هل يحق لي رفض الندب ...عااااااجل

[الرايقة]

السلام عليكم ..
اخواتي الاسبوع الماضي جاني ندب صباحي ورفضت بعدين خفت يكون فية الغاء للعقد او اي اجراء ثاني
طمنوني الله يطمنكم لان الصباااح والله العظيم كرف حصص واخرتها ولا شي..

[عيون عليا]

أختي استخيري الله

[Aum Faisal]

نصيحتي لك توكلي ع الله هذا رزقك .. وان شالله خير

[هيييا]

ارفضي بايدينك ورجولك بعد ما عليك ضرر
اكثر من ثلاث سنوات ندبوني وغيري يرفض ماضرهم
ترى اي معلمة عقد تندب تصير هدية للتعليم العام يتفنون بالوان الطلبات والكرف
وهالترم قلت ابدآآآآآآآآآآآآآآآآآآآآآآآآآ ارجع مدرستي العصر وماضرني الرفض

[راضيه مرضيه]

أنا رفضت

ولا صار شي

بالعكس التعميم الاخير يمنع ندبنا صباحي لكن وش نقول في مديرات المراكز الاستغلاليات

[وجددة]

إصلاامافيه تعميم ولا نظام يسمح بندب العصر لصباح هم اخترعوه عشان يمشون مصالحهم بسبسرعه يطبقونه من دون تعقيد ولا ترسيمنا يماطلون فيه الشهور ماعرفتوهم للحين قمت الفساد والظلم فلا تسمحونهم يستغلون الترسيم عشان يمشون مصالحهم الترسيم جاي لليروح صبح وهاذي غبيه لانها
ماتستفيد شيئ حتى تقيمها مسائي بس تغطي عجز والصبح إذا جاهم ندب مسائي ولا بديله حطوا الشغل كله على راسها من رياده ومناوبه نسوي كل هذا وراتبنا ثلاثه والرسميات قاعدات مايسون شيئ نصيحه لحد يروح ترا إذا رحتوا بتنقهرون يحملونك الشغل ولا يفكرون فيك ولا حتى يزيد من تقيمك زيك زي الي قاعدين العصر حتى العصر احسن اصلا ينسونك العام مابغوا يقيموني لين رحتلهم ثلاث اسابيع من موجهه لموجهه للمديره لين قيموني نفس تقيمي السابق كلهم يقلون مانقدر نقيمك لانك رحتي صبح ماداومتي عندنا مسائي الا قليل والصبح بقلون مانقدر نقيمك انتي تبع المسائي يعني ضيعين في الطوشه اقعدوا في مدارسكم وعند مديراتكم الي يعرفونكم لين تترسمون

[ام سمايه]

اه ياليتني. رفضت

[منيره]

وشلون نرفض وهم يقلون اذا رفضتي يجيك لفت نظر

[الهمم العليا]

استخيري ولاترفضي والخيرة فيما اختاره الله (( وعسى أن تكرهو شيءوهو خير لكم وعسى أن تحبو شيء وهو شر لكم ))

[همي بقلبي]

انا لو يجيني بارفض و لا راح يصير شي ابدن
توكلي على الله
استخيري اولا
بعدين قرري

و ترى الرفض ما يأثر عليك في شي

[وعد قديم]

الرفض مايأثر عليك الان

بكرة توجيهك بيد مديرة مكتب الاشراف التابعه له أنتِ

ولك أن تتخيلي مايحدث

اتفقي على عدد معين من الحصص وقولي غيرها ماانتدب تلاقيهم يوافقون على شروطك

[@ودي@]

توكلي على الله وارفضي ماعليك في احد

[داليا محمد]

انا صديقتي جاءها ندب الفصل الاول ورفضت ولا صار لها شي واخر الترم جاء ندب لصديقتي التانية وقالت المشرفة اجباري هالمرة وهي معلمة انجليزى والاولي معلمة عربي اللى رفضت وانا من رايي انك ترفضي لانه كرف والراتب قليل

[ميشو .]

مرحبااااااا

[ميشو .]

انا رفضت الندر وجاني محضر ولا ادري وش بعد بس ولو مابي اروح ماني لعبه بيدهم وعلى كيفهم يومهم يبونا ليه مارسمونا

[ميشو .]

هل هناك قرار يسمح لندبنا من العصر للصباح الي عندها ياليت تطلعنا عليه