فقط معلمات بكالوريوس -دبلوم

[ام الاميرة]

طبعا عارفين وش راح اكلمكم عنه عن خبراتنا اللي راحت مع الريح ما حسبوها لنا
ادري اننا ترسمنا والحمد لله بس ليش ما حسبو خبراتنا؟؟!! يا خواتي ترى الفرق بالراتب مهوب سهل خصوصا للي لها اكثر من ست سنوات
انا ما ادعوكم لفتنة او لفساد حتى التجمع حاليا ما انصح فيه بس نسكت لا
لازم نسوي شي يخليهم يلتفتون لنا لازم نكثف المطالبة باحتساب خبراتنا والله حرام تضيع علينا سنوات الخبرة

[مهند9999]

وانا معك حبيبتي

[همة للقمة]

يا أم اميرة انا خبرتي أكثر من ست سنوات لكن الحمدلله شاكره لفضله نعمه عندي إنه تثبتنا. . مانكره الزياده و احتساب الخبرات لكن الرضى والبركه اهم شيء

[نُونْ]

الحمدلله على فضل الله
أهم شيء يوجهوني لمدرسة قريبة
و التأمينات يرجعونها
و عسى الله ييسر

[ايجابي بسيط]

انا معك ومنكسرة نفسي على سنين الخبرة اللي راحت والتقاعد اللي ماندري وش بيصير وضعه لازم نطالبهم هذا حقنا ما فيه نظام يقول تثبيت من غير احتساب خبرة !!
يا ناس هذا مستقبل وظيفي

[ايجابي بسيط]

يا أم اميرة انا خبرتي أكثر من ست سنوات لكن الحمدلله شاكره لفضله نعمه عندي إنه تثبتنا. . مانكره الزياده و احتساب الخبرات لكن الرضى والبركه اهم شيء


يا اختي حنا ما حنا طماعين حنا نبي حقنا والتثبيت اصعب بكثير من احتساب الخبرات ومع ذلك جابه الله يوم طالبنا فيه لانه حقنا

تعودنا من خلال مشاركاتك انك حقا انسانه همة للقمة
لكن كلامك هذا مايوحي بالهمة ياهمة

[ام المزيين]

بنات لازم نرفع شكوى للخدمه المدنيه لحتساب الخبره قبل 60 يوم من صدور القرار حتي لا نتاخر عن تاريخ 19/ 10 /1433هه حتي تحسب لنا الخبره لا نتاخر يا بنات وانتم يا شباب معلمات والمعلمين محو الاميه والابديلات

[ام الاميرة]

يا اخياتي اللي عاجبه وضعه وهو مغنيه الله ومهو بحاجة الالف والالفين والثلاثة الزيادة بعد احتساب الخبرة يسكت ولا يبرد الموضوع لأن فيه ناس وراها عيال ومحتاجة حقها في احتساب الخبرة
6900 لإيجار البيت ولا مصاريف العيال والبيت ولا للسواق ولا للشغالة؟
عدم احتساب الخبرة ظلم
حتى لو بعضكم ما تأذى منه بس لازم نقول كلمة الحق

[نُونْ]

و الله و أنا أختك العمر تسرب و لله الحمد
و حقيقة من خبرتها كبيرة تستحق إعادة النظر في الدرجة المستحقة
و لا أقول أنهم لم يظلموننا بل الظلم وقع علينا منذ زمن
هناك تظلم سمحت به الوزارة منذ فترة لكنه انتهى
على الرابط (http://www.mcs.gov.sa/InformationCenter/News/MinistryNews/Pages/news114330819.aspx)

هل رفعتي تظلم و لم يتم إحتساب الخبرة ؟؟ لو كانت الاجابة لا فحسبنا الله و نعم الوكيل
أنا لم يحسبوا لي سوى سنة واحد و سنوات خبرتي ليست مثل غيري التي تجاوزت العشر سنوات
ظلم من لم تحتسب خبرتها الكبيرة و التي استنزفت عمرها
يا رب ارزقنا رزقا دون صخب و لا نصب

[جبال السروات]

هلاهلا بصراحه شي مؤسف جدا ماينحسب خبراتنا حالنا حال الي توهم متعاقدات والله قهر من جد وحدة توها متعاقدة مالها الا ثلاث شهور وتاخذ نفس المستوي والدرجة والي قاهرني اكثر بعض المعلمات والمعلمين مالهم الا سنة او سنتين واخذوا نفس الشي معقولة الي لها 13 - 15- 20 مابين صبح ومساء نفس الي مالها الا سنه او سنتين او حتي ثلاث شهور شوفوا الظلم بعينه والله الي اخذوها صح بنات الثانوية حطوا عيونهم علي البكالوريوس انتوا بتروحون الصبح انتوا بتتعدل اموركم اشوف الامور صارت من صالحهم انحسب لهم الخبرات وكل شي وحنا مكانك سرا ولاشي تري فيه ظلم كبير

[جبال السروات]

لا احد يزعل بس الحق ينقال بس اعطو الاجير حقه والله يبارك للجميع

[الحائره]

بنات الثانويةاعلى راتب فيهم7000 ريال وخبرتها23 سنة



2

[ام الاميرة]

ياليت ينظرون في امرنا والله ان اغلب معلمات محو الامية ارامل ومطلقات وعائلات لأسر وفيهم اللي في بيتها مريض او معاق
والله حرام اللي يصير فيهن

[tms]

اين رابط التوجيه للمدارس

[جبال السروات]

يا حيرانه احمدي ربك انحسبلك شي مو كان تعين جديد كان صرتي علي المرتبة الرابعة الدرجة الاولي بس المساكين بنات البكالوريوس تعين جديد وما نحسب شي لنا حالنا حال الي مالها الاسنة او سنتين = 13 - 15- 20 سنة = ثلاثة شهور شي ارحم من شي انحسبلك شي مو تعين جديد مانحسب ولاشيييييييييييييييييييييييييييييي

[اسامه]

انا لي 15 سنه خبره وعندي عيال اصرف عليهم وابي خبرتي العمر طاااااااااااااااااااااااااااااااااااااااااااااار وربي وش اسوي بالضبط وين اروح اتمنى تقولون لنا خطوات نفعلها مو فقط نتشكى هنا ماذا نفعل وين نروح ولمن نرجع ومن نرفع عليه ووين نورونا والله حرام يضيع العمر وش بقي فيه ؟؟؟؟؟

[قطرات]

هذا حقنا ولازم ناخذه

[ام الاميرة]

يا اخوان لازم ما نسكت اللي تعرف اي احد بالاعلام او الصحافة تتواصل معه الله يجزاكم خير

[امال123]

مالكم غير البرقياااااااااااااااااااااااااااااات للملك عبدالله حفظه الله واطال في عمره 969

[اسامه]

وليش مانتجمع ونروح للوزاره نبين احقيتنا باحتساب خبرتنا الطويله

[ام الاميرة]

وليش مانتجمع ونروح للوزاره نبين احقيتنا باحتساب خبرتنا الطويله


والله اذا هم ما يدرون عنا الا كود نسنتر عندهم
ما فيه مشكلة نروح وجعلها روحة بركة وخير على الجميع مثل روحتنا الاوله

[ايجابي بسيط]

بعد العيد يكون خير يا ام الاميره ويا اسامة

[الغيوره]

[size=6]صحيح الي توهم متعاقدات ومتعاقدة مالها الا ثلاث شهور وتاخذ نفس المستوي والدرجة ولكن المشكلة بمن بمن خدمة سنوات كثيره وعمرها اكثر من اربعين سنة مالههههههههههههههههههههههههههههههههههههههههههههها تقاعدبأي قانون واي عرف واي وجه حق تسلب سنوات اعمارنا , لماذا تحسب للثانوية ونترك صدقوني قسم بالله ان زميلاتي ثانوية راتبها اكثر مني الله يرزقها ويرزقني نبي الامان الوظيفي
ياناس ياناس خوفو الله فينا اغلبنا ضعوف وارامل حلمنا نشتري بيت بالتقسيط البنك ما يقرضك الامبلغ زهيد حتى كوخ ما يجيب لك راتبهم الي معطينا اياه حسبي الله ونعم الوكيلالله يحرمن حرمنا الدرجة المستحقة العافية ومن شار واستشار . الاان ان رجع عن قراره .

[الغيوره]

اسمعو تجمع لا تتذكرون المحامي الي قال بمسك قضيتكم وطلع بالتلفزيزن بعد مكرمة ابو متعب وقال ان لكم حق المطالبة بالاثر الرجعي من يوم صدور القرار نوكله ونشوف وحدة نشيطة تجمع من المعلمات المبلغ المطلوب وقوم تعاونو ما ذلو نأخذ حقنا منهم غصب بس اصبرو لين نباشر وترفع مباشرتنا

[ساندي]

والله حرااام مايحتسبوا خبرات البكالوريوس احنا ماعندنا تربوي لكن خبرة العمل لنا تحتسب تربوي انا معلمة محو اميه 18 سنه ويحتسب لي سنه واحده
هل هذا يصح خبرة سنه واحدة مثل 18 سنه والله انه الظلم بعينه والظلم ظلمات يوم القيامه

[جبال السروات]

هلا حبايبي الكلام صحيح وايضا 100/ 100 % االي متعاقدة مالها الاسنتين=سنة =ثلاثة شهور = خبرة 13، 15، 20 سنة مابين صبح وعصر والله علي ما اقول شهيد

[اسامه]

مافهمت كلامك جبال السروات وضحي

[جبال السروات]

[واضح كلامي مايبي لها شرح الي عندها خبرة 13 -15- 20 سنة مثل الي توها متعاقدة[/

[اسامه]

[واضح كلامي مايبي لها شرح الي عندها خبرة 13 -15- 20 سنة مثل الي توها متعاقدة[/
وهذا الي ذابحنا