اللي انتهوا من الكشف الطبي في الرياض يدخلون هنا محتاجه لمساعدتكم ارجوووكم

[نرجسيـه]

السلام عليكم

بنات ارجوكم ساعدوني

انا ما اعرف شرق الرياض

ويقولون ان مركز الكشف الطبي عن المخدرات في مستشفى صحارى شرق الرياض

ممكن تعطوني عنوانه بالتفصيل ويا ليت كروركي الموقع :more12:

وما هو المطلوب احضاره معي في الكشف هل احضر معي بطاقة العائله

وما هي مواعيد الحضور في الفتره الصباحيه والمسائيه

وكم استغرق من الوقت لانهاء الكشف

ارجو ممن ذهبت وانهت اجراءاتها ان تخبرنا وجزاكم الله خيرا

اسألتي كثيره لكن ساعدوني فأنا تايهه ما بين الدوام والبيت والكشف الطبي

[ام شهد]

العنوان الدائري الشرقي مخرج 16 متجهه شرقا

لفي مباشره يمين بعدين سيده خامس اشاره لفي يسار (هذا الشارع اسمه شارع شبه الجزيره) ثم ثاني ملف يمين يجيك المستشفى الملك سعود بوابه فحص اللياقه الطبيه

له فترتين صباح وعصر

العصريقولون اقل زحمه جيبي معك بطاقه العائله لانهم سالونا عنها بس سوال وطبعا ورقه الكشف الطبي فقط

انا رحت 8 ماجيت الا2 الظهر بس يمكن الان اقل زحمه

[عاشقة السراب]

جيبي معك ورقة الفحص الطبي بعد التوقيع عليها من قبل مديرتك ,تذهبين إلى المستشفى ويعطونك موعد للكشف بس حاولي الكشف بنفس اليوم رغم جميع زميلاتي اخذن موعد الى يوم 26 /4

[نرجسيـه]

شكرا يا اخواتي والله يجزاكن خير