ضرروري ردوا

[رسيـل]

رحنا لادارتنا بالمهد قالوا الكشف الطبي بس للبكالوريوس ............؟؟
سؤال هل فيه كشف لنا الثانوي والمعاهد والا لا .............؟

بليز ردوا

[المتوكلة على الله]

أنا من الفصيم ثانوي تم تسليمنا الكشف الطبي وقد قمنا بالكشف الطبي بالمستشفى اليوم
دعوااااااتك

[نورالامل]

حتى احنا بالمدينة الكشف للكل ثانوي وبكالويوس والمطابقة كمان

[المعلمه ندى]

وفى الرياض أيضاً الكشف الطبي للثانوي و الجامعي معاً

[رسيـل]

اداراتنا نايمة

[لحظتين]

للجميع بلاااا استثنااااء

[ذهيبه]

الكشف الطبي للجميع

[هيييا]

للكل ياقلبي
حتى المستخدمات عندنا والله اخذوا اوراق كشف ختموها لهم وراحوا

[الاصل طيب والمعدن ذهب]

ياهو ياعرب حرام عليكم بالكشف الطبي أنا رايحة من الساعة خمسة ونص وهو ياذن الفجر وشوفوا امة محمد ورجال الهيئه وياليت أستفدنا شي ماخذوا أوراقي ولا طال لنا السرى حرام عليكم ثبتونا ولا خلونا نروح على حسابنا بدون مانروح لمستشفى صحاري بعيد وامة محمد هناك أرحمونا شوي وخلونا نروح على حسابنا حبكت على كذا والله اني تعبت من الزحمة والعالم كلها هناك ولا وحده بالرياض جلست في بيتها

[اسماء5]

الاصل طيب بردي بردي وريحي بالك تراهم بيمددون الكشف عشان الزحمه لا تعرضين نفسك للخطر تراك مثبته مثبته خلي الزحمه تروح وروحي الاسبوع الجاي ولله بيمديك انا قالو لي لازم اسلم الكشف الطبي اليوم مارحت وبروح الاسبوع الجاي سلامات اروح في ها الزحمه ولله اربكو العالم وتراهم ماراح يرفعون اوراق الكشف الا وريقتك معهم وبيحترونك لين تكشفين وسعي صدرس

[الهمم العليا]

وفى جدة أيضاً الكشف الطبي للثانوي و الجامعي معاً
مشكورة اسماءه ويسلم فمك الله يوسع لك كما وسعتي لنا