الفززززززعه ياعضوات المنتدي [الأرشيف] - المنتدى الحواري لمنسوبي ومنسوبات التعليم والتدريب

مشاهدة النسخة كاملة : الفززززززعه ياعضوات المنتدي

غضة هدب

02-14-2012, 07:33 PM

مساء الخير
ابغي مساعدتكم بموضوع
أنا دارساتي كبار بالسن علي 70 و60 سنه وتعبت معاهم طبعا دائما ينسون ويتكلمون مع بعض وكل وحده احددلها يعني فهمهم بطي جدا
ماني عارفه أتصرف معاهم ابدا والله صرت ماانام بس افكر فيهم مع أنه هذي رابع سنه لي بتدريس محو الاميه بس هذي المدرسه جديده
اللي عندها حل تسعفني
صراحه المفروض رواتبنا اعلي من كذا من كثرت التعب اللي نلاقيه مع الدارسات

نوال وبس

02-14-2012, 07:50 PM

أحتسبي الأجر أختي

سهام الليل

02-14-2012, 08:04 PM

صرت ماانام بس افكر فيهم

الله يجزاك خير ويكتب اجرك اختي على صبرك واحساسك بالمسؤوليه ارجو من ذوات الخبره ان يفيدوك

الاسلام عزي

02-14-2012, 08:13 PM

معليش اختي كم عددهم واعمارهم كلهم
وش الى مايفهمون
علشان احاول اساعدك
وكيف طريقتك في القراءه
انتي تدرسين اول

هبه

02-14-2012, 11:54 PM

درسنا جميع الاعمار بفضل الله واستطعنا التكيف معهم لكل فئه طريقة ولكل ماده وسيله
حددي المواد اللي تدرسينها والمرحله وان شاء الله نفيدك

غضة هدب

02-15-2012, 01:07 AM

جزاكم الله خير
ادرس اولي جميع المواد وعدد الدارسات 15 عندي
طبعا اقصد بالتحديد مادة القراءه تعبت منها والله اطلع دارسه دارسه عالسبوره وأركز علي كل وحده سواء كتابه او قراءه
بس صراحه اللي قال المثل صادق التعليم بالكبركالنقش عالبحر
الا من رحم ربي وانا ماابغي الدارسات يزعلون مني او يحسون أني متضايقه
لاتتوقعون أني أبالغ بس هذي معاناتي لا وزياده فوق هذا كله مطبقين عندنا نظام المشرفه المقيمه ماله داعي كفايه المشرفات اللي يمرون علينا
اد

الداعية لله عزوجل

02-15-2012, 01:14 AM

عندي سؤال الدارسات هذولا إذا فهمتيهم شيء ينسون بسرعة صح وتجين من اليوم الثاني وإلا الذاكرة ابداً مافيها شيء ومهما حاولتي لايمكن يرسخ في ذهنهم التعليم
هذي معاناتي من أول ما مسكت محو الأمية والله تعبت وكتبت عن معاناتي معهم

والحمد لله هناك تحديد عمر معين للقبول ليه قبلتوهم هذولا لويدخلون تحفيظ قران أفضل

بالله عليكِ موصعب فهمهم وينسون بسرعة مهما عدتي وزدتي

غروب حزينه

02-15-2012, 01:23 AM

الله يعينك عليهم اصبري ولك الاجر

الاسلام عزي

02-15-2012, 02:13 AM

شوفي اختي انا درست في محو الاميه وعانيت مثلك والان انا مشرفه مقيمه من العام الماضي
عند دخولي لفصل اول لا اقيس نجاح المعلمه بفهم وتجاوب جميع الدارسات لان بعضهم تعاني من ضعف في النظر والبعض النسيان ومعروف ان مافوق الخمسين هذه فئه غير مستهدفه القصد انك اشرحي وبسطي المعلومه ولا تكثرين الكلام علشان ما يتشتت فهمهم وعليك بالتكرار لترسخ المعلومه
الحرف الى تلاحظين ان الدارسه تنساه اكتبيه لها في الدفتر وخليها تكرره كم مره في البيت
الى ان تحفظه
اعانك الله
اتمنى من كل اخت رشحت مشرفه مقيمه لاتكون متشدده مع المعلمات لانها كانت مثلهم بل تعاملهم باللين والابتسامه والتوجيه الهادئ اذا كان فيه خطأ والاحترام المتبادل
من تواضع لله رفعه

غضة هدب

02-15-2012, 06:09 AM

الاسلام عزي ودي أسالك عن المشرفه المقيمه هي وش عملها بالضبط وحضورها يومي وتعطينا خبر والا تطب علينا فجأه وجزاك الله خير الجزاء

الاسلام عزي

02-15-2012, 07:20 AM

المشرفه المقيمه عملها الدخول على المعلمه البعض مرتين والبعض ثلاث في الترم وطلب زيارات صفيه عباره عن دخول. على المعلمه مع باقي المعلمات والمديره وليس المقصد درس نموذجي
يكون مره السنه
ومن مهام المشرفه الدخول على المعلمه فجأه والوقوف على شرحها مده خمس دقائق لمعرفة سير عملية الدرس بس هاذي ما طبقتها لاني لا اقدم على فعل اتخيل لو كنت مكانهم راح اتضايق من دخول فجأه
انا طريقتي اخليهم على راحتهم مثلا في بداية الترم اجتمع معهم ومن بعدها بكم يوم اقول ترى الاسبوع الجاي بحضر لكم استعدوا خلاص الى مستعدهم تطلب احضر لها ما ادخل بدون ما تقول لي ولابد من الاطلاع على دفاتر التحضير وتوزيع المنهج ودفاتر الدارسات
سؤال المعلمه عن ضعف بعض الدارسات اعطيها حلول واجي للدارسه مع المدرسه واشوف كيف تقبلها للماده العلميه
من مهمتي تنظيم الانشطه مثل الندوات والقائها على الدارسات
الاشراف على دفاتر التقويم سجل المهارات الفتره الاولى وهكذا
الحمدلله مرتاحين معي حتى تحسن مستواهم واهتمامهم بالحصه
لاني وجدت كثير من الاخطاء على البعض في طريقة التدريس

سكن قلبي

02-16-2012, 12:40 AM

عالية الهمه

02-16-2012, 01:01 AM

انا نفس المعاناه بس في مادة القران مجتمع بلا اميه الحفظ صعب عندهم وايضا التلاوه يصعب عليهم قراءه الايات ياليت اللي عندهاطريقه تساعدنا

المستقبل المشرق

02-16-2012, 01:24 AM

اخواتي نحتسب الاجر ولكن نريد اخواتي ان نفيد هولاء الكبيرات عضه هدب انا ادرس اول قراءه بصراحهاستمتع فيه:36_2_25:مع دارساتي الاغلب عندي من الثلاثين وتحت وفيه خمسه اوست صغار وممتازات يعني اعمارهم 16او14 وفيه عندي خمسه وثلاثين فما فوق بعضهم شاطر وبعضهم مجتهد بس يحاولن يقرون ضعيفين املائيا وانا اركز عليه الترم الثاني الاملاء والقراءه فيه بعضهم عندهن رجفه وخوف وعندهن مشاكل في الاستيعاب على الرغم من صغراعمارهم هذولا بصراحه أحاول احاول ولكن قدراتهم لاتستوعب فاركز على السليمات اللي وراهم مستقبل ويبغن يتعلمن ام اللي بليده ميحه تاخذوقت غيرها ولاراح تفهم ليه اتعب معها للارضاء ضميري متالمه لحالها اريد مساعدتها لا تساعدني مانا عارفه ليه تدرس وتتعب نفسها واهلها

المستقبل المشرق

02-16-2012, 01:28 AM

المستقبل المشرق

02-16-2012, 01:31 AM

الاسلام عزي ليتك مشرفتنا بس

الاسلام عزي

02-16-2012, 07:02 PM

http://www.wtb28.com/image.php?u=775&dateline=1308860554 (http://www.wtb28.com/member.php?u=775)
الاسلام عزي (http://www.wtb28.com/member.php?u=775)

اشكر لك حسن تعاملك وتقديرك لظروف للمعلمات جزاك الله خير

استفدت من توجيهاتك واتمنى ان توضحي لنا الاخطاء والملاحظات التي تقع من بعضنا اثناء التدريس لنستفيد منها
اتمنى ان لاتحرمينا جميل نصحك وكم اسعدني تواجدك وفقك الله وانار قلبك

هلا. فيك اختي
شكرا لك على هذا الثناء
بالنسبه للاخطاء الي تقع فيها المعلمات
مثل تصحيح الواجب على طول تبدأ بمراجعة الدرس السابق او الاكتفاء بشرح الدرس بدون تقويم او بدون تمهيد للدرس
عموما لابد من المشرفه ان تخبر المعلمات على بنود التقويم اثناء الاجتماع حتى تعرف بنود التقويم

الاسلام عزي

02-16-2012, 07:11 PM

انا نفس المعاناه بس في مادة القران مجتمع بلا اميه الحفظ صعب عندهم وايضا التلاوه يصعب عليهم قراءه الايات ياليت اللي عندهاطريقه تساعدنا

الافضل ان تركزي في الحصه على القراءه اكثر من تفسير الايات.
اول تقرئي بصوت مرتفع وببطء
ومن ثم المسجل والافضل يكون يكرر الايات ثلاث مرات وبعدها قراءة الدارسات الفرديه وشرح الكلمات وتفسير الايات بشكل سريع والرجوع للقراءة
تقسيم السوره الى جزئين لتسهل عليهم
استغلال وقت بعض الحصص مثلا مادة الدين اذا هم فاهمين استغلي وقت الحصه بتكرار السوره الصعبه عليهم.
اعانك الله ولا تنسين احتساب الاجر من الله

الاسلام عزي

02-16-2012, 07:58 PM

عاليه همم نفس معانتي بالضبط مع مجتمع الادله في التوحيد والفقه يطالبونهم بالحفظ هذولا مايعرفن يقرن كيف نطلب منهم يحفظون ادله اش المهارات حقهم الغريبه يحرفون في الايه لايمكن وحده فيهم تجيبها صح حتى لوممتازة اجلس ابوع اواسبوعين على مايحفظن الدليل وبعضهن تحفظ وتحفظ اول مادخل عليهم تقول بسمعه اتفاجاء انها نسته

هلا فيك اختي
حفظ الدليل من الصعب عليهم حفظه لكن تقدرين تخليه ورقة عمل سؤال اكملي الدليل التالي
وتكتبين الدليل وتخلين بعض الفراغات تكملها الدارسه وبكذا تسكرين المهاره
شاكره لك غاليتي

سكن قلبي

02-16-2012, 09:42 PM

وفقك الله اختي الاسلام عزي وجزاك الله خير
اكثر معاناة عندي ضيييييييييييييييييييييييييييييييييق الوقت لتقييم جميع الدارسات
اسال الله ان يعيننا ونؤدي الامانه بمايرضي الله والله انها مسؤليه عظيمه

الداعية لله عزوجل

02-17-2012, 01:15 AM

المشاركة الأصلية كتبت بواسطة المستقبل المشرق http://www.wtb28.com/dc.net.sa-heware/buttons/viewpost.gif (http://www.wtb28.com/showthread.php?p=309411#post309411)

http://www.wtb28.com/clear.gif
عاليه همم نفس معانتي بالضبط مع مجتمع الادله في التوحيد والفقه يطالبونهم بالحفظ هذولا مايعرفن يقرن كيف نطلب منهم يحفظون ادله اش المهارات حقهم الغريبه يحرفون في الايه لايمكن وحده فيهم تجيبها صح حتى لوممتازة اجلس ابوع اواسبوعين على مايحفظن الدليل وبعضهن تحفظ وتحفظ اول مادخل عليهم تقول بسمعه اتفاجاء انها نسته

أختي الكريمة

شوفي هذي الطريقة أن شاء الله تعجبك سوي زيها

http://www.wtb28.com/showthread.php?t=12795 (http://www.wtb28.com/showthread.php?t=12795)

بنت البنيان

02-17-2012, 02:00 AM

أنصح كل معلمة محو أمية مسائي لا تعطي درسك بدون وسيلة تبسط الدرس وتوصل المعلومة وتثبتها في عقل الدارسة والحمد لله الوسائل صارت جداً سهلة مع استخدام البروجكتر مع الحرص على مراجعة الدروس القديمة باستمرار لأن التكرار يعلم الشطار

ام سمايه

02-17-2012, 02:23 PM

الله يعينك حاولي تبسطين عليهم