جيت المكان

[حنين الذكريات]

جيت المكان وعانقتني زواياه
تبكي تنادي يا قمر وين غالي؟


قمت أتلمس كل شي وين أبلقاه
وشلون ابلقى من غرامه صفا لي


واستوقفتني ذكريات ورا آه
ماغير اعانق صورته في خيالي


واصيح وين اللي عيوني تمناه
وين الذي حبه بقلبي مثالي


أتذكر الضحكة تلازم محياه
ترسم غلا ينبت يمين وشمالي


وأتذكر سلومه وهرجه ومبداه
واذرف غصب دمعي الا من طرالي



وأتذكر إني دايمٍ في معاناه
لامن طوتني غيبته عفت حـالي


حبك في قلبي ياغلا واصل اقصاه
ارسى من اجبالن تسمى جبالي


ذاك الغلا يادنيتي لو تهجاه
مانامت اعيونك بعد ماجرالي

[نديم المحبة]

رائــعة ياحنيـن
اهنيكـ على ذوقكـ

ربي يسـعدك

[شهره]

روعه الله يعطك العافيه

[حنين الذكريات]

نديم سلمك الله وهذا من ذوقك عزيزي

[حنين الذكريات]

سهومه اشكرك علي تعليقك حفظك الله ياغالية

[تاج خالد]

كلمات رائعة دامت لنا هذه الذائقة الادبية الرائعة ننتظر مزيدك العطر

[لعثرتي هيبه]

رووووووووعه سلمت انا ملك حنين

[الاصل طيب والمعدن ذهب]

روعه الله يعطك العافيه