل كل وحدة يأخذها الحماس وتقول معكم المتزوجه تشاور زوجها والبنت تشاور أهلها كثيررررر اتفقنا وانسحبوا بحجج رفض اهلهم وازواجهم أنا طلعت المرة الاولى من الرياض والحمدلله على كل حال لكن للاسف معي وحدة خرجت بدون اذن زوجها
والله يا أخوات جاي يأخذها واحنا نقول الله يستر عليها ويعديها على خير معها كان في قمة الغضب
واللي توافق تعاهدكم على الصق والوفاء اما مسألة معكم معكم وبعدها تكبر المخدة اتوقع سكوتها افضل
يارررب ما احد يتضايق من صراحتي اللي شفته المرة الاولى يجبرني احكي وانبه الكل

ضي العز

01-30-2012, 06:58 PM

يد الله مع الجماعه

ho0ope

01-30-2012, 06:59 PM

ام شهد
الى الان قلبي ما في وحدة منسقة للرياض بس أتمنى الموضوع مايحتاج لأن وجهتنا جميعا محددة ووقت محدد

فقط نتوكل على الله وراح نلتقي كلنا في المكان المحدد

ولو إننا نتمنى و نتمنى ونتمنى يكون لكل مدينة منسقة تتساعد مع زميلاتها

بليز بنات

إحنا المدينة منسقتنا

( ميمي المدينة )

وكل الي عليها تتواصل مع البنات بالرسائل الخاصة وتقول لهم طريقة أسهل للتواصل بينهم

وش ننتظر بنات؟

ho0ope

01-30-2012, 07:07 PM

مهند9999 \ هيييا

لا يابنات لا الله يخليكم احنا محتاجين لكل ايد وكل وقفة وكل كلمة وكل قلب

بنحاول رغم كل الظروف وبنحاول مع الزوج أو الأخ أو الأب ..

طاري المخدة في وقتنا هذا وموقفنا هذا يعني الموت بحسسسرتنا

تعرفون كف يعني الموت بحسسرتنا

فكروا في كلامي بنات للمرا المليون اقول لكم..

ho0ope

01-30-2012, 07:10 PM

ضي العز

فعلا ياقمر

يد الله مع الجمآآآآآآآآآآآآآآآآآآآآآآآعة

كلمة توفي وتكفي وزود

\
\

هيييا

01-30-2012, 07:16 PM

hooope
انا قصدت التنبيه وليس التحبيط من الهمم
والصحافه متاكدة بيجون
والله المرة الاولى انا من اتصل بهم قسم بمن خلقنا حصلناهم سابقينا اولهم موفود جريدة الجزيرة

ho0ope

01-30-2012, 07:26 PM

ياب يطمن بالك يا

هييييا
ويسعدك يارب,, والله فرحتيني

يعني بنلقى تعاون إعلامي خارجي كبيررر

هذا غير وقفتك ياغالية انتي وكل الزميلات

الله لايحرمنا منكم ياااارب

سبحانك ربي

01-30-2012, 07:27 PM

نبيهاء يوم الاربعاء في القصيم انا ابطلع ومعي مجموعه

ho0ope

01-30-2012, 07:34 PM

سبحانك ربي

هو الاتفاق حتى في منتدى ثاني ان التجمع بيكون السبت ان شاء الله

!!

مااحد يقدر يقول لك لاتطلعون تطالبون بحقوقكم ياقمر

\
بس كنصيحة أخت وعشان يوصل الكلام لأكبر عدد من زميلاتك في القصيم تخلونها السبت مع المجموعات كلها

والخيار في الأول والتالي لكي حبيبتي وخلوا في بالكم حاجتنا للإعلام بشكل كبير يكون متواجد وقبلنا بعد..

أنتظر قراركم ومالنا غنى عن بنات القصصيم وشبابها ربي يسعدهم

ho0ope

01-30-2012, 07:43 PM

للتوضيح .... التجمع أمام الديوان الملكي ,,,, وليس قصر الملك للتنبية ,,,,,,
لا أحد يغلط ويتجه للقصر .......

وترى الملك أبو متعب يداوم بديوان الملكي عند الساعة التاسعة وسوف يمر بموكبه حفظه الله ورعاه من أمامنا ....

وعندما يرأنا بأذن الله سوف يتوقف ,,,, او على الأقل ,,, سوف يسأل ماذا عند هؤلاء ,,,,.؟؟؟

وأتمنى عمل لافتات كما عملها بعض الزملاء في مكه ,,,,

للملاحظة عند الملك موظفين أثنين وهما مهتمان بشؤون المواطنين ,,, الأول : محمد السويلم ( أبو

مشاري ) والثاني وهو الجديد ولدية الكثير من الصلاحيات وكلهم فيهم الخير والبركة واسمه ( خالد التويجري )

ويمكن يسألنا الشيخ خالد التويجري ماذا تريدون عندها نتمكن من ترشيح ثلاثة او اربعه لمقابلة الملك ,,,,,

ولكن ذكر لي أحد الأقارب أن العدد أذا لم يتجاوز الميتين او ثلاثة مية على الأقل لن ينظر لكم ....

لكم الهمة يا أخوان الملك بيمر موكبه من أمامنا وهي فرصتنا يعني تجمعنا لن يفشل لكن بشرط العدد كبير,,,,,,,

وأبشرو بتثبيت ,,,,, لكن معلمين معلمات ,,,, التواجد ضروري حتى نلفت نظر أبو متعب ,,,,

منقول يابنات الرياض من منتدى خريجي اللغة العربية.. التوجه للديوان الملكي الديوان الملكي الديوان الملكي واحنا بقية

المدن للأمارات

سعودية طموحة

01-30-2012, 07:58 PM

اللهم لاتجعل لي ذنبا الاغفرته ولاهما الا فرجته

ho0ope

01-30-2012, 08:05 PM

سعودية طموحة
اللهم آمين يارب وييسر لنا أمورنا وينظر في حال كل مظلوم

النيم ياسعودية طموحة يشعرنا بالتفاؤل..

الله يوفقك يارب

رقيه

01-30-2012, 08:36 PM

خلونا نقدمه الإربعاء والله احسن
ويلا رجاء لاتأجلونه لازم نطلع ونخبر الملك عن هؤلاء الظلمه المماطلين الفاسيدن
قاتلهم الله يريدون
ان يخربوا امن بلادنا هؤلاء المسؤلين لابد ان
يقالوا من مناصبهم
انا اريد ان نقليهم
لابد من اقالة هؤلاء الفاسيدين
الذين لاينفذون الاوامر الا بالعين الحمراء
لابد ان يعلم الملك الملك لايرضى بذلك

هيييا

01-30-2012, 08:38 PM

رااااااااااااااسلوا سبق وعكاظ هم اللي يحبون هالنوعيه من المواضيع

ho0ope

01-30-2012, 08:42 PM

رقيه
لكن المعلمين متفقين السبت

وودنا نكون حملة تجمع وحدة أقوى

وهم مايقدرون يسافرون من مدنهم الا في الخميس والجمعة عشا يتجمعون أمام الديوان

هذا سبب قرارهم يكون يوم السسسبت حياتي

سهاري

01-30-2012, 08:47 PM

والله ماندري ايش انسوي
لكن بنات الرياض يمكن لانهم قريبين من الوزارات

ho0ope

01-30-2012, 08:48 PM

هيييا

وكل الزميلات التويتر والفيس بوك ومنتديات أخرى غير منتدانا شاركوا فيها بقوة نوصل صوتنا للعاااالم

والي تعرف تراسل الصحف الالكترونية أو الورقية لاتقصر لمصلحة الجميع

أنا اعرف وحدة تقدر توصل لمراسل في صحيفة المدينة

بنات تحركوا عد المشاهدات كبيررررر وعدد المشاركات يخوفني !!

ماتبون نرتاح ياعالم

!!

ميمي المدينة

01-30-2012, 08:50 PM

وين بنات المدينة

انا أنتظركم من يبغى ينسق معايا

على فكرة حتى الصحافة كلمتها

وين البنات يابنات الموعد السبت الرجاء الاهتمام بالموضوع أكثر

ho0ope

01-30-2012, 08:58 PM

سهاري

أنا أقول لك ياقمر وش لازم نسوي

بنات الرياض بيطلعون للديوان الملكي مع جميع معلمي محو الأمية

واحنا في بقية المدن بنتجه لأمارات المناطق

يوم السبت 12\3\1433هـ الساعة 9 صباحا واحنا مجتمعين

بنعمل خبر صحفي مايتكرر

وبنحمل لافتات نشكر فيها الغالي ملكنا الله يطول في عمره ( الملك عبد الله )

وولي عهده صاحب السمو الملكي الأمير ( نايف )

على جهودهم وعلى وقفتهم جنبنا ونناشدهم رفع الظلم عننا ومساعدتنا

بنات اعملوا تفاعل للموضوع في كل المنتديات الي مشتركين فيها والتويتر والفيس بوك بليز!!

واقعيه

01-30-2012, 09:22 PM

لزم نجتمع عند الامارات ونقابل كل امير بكل منطقه لانهم هم الوحيدين الي يقدروا يوصلوا صوتنا للملك ويوصلوا مطالبنا اما الوزاراة مانها فايده ولا نتيجه بس كلام ووعود لتخدير فقط

ho0ope

01-30-2012, 09:42 PM

حبيبتي كلامك صح ومليون صح

واقعية

عشان كذا قلنا التجمع مو قدام الوزارات

التجمع قدام الديوان الملكي في الرياض باذن الله لمعلمي المملكة جميعهم ولمعلمات الرياض

وقدام الأمارات لمعلمات جميع المناطق كل في منطقتها

وبكل ذوق واحترام ورقي كالعاادة يابنات مو شي جديد علينا

وردالجوري

01-30-2012, 10:49 PM

هوبي ياقلبي
تصدقين ان مديرات الاقسام شجعونا بالطلوع وقالوا ترسيم 1426 وربي يشملكم لكن خلوه بالادراج
الحقوا على انفسكم
اه يالقهر باذن الواحدالاحد بكون اول وحده بالرياض تكون هناك متحمسسسسسسسسسه لاخذ حقي
لان الساكت عن الحق شيطان اخرس
بنااااااااااااات احلفكم بالله لاتعتمدون على بعض
محديدري عن الظروف
كلكمممممم اطلعوااا

وردالجوري

01-30-2012, 11:08 PM

موقع الديوان الملكي

مانبي اعذاااااااااااااااار
طريق مكة (خريص) , اتجه غرب , وتعد التخصصي , ثم تعد مخرج تركي الأول , ادخل المخرج اللي بعد تركي الأول , الظاهر أن عليه لوحة أم الحمام , إذا خرجت من السريع للخدمة تجيك إشارة رح يسار من فوق الجسر , وطريق خريص تحت , يجيك على اليسار مسجد ملاصق لقصر الأمير سلمان (القديم) , وعلى اليمين ساحة مواقف , استمر إلين يجيك دوار أخضر كبير مرة , رح يمين مع الدوار , ويجيك تفتيش جنب الدوار , قل لهم أبغى الديوان الملكي , إذا تعديت التفتيش يجيك مبنى صغير على اليمين , هذا المبنى تابع للديوان الملكي , وفيه استقبال طلبات ومعاريض المواطنين , وفيه الاستفسار عن أي طلبات سابقة .
على اليسار في نفس الشارع توجد بوابة مجلس الشورى , ويوجد أيضاً مكان لاستقبال الخطابات الرسمية من الجهات الحكومية الموجهة للديوان الملكي

.

اوراق البنفسج

01-30-2012, 11:11 PM

كلنا بنطلع ولاااااااازم نصير يد وحده
الله يكتب لنا الصالح يارب

لحن وردي

01-30-2012, 11:11 PM

يارب انصرنا

والله لي يومين بس اغني اغنية مرت سنه لمحمد عبده

لانه الي صاير لا يقبله عقل ولا منطق وفيه استهتار بعقولنا

طفشنا وزهقنا وتعبنا وملينا لا يوجد للفرح مكان في قلوبنا

هل يعقل ان مكرمة ملكية يتعامل معها بهذه الطريقة
( لأنه من أمن العقوبة أساء الأدب )

أنا متأكده ان الله معنا ويارب انصرنا
وانا معكم يا حبيبة قلبي ho0ope

وربي نفسيتي زفت زفت زفت
ولكن صبر جميل والله المستعان

ho0ope

01-30-2012, 11:33 PM

ورد الجوري

يسعد قلبك وحيااااااتك قولي آمين

يارب توفق الجوري وبنات الرياض كلهم وتنصرهم وزملائنا

وتوفقني أنا وزميلاتي في بقية المناطق ياحي ياقيوم

بنااااااااات كذا تعجبوني
كذا الانسان الي يعرف ان له كلمة ومكان في مجتمعه وحياته وهذا ضمنه لنا ملكنا ملك القلوب ياااااااارب مايحرمنا منه

بنات الحماس انقلوه لزميلاتكم

اخواتكم \ امهاتكم

بالوقفة معانا و الدعوة الصادقة

معلمة محو الأمية مابنسمح لأحد الاستهانة بها مثل السابق

أبداااااااااااااااااااا

والتاريخ بيشششهد يازميلاتي وزملائي وبنشوف

ام شهد

01-30-2012, 11:34 PM

ترا مو كل الناس يدلون وشكل هذا الديوان الملكي يبغى له حوسه انا اقترح نسوي مثل ماسووا البديلات كان باص يشيلهم ويوديهم عند الاعتصام امام بوابه التعليم ويجئ ياخذهم بنفس الوقت لانجاح اعتصام بنات الرياض اولا لازم يكون هناك منسقه لنا وياليت تكون هيييا او ورد الجوري ثم نتفق مع باص يشيلنا كلنا ويرجعنا مثل ماسووا البديلات هذا اقتراحي والي تدل وعندها مواصلات تتوكل على الله

ho0ope

01-30-2012, 11:37 PM

اوراق البفسج

كلنا كلنا كلنا ياقلبي

والله لازم كلنا

وربي لازم كلنا

بنات تكفون مو بس كلام

مستقبلنا بيدينااااااااااااااااااا بنات

لانضيعه مثل ماضاعت على زميلاتنا في عام 1426هـ

ho0ope

01-30-2012, 11:43 PM

لحن وردي

نورت الصفحة ونور المنتدى ونور التجمع بكبرررره ياحياتي

ولا تزهقين ولاتطفششين ياقمر

الفرج قرب وزميلاتنا وزملائنا مابيقصرون

وبناخذ حقنا

وبنتبادل التبريكات بإذن واحد أحد

والرقم الوظيفي فالنا وربي مايضيع تعب عباده المؤمنين

كلي ثقة فينا كلنا كلناااااا لأنها حياتنا

ho0ope

01-30-2012, 11:52 PM

أم شهد

اقتراحك روعة

وأتمنى من أي وحدة من زميلاتنا في الرياض الي عندها امكانية تتولى مهمة الاتفاق مع زميلاتنا هناك

ويتواصلون ويتفقون

وعندي اقتراح بسيط لمعلمات الرياض انه خلال الويك اند تحاول تتعرف وتبحث عن مكان الديوان الملكي عشن يوم

السبت تذهب مباشرة

والله يوفقكم يارب

بسمة أميرة

01-31-2012, 12:20 AM

المشاركة الأصلية كتبت بواسطة من فهمني ملكني http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=298774#post298774)

http://www.wtb28.com/clear.gif

المشاركة الأصلية كتبت بواسطة ho0ope http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=298767#post298767)

http://www.wtb28.com/clear.gif

ونرفع لافتات للغالي

ونراعي القواعد الاملائية فيها..

اما بهذي راح يبيضون وجهك معلمات الامية خصوصا في المنتدى هههههههههههههههههههههههه

قل خيرا أو أصمت

ام سمايه

01-31-2012, 12:20 AM

ومالتوفيق الا بالله.

روح الامل2011

01-31-2012, 12:26 AM

من جد حسيت بحمااااااااااس الله يوفقنا جميعا

nwarh15

01-31-2012, 12:30 AM

اقترح انه يمتد الى الساعة ثنتين عشان يمدينا لانا صباحي

ميمي المدينة

01-31-2012, 12:53 AM

وين البنات من يبغى ينسق معايا

من المدينة المنورة تكلمني

فالنا وربي مايضيع تعب عباده المؤمنين

كلي ثقة فينا كلنا كلناااااا لأنها حياتنا

هياء2012

01-31-2012, 01:16 AM

موقلنا من البداية كلنا بمركب واحدوقضيتنا وحدة لازم نضم صوتنا لاخوانا المعلمين بس كثرت الاحتجاجات وخليتوها اختلاط ومادري ايش حنا هدفنا واحدفلازم نتكاتف معهم ويدالله مع الجماعة وتذكروا وراء كل رجل عظيم امراة ولازم يكون العددكبيرليكثرسواد المسلمين ونحقق مطالبنا جميع

ميمي المدينة

01-31-2012, 01:22 AM

ho0ope

01-31-2012, 02:21 AM

بسمة أميرة \ ام سمايه \ روح الامل2011
يارب يسعدكم بنات

ايدينا في ايدين بعض ونوصل صوتنا للجميع

ودعواتنا جنب سعينا تحقق لنا المسستحيل يارب

nwarh15

حبيبتي داومي واستأذني أو غياب يوم بإذن الله أتمنى مايضرك وعشان ترتاحين العمر كله ياقمر

ho0ope

01-31-2012, 02:27 AM

هياء2012
.
.

فعلا اكتشفنا وزززين اننا اكتشفنا انه لابد علينا من التجمع يد واحدة معلمين ومعلمات لأن مطلبنا واحد

همتنا كلنا زملاء عمل وزميلات هو بيحقق هدفنا

تسلمين ياقمر

ho0ope

01-31-2012, 02:32 AM

ميمي المدينة

يسعدك ربي حياتي انتي

ويعطيكي الف مليون عافية

بنات المدينة ماينخاف عليهم بإذن الله

وكل المناطق ويوم السبت الكل بيشوووووف

miss moony

01-31-2012, 02:37 AM

ليتنى في الرياض او اقدر اطلع لان في مكة ما أظن انهم يسووا تجمع او اي شيء ... بس لو فكروا وقرروا يعملوها انا معاهم

ho0ope

01-31-2012, 02:41 AM

miss moony
ششششجعيهم انتي

انتي كوني البداية واتفقوا وتجمعوا

فرصة ياقلبي

كلمي زميلاتك وارسلي لهم بيبي او تويتر وخليهم يدخلوا المنتدى يشوفو حماس الشباب والبنات

وهم يكلموا زميلاتهم وكذا

تكفون محتاجين لكل يد في الموضوع

همسسة

01-31-2012, 02:52 AM

بنات لو سمحتوا بنات بريدة وين بتجتمعون ؟؟؟؟؟؟؟؟؟؟؟حددوا وعلمونا
ترى كلنا معكم والله اخيرا تحركنا كان لازم من زمان

ho0ope

01-31-2012, 03:11 AM

همسسة
حبيبتي يارب يوفقك

كلمي زميلاتك وشجعيهم وقولي لهم على اخر الاخبار هنا

وافتحي موضوع جديد هنا في القسم باسم مثلا ( هنا تجمع بنات بريدة )

وباذن الله ربي معانا كلنااا ياقلبي وتلاقين الردود فيه من معلمات القصيم كافة

ssatta

01-31-2012, 06:24 AM

http://www.arabe1.net/showthread.php?t=12191&page=201

للرفـــــــــــــــــــــــــــــــــــع

ام شهد

01-31-2012, 09:30 AM

الي بتطلع معي في الرياض السبت تتواصل معي على الخاص علشان نكون فريق متكامل ونتبادل الجوال (على فكره انا من خارج الرياض لكن بجي)

سبحانك ربي

01-31-2012, 09:51 AM

متى التجمع واين

miss aml

01-31-2012, 10:21 AM

بناااااااااااااااااااات والله العلي العظيم
هذي فرصتناااااااااااااا كل المسئولين يقولوا فرصتكم
فهمتكن يابنااااات الرجال ويااخوات الرجااااال وياامهاات الرجااال
تعب يوم واااااااااااااااااحد يداااااااااااااااوي تعب شهور ودهور وبعدها
نكون ما قصرنااااا هذا التثبيت يعني حلللللللللللللللللللللللللللللللللللللم
وبتحقق فنتكل على الله وعند قصر ابو متعب

ام سمايه

01-31-2012, 11:02 AM

تحركو يابنات. أنا بنفسي دقيت على للخدمه المدنيه بالقصيم. قال. ماوصلنا اي شي. عن التثبيت.

غلبانة

01-31-2012, 11:50 AM

المشاركة الأصلية كتبت بواسطة دانات مضيئة شوفو يابنات هذي هي الفرصة وإلا راح يروح التثبيت علينا زي ماراح عام 1426هـ كان الامر صريح وواضح مكتوب ترسيم جميييييييييع البنود مع ذلك لعبو فيه وحرفوا وخلونا نطلع منها
يأخوات في ذيك السنة حتى الاجور مارسمو بعضهم اعرف وحده الحين جاء ترسيمها شوفو كم سنة دليل على المماطلة
علشان كذا يأخوات يامعلمات خصوصا محو امية مسائي لأن الخطر عليهم كبير لابد من اتخاذ قرار فوري فوري فوري والتجمع منظم من قبل الاخوات لابد يوم السبت 12/ 3 لان المعلمين راح يجون من اماكن بعيدة ونوقف يد وحدة لاحد منكم يتهاون في الموضوع الموضوع جدا جدا كبير وفيه تحديد مصير يعني ياأسود ياأبيض
الموضوع الثاني اللافتتات لابد ان تكون عبارة دعم للملك والوطن ثم طلب التثبيت لازم العبارات الداعمة للملك
لان ياأخوان انتو عارفين الاوضاع الخارجية واحنا دولتنا تحت المجهر مانبغا نعطي مجال للمبغضين
لكن ماأقول الا حسبي الله على المسئولين الي خلونا نتجه لهذا الطريق حسبي الله وكفى حسبي الله ونعم الوكيل
والله ثم والله لو ملكنا عارف عن موضوعنا والمماطلة الي حصلت ماسكت عنهم هؤلاء الحاسدين
همتكم ياشباب يامعلمين ياخواني همتكم يابنات يامعلمات يااخواتي معا يد وحده لتحديد مستقبل واااااعد
وفي موضوع ثاني يابنات خلينا نكون منظمين وبلاش الاصوات والصراخ لان اخوانا المعلمين راح يخلون في مسؤلين عن التجمع ويتكلمون بأسمنا اذا جاء المسؤول المختص اللافتات معبرة نحملها وبس مانبغى شوشرة احنا هدفنا وصول اصواتنا للأب الحنون وماراح يقصر الله يطول بعمره

الموضوع الأصلي: http://www.ksa-employers.com/showthread.php?p=1432582&posted=1#post1432582#ixzz1l1YAdMrl

غلبانة

01-31-2012, 11:54 AM

الله يوفق الجميع لما يحبه ويرضاه
بالتوفيق للجميع

غلبانة

01-31-2012, 12:03 PM

معاً أمام الديوان الملكي

بالتنسيق مع الاخت hooOoopبالمنتدى الحواري

الموضوع الأصلي: http://www.ksa-employers.com/showthread.php?p=1432613#post1432613#ixzz1l1bICskq

الزعيم الهلالي

01-31-2012, 12:07 PM

http://www.facebook.com/#!/profile.php?id=100003446905108&sk=wall

تووق

01-31-2012, 12:12 PM

الله يوفقكم
معــــــــــــــــــــــــــــــــــــــــــــــــ ـــــــــكم كلنا

هيييا

01-31-2012, 12:14 PM

خواااااااااااااتي حبيباتي عليكم بالثقات ثم الثقات
حذروا كل من تخرج من رفع الصوت او كثرة الكلام وتضاربه اسألوا مجربه الكل يلزم الصمت وحددوا من يتكلم فقط زيادة العدد تخيفهم اما كثرة الكلام وتعالي الاصوات
صدقوني راح تنكس كل شئ ويضيع هالمجهود الجباااااااااااااااااااااار
بارك الله فيكم

اسماء5

01-31-2012, 12:55 PM

ياليت العدد يكون كبير وياليت احد القنوات تصور ولله ولله لو اقدر جيت انا وخواتي بس انا من مكان بعيد وقلبي معكم يالله الله يفرجها
الله يوفقكم ياليت اللوحات تكون مكتوبه بخط واضح وكبير ولله تاثيرها كبير لانها بتتصور وتعرض في الصحف انتبهو لهذي النقطه ولله يوفقكم

وردالجوري

01-31-2012, 01:35 PM

هوبي
اليوم سالت زوجي قال الديوان بالمعذر حول قصر الامير

وبمنتدى خريجي العربيه كاتبين حي السفارات حي الوزارات
كل حي بعيييييييييييييييد عن الاخر
السفارات مخصص للسفارات
والوزارات بوسط البلد

ياليت تكتبين بالمنتدى عن الموقع الصحيح
وهو طريق الملك خالد وانتي متجهه جنوب يجي يمين السفارات ويسارك طريق المعذر وفيه الشورى ولوحه مكتوب الديوان الملكي وتتركين خلفك مجلس التعاون
انتبهوا عددنا كبييييييييير
والكل ضايع بجهه
كذا ماسوينا شي......قهرررر
قبل ايام من الخروج روحوا للموقع تاكدوا وينه فيه

ام شهد

01-31-2012, 02:07 PM

انا ايضا قرات الوصف واساسا انا ماادل بس استغربت من ذكر السفارات مع الوزارات والحيين بعيديين عن بعض ؟؟؟؟
'طريق المعذر شرق او غرب الي غرب عليه فندق انتركنتتنتال والي شرق عليها وزاره الداخليه واسكان الكويتيين وفندق ماريوت
الى الان لايوجد اي تفاعل من بنات الرياض ماقلنا ارسلوا على الخاص للتنسيق ان لم اجد من يخرج معي بجلس واستريح افضل

اسماء5

01-31-2012, 02:30 PM

تقفون لا تتكاسلون انشالله يطلع الموقع الصحيح هذي فرصتهم اذا طلع قليل بيقولون ملو ولاعاد عندهم حيله الله يفرج على الي تقدر التجمع هو الحل بعد رب العالمين

وردالجوري

01-31-2012, 02:39 PM

انا ايضا قرات الوصف واساسا انا ماادل بس استغربت من ذكر السفارات مع الوزارات والحيين بعيديين عن بعض ؟؟؟؟
'طريق المعذر شرق او غرب الي غرب عليه فندق انتركنتتنتال والي شرق عليها وزاره الداخليه واسكان الكويتيين وفندق ماريوت
هو اسمه فقط طريق المعذر
اقرب شي له قصور سلمان والاميرعبدالعزيز بن فهد
والشورى
وصف زوجي ::
شارع الملك خالد تمشيييييييييييييين فيه جنوب سيدددددددددا وتتعدين مجلس التعاون
يجي يسار محطة بنزين على حرف t وحيده تلفين يمين والمحطه وراك ثم سيدا والديوان عاليمين

بجيب لكم الوصف صح من راعي ليموزين سعودي
اوبعطيكم رقمه يوصف لكم

روعة مشاعر

01-31-2012, 04:19 PM

والله شي يفرح على قد ماني زعلانه من تاخير التبيت على قد ماني مبسووطه من هذا التكاتف والاخوه الله يجمعنا على خير ويحقق احلامنا وان ساء الله نبارك لبعضنا بالتثبيت زي ماباركنا لبعضنا يوم اصدر الملك الامر

اهم شي العدد يكون كبير ولاتنسون تصوير كل شي وتثبيت كل شي

ho0ope

01-31-2012, 07:49 PM

أم شهد

يعيش من رباكِ والله

أتمنى من بنات الرياض ينسقون معاكي ياقمر

أنا من المدينة ومنسقتنا هي ( ميمي المدينة ) وبنطلع قدام الأمارة ان شاء الله الساعة 8 الصباح يوم السبت 12\3

ياليتني كنت في الرياض معاكم بس للأسف .. لكن هذا مابيمنعني اطلع وانا هنا في مكااني

ولازم الكل االكل الكل يتحرك في مدينته من المعلمات

ام شهد
افتحي موضوع ( تجمع بنات الرياض ) واذا تحبين انا افتحه لك وياارب باذن الله نلقى تفاعل

تسلمين والله تسسسلمين

ho0ope

01-31-2012, 07:52 PM

سبحانك ربي

حبيبتي التجمع أمام الديوان الملكي لو كنتي في الرياض

وأمام أمارة مدينتك لو كنتي خارج مدينة الرياض

ho0ope

01-31-2012, 07:59 PM

ام سماية \ غلبانة

مافي الا هذا الحل ( التجمع في كل مدن المملكة وفي وقت واحد )

تجمع يهز كل من وقف في وجه تثبيتنا وأمر الغالي ( عبد الله ) الله يرعاه

همتكم بنات همتكم زملائنا ماقصروا الدور والبقاي علينا انشروا خبر التجمع بكل الوسائل

تكفون..

غلبانة
أنا مو في الرياض انا في المدينة ومنسقتنا ( ميمي المدينة ) وبطلع قدام الأماراة

أنا ومعلمات المدينة

ام شهد الله يسعدها طلبت من معلمات الرياض يراسلونها على الخاص عشان ينسقون بينهم
.
.

توق \ الزعيم الهلالي
يارب يوفقنا يااااارب وماضاع حق وراه مطالب

سعودية طموحة

01-31-2012, 08:06 PM

كلنااااااااااااااا يد وحدة من اجل التثبيت لا للتخاذل

ام شهد

01-31-2012, 08:15 PM

ابشري هوب لكن اتمنى يكون المنسقه من اهل الرياض انفسهم لانهم ادرىويدلون شوارعها زين انا خارج الرياض لكن بجي ابشروا ولاعندي مانع الي بتطلع معنا ترسل لي على الخاص حتى اشوف العدد اولا ثم ننسق مع بعض بالجوال يعني المطلوب الان نشوف العدد ونبدا التنسيق بالجوال يابنات الرياض التي ستخرج معنا ترسل على الخاص انها معنا فقط حتى نرا العدد الهمه الهمه بنات الرياض لانريد كتابه هنا فقط دون عمل الي بتخرج معي الله يعافيها ترسل لي انا معكم حتى ارسل لها رقم جوالي او رقمها

ho0ope

01-31-2012, 08:15 PM

miss aml
ياقلبي انتي تعب يوم قصدك يداوي تعب سسسسنين

بعض من زميلاتنا قضوا 20 سنة في تعليم محو أمية

مو من حقها ترتاح ؟ مو من حقها تعيش ؟

حرام تسكتون يالي تدخلون وتقرون ؟ حرام ترضون بالظلم ؟

حرام البرود اقسم بالله حرام عمركم وعمرنا يضيع حرام فرصة ثانية لتثبيت محو أمية تروح

حرااااااااااااااااااام

ho0ope

01-31-2012, 08:29 PM

هيييا \ اسما5 \ روعة مشاعر
لازم نطلع قدام اامارة منطقتنا

عشان نحقق هدفنا مو شرط نسافر الرياض اذا مانقدر

خذوا اخواتكم خالاتكم اي احد او زميلاتكم

بنات كلها ساعة ساعتين من صباح يوم السبت واحنا نبارك لبعض باذن الله

شدوا حيلكم حبتين بس بسسسسسسس

سعودية طموحة

نيمك بس ياقمر يجيب التفااااااؤل والامل

يارب ييسر لنا كلنا

هيييا

01-31-2012, 10:22 PM

عزيزتي hooope
الكذب خيبه انا ما اقدر اطلع أنا اقدم لكم نصائح
من واقع طلعتي أول مرة
انا في الرياض والموقع قريب مني
لكن المرة الأولى يشهد الله طلعت وتم استجوابي والتحقيق معي من قبل مركز الشرطه ومعي ثنتين من زميلاتي
يعني يصعب الخروج مرة اخرى لثبوت اسمي عندهم
لكم من قلبي خالص الدعاء ان ينصركم ويجعل ازاحة الظلم عنا على ايديكم

ام شهد

01-31-2012, 10:35 PM

مايهم هذا يزيدنا اصرار على المطالبه بحقوقنا لكن نريد اعداد يالله يابنات الرياض لازم نطالب بالتثبيت الفوري والتثبيت المكاني واحتساب الخبرات يابنات الرياض الى متى اساسا انتم ماتدرون متى سياتي هذا التثبيت

ho0ope

02-01-2012, 12:29 AM

تسلمين

هيييا

وماتقصرين والله حبيبتي

والمجتمع بجميع فئاته حتى الأطفال والمراهقين عارفين بالي قاعد يصير لنا من ظلم وطول انتظار وشايفين فرحة اخواتهم

وامهاتهم كل ماطلعت للنور تقتل

والكل صدقوني متعاطف مع قضيتنا وأي قضية مثلها.. ومتعاون معانا لأقصى حد من امراء او اعلام او امن

كل الي علينا نتوكل على ربنا ونكون على ثقة اننا ماغلطنا ولا بنغلط

احنا بنات وعيال ( أبو متعب ) والكل عارف

ho0ope

02-01-2012, 12:33 AM

و أنا معاكي

ام شهد

والله الكل واقف في صفنا

الناس مو عمي او صم وشايفين الظالم والمظلوم , انا بقلبي نار مايطفيها الا وصول صوتنا لملكنا الله يخليه لنا

وتحقيق هدفنا

زميلاتي همتنا مع زملائنا

وموضوع خروجنا الاعلام بيغطيه وبيكون واضح للكل ومو محتاج تساؤل او استغراب من احد

تكفون

روح خلودي

02-01-2012, 07:43 PM

جد الرجال شادين حيلهم بس يد وحدة ماتصفق
حنا لازم يكون لنا دور ايجابي وندعمهم في التجمع ولاتنسون ان خروجنا دعم لأنفسنا اولا واخيرا وضغط على المماطلين الملك مارح يسكت اذا شاف ان الوضع للآن مايسر ومانفذ امره فالتجمع رح يفيدنا في لفت الانتباه وتسليط الاضواء من اول وجديد على وضعنا
الى متى يابنات مستسلمات لهالوضع المحزن
الى متى قاعدات بالبيوت اوكي شي حلو تفوضين امرك لله وتتوكلي بس كمان اعملي سبب عشان يكون توكل موتواكل
ان السماء لاتمطر ذهبا يعني لاتقعدين سلبية كذا وتقولي رزقي عندالله لازم تعملي اسباب عشان يرزقك واولها عشان وضعنا يتغير
التجمممممممممممممممــــــــــــــــــــــــــع وياريت لو نطلع بتوقيت موحد كلن في منطقته وازهموا اي احد اقاربكم وصديقاتكم عشان يكون العدد اكبر والضغط اكثر

وبالتوفيق للكل