مأسات روحي

[حنين الذكريات]

تعبت أشكي تعبت أبكي تعبت أحكي مآسي الروح . .
قتلني الوقت بصروفه ذبحني وجفف نهاري . .
أخبي علتي وأسكت وأنا في داخلي مذبوح . .
أجامل وأرسم الضحكه وأنا قلبي على ناري . .
أحاول والله يعلم بي أداري دمعتي لا أبوح . .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح . .
صداها لو دفنته يوم يبين سنين بأنظاري . .
صرخت بحسرتي يكفي صرخت بصوتي المبحوح . .
ألا ياوقت وش ذنبي عشان الفيك باعذاري . .
تبعثر حلمي قدامي وغديت بدنيتي منزوح . .
وقفت ولا قدرت أجمع مغير مشتته أفكاري . .
أمني النفس وأخدعها وأقول إن كربتي بتروح . .
وهي والله مولوده قدر فأرحام أقداري . .
قتيل والبقا براسي في دنيا مابها مصلوح . .
قتيل والقهر قاتل من اللي ياخذ بثاري . .
أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن الدنيا وأروح لاخر دياري . .
أنا بحمل صديد الجرح في باقي وقتي المسموح . .
وإذا وافتني القدره ترى هالبيت تذكاري . .
رثاني دمعي الطاهر في صمته مارضي بالنوح . .
رثتني قسوة الدنيا ورثتني حتى أشعاري . .
وجزت اللي ذبح قلبي وعشته بالخفا مشروح . .
لجل ماضعف بعين اللي نشدني كيفها أخباري . .

:::::::::::::::::::::::::::::::::::

[نديم المحبة]

والله كـل بيت اروع من الثانـي
اشكرك على جمال ذائقتك الشعريـة

يسعدك ربي

[حنين الذكريات]

من ذوقك الرائع يااستاذالشعر

[ليالي الانس]

أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن الدنيا وأروح لاخر دياري . .

جعل السعاااده فااالك والجنه دارك
رررائع ماخطته اناملك
اسعدك الرحمن ووفقك لكل خير
تحيتي

[حنين الذكريات]

اسعدك الله اختي ليالي

اسعدني مرورك ولك مني الشكر الجزيل

[** همس المشاعر **]

يسلمووووووووووووو كتتييييير ..بارك الله فيك

[لعثرتي هيبه]

سلمت اناملك لرووعة ماخطته ... لك ودي

[طموح لاينتهي]

الله يعطيكـ العافية

ابيات رائعة

[الاصل طيب والمعدن ذهب]

رائع ماسطره قلمك ياحنين من كلمات ذات رونق جميل
تسلمين ويسلم فوك لاخلا ولا عدم
تقبلي مروري وودي

[لمس الروح]

مبدددددددددعه
لاعدمناك