غرَّتنـي الايَّـام باقبالهـا يــوم

[نديم المحبة]

http://www12.0zz0.com/2011/07/10/17/479101542.jpg





غرَّتنـي الايَّـام باقبالهـا يــوم
وأثر النكوفه عند الايَّـام عجلـه
جتني لياليها علـى دف ونغـوم
وأثـر الَّليالـي بالغرابيـل جزلـه

فرحة نهارٍ عقبهـا ليـل وهمـوم
من يوم جدَّ البعد محبوب وصلـه
فرقا الضَّحى تسهل على باقي القوم
لكن على الخلاَّن ماهيـب سهلـه

ماهمَّني بعـد المسافـات معلـوم
لاشك بعد القرب للصَّـب قتلـه
راعي الهوى من راحة البال محروم
قربه وبعـده نـار ماينعـرف لـه

عز الله إنَّي في ظبي نجـد مغـروم
راعي العيون الَّلي مع الزَّين خجله
من حبَّهم كنَّي من الحب مظلـوم
ونفسي عليهم ياهل العُرف وجله

كلمات: خالد الفيصل

[طموح لاينتهي]

أبيات رائعة لشاااعر مبدع

سلمت أناملكـ

[تاج خالد]

عز الله إنَّي في ظبي نجـد مغـروم
راعي العيون الَّلي مع الزَّين خجله
من حبَّهم كنَّي من الحب مظلـوم



رائعة من روائع الشاعر ترسم الحسرة والتأسي على ظبي نجد وانشهد ان الله خص ظباء نجد بالجمال

سلم ناقلها وصح لسان الشاعر المبدع

[الحلم المنتظر]

الله يعطيك العاااااااافيه

[ندى]

يعطيك العافية

[ليالي الانس]

ماهمَّني بعـد المسافـات معلـوم
لاشك بعد القرب للصَّـب قتلـه

صح لسان القايل والناقل
اسعدك البارئ ووفقك لكل خير
تحيتي

[نديم المحبة]

الله يعطيكم العافيـة

واشكركم على مروروكـ الجمـيـل

ربي يســعدكم