صورة + تعليق

[سُفانة]

السلام عليكم عزيزاتي
اخباركم عساكم إن شاءالله طيبين
كيف النفسيات مع الكشوفات الطبية واللخبطة والضياع اللي صاير
الصراحة ضروري ضروري نسوي سيناريو ونتعامل مع أكبر المنتجين والمخرجين العالميين لأخراج فلم عالمي يحطم شبابيك السينما
وين احنا عايشين من جد وين ؟؟ وعلى قولت أحد الأخوات ولا حتى في الصومال بعد ياشيخة أقل شيء الصومال هذا حالهم من زمان الله يلطف بحالهم ويعينهم على كربتهم لكن حن يامعلمات محو الأميه وش ذا الحال بالله سنوات عمرنا أهديناها في سبيل رفعة وطنا والرفع بأيدي أمهاتنا وأخواتنا الدارسات وبعد هالعمر كله ويوم جينا نفرح بهالتثبيت يجينا كابوس جديد اسمه كشف طبي
الله يكتب أجرنا والله احنا الفئه الوحيدة اللي مثل الأطرش في الزفه لاتعاميم ولا قرارات ولاحقوق نعرف وش اللي لنا واللي علينا
لااا وتعالي إذا سألتي بعض الموجهات عن حقوقك ,, شوفي كيف تكون تعابير وجيههم يحسبون انك مسخنه او انك تنكتين معاهم !! قمة في الأستهتار واللامبالاة بس ماألومهم صراحه ألوم المسؤولين عنا وعنهم في عدم توضيح الحقوق بيننا وبينهم ومعاقبة المقصر أشد العقاب وكأنها لاتعرف مامعنى مسمى وظيفتها !! :sm139:

عموما ماأطول عليكم :sm137:

معي هنا صورتين توضح معاناتنا والأهانة اللي حاصلة لنا حتى مع فرحة التثبيت
بس أعتقد اإلا( أجزم ) لو تاج روسنا أبو متعب حفظه الله وطول الله بعمره شاف وضعنا أمس مابيرضاها فينا أبد


http://www.m5zn.com/uploads2/2012/2/28/photo/022812210234580ni4lsrc.jpg (http://www.m5zn.com)

الأسعاف وش موقعة من الأعراب هنا ؟ ........... تصدقون تو أعرف أن الاسعاف فيه مكرفون :):more69:


http://www.m5zn.com/uploads2/2012/2/28/photo/022812210234g8ofjy7enl.jpg (http://www.m5zn.com)

اللي تجاوب على سؤالي لها هدية قيمة ,,, اختاري الاجابة الصحيحة ,,

أين يقع هذا المكتب ؟

1- مكتب شؤون الموظفين
2- صالة الأستقبال
3- وسط الشارع :sm222:


أترك التعليق لكم .
ولاتلوموني قمت من الفجر وأحس بضيقه شايله هم وحاجاتٍ كثير
وحبيت أفضفض عندكم لعلني أرتاح
دمتم بخير

[نديم المحبة]

الله يعينهم يارب
ويكتب الاجـر لهم
مافي تنسيـق بين الجهات الحكوميـة
عدم الاهتمام

الله يعينهم

والله اليوم الصبح وديت اختي لمركز صحي المدائـن الساعة 6:40 دقيقـة
شفت زحمـة مو طبيعيـة ما قول الا الله يكون بعونهن يارب

[هيييا]

عندي صور اعظم ورب الكعبه
ترددت تعوذت من الشيطان مسحتها مانشرتها

[لحظتين]

شيء مؤسف حقأ ..

منظر غير حضاري .. وواقع مؤلم ..

لايوجد تنسيق او توجيه ..

حسب مابلغني ان المستوصف خالي من اي موظف

عموما سيعلن قريبا تمديد فترة الكشف الطبي

وللجميع التوفيق

[الاصل طيب والمعدن ذهب]

والله شي مؤسف وغير حضاري اطلاقاً المفروض يكون تنسيق من قبل إدارة التعليم ومستشفى صحاري وبالاسماء ترفق تحديد كذا معلمة وبالايام لو كان ذلك لما صار أزدحام وكل السالفة مجرد توقيع وتختيم وكم سؤال ليش أذاً العباطة والاستهتار ياعرب أرحمونا شوفوا سنوات الخبره عمرنا كله في الامية أين الرحمه أين الانسانية .

[منى عبد العزيز]

حسبي الله ونعم الوكيل من الساعه 7 وانا هناك دوبني رجعت ولا صار شي من الزحمة رجال ونساء زحمة ولا يوم التختيم في رمضان ومسخرهـ كلنا لاصقين في بعض ليه هنا ما قالوا حرام الاختلاط ولا في اشياء يمسكوا الدين فيها واشياء يحطونا فوق بعض منهم لله وحسبنا الله نعم الوكيل

لو شفتوا المناظر اعوذ بالله مضاربات ومافي الموظفيين وبهدله

يا عيني على مركز الدرن ختم واعطاني الورقه في ثانية

لكن المركز الصحي الله المستعان

[sweety]

سبي الله ونعم الوكيل من الساعه سبعه الصبح للساعه وحده الظهر وانا بالمركز الصحي
زحمممممممممممممه رجال وحريم فوق بعض مافي موظفين مافي احد يرد علي اسئلتنا معلمتين طاحو بالزحمه وماكلن فيه احد يسعفهم
كنا بالمركز الصحي ومافي لا ممرضات ولا ممرضين يسعفو المعلمتين
ما اقول غير شكرا للوزارات وشكرا لكل من احترم المعلم اليوم كان بدل قم للمعلم ادعس المعلم من جد كانت مهزله ومعظم المعلمات خرجو من دون ان يكملو الكشف الطبي
بالله يرضي مين وضعنا المحزن والمقرف
حسسسسسسسسسسسسسسسبي الله عليكم

[@ودي@]

والله العظيم اني رحت مركز مدائن الفهد من الساعة 6 ونصف ومافي ساعة الا والناس مجتمعة رجال على حريم لا خدمات ولا يحزنون خليطي لاحيا ولاغيره تكرهين نفسك قلت يابنت اخرجي بلا قلة الادب الي صايره وعساني ماسويت كشف ويوم السبت يحلها الحلال لاترتيب ولا اهتمام فينا
حسبي الله ونعم الوكيل

[الهمم العليا]

لاحول ولاقوة إلا بالله
الله المستعان

[سُفانة]

بارك الله فيكم جميعا اخواتي العزيزات

هذي معاناتنا ومانقول الا الله يعجل بتثبيتنا ويكتب لنا لما فيه الخير والسداد

ويصلح حالنا وحال المسلمين اجمع