مالقيت من الحكي غير..الشماته(صوتيه+نصيه)

[صادق الوجدان]

http://www.youtube.com/watch?v=BlWijN0SIGo&feature=player_embedded




مالقيت من الحكي (http://vb.ta7a.com/t635817/) غير..الشماته
ولا لقيت من السكوت الا..العذاب



مل قلبي من زمانٍ..ذي سواته
ما يهم اليوم عندي ..ويش جاب



البخت ..مايل وكسرت بي عصاته
حام فوقي بالحزن طير الغراب



آآهـ..وش بيقول ! من هذي حياته
دام رجله عشقهـا..طرد السراب



كن حالي ..حال عودٍ مع بناته
مالهن غيره..وهو يشكي المصاب



يرتجن الله دايم ..في نجاته
وغير وجهه مالهن سكه وباب



وهو على مركاه..يدعي في صلاته
يسعد بتزويجهن..قبل الغياب



مات شايبهن ..وفي لحظة وفاته
كل من حوله غدو مثل الذياب



أو يتيمٍ ما بعد مدت خطاته
دشروه أهله ..على درب الركاب



غلطة أثنينن..تسبب في شقاته
وأن سأل.؟ ماله مع العالم جواب



يكرهوه ..الناس مايعرف خطاته
عايش بعزله ..بلا أهل وصحاب



أن بكى محدن..بباكي لعبراته
ون رحل محدن بساءل وين غاب



هذا أنا..والعمر يتبدد ..شتاته
من كثر حزني شكت حتى الثياب



أرض جوفي مابها بذرة نباته
ما سقاها بالمطر وسم السحاب



كنها..ليلٍ وخيم في عباته
ما بها ياكود نبحات الكلاب



وجهي اللي يشكي أحوالي صفاته
شااب شعره..لوني بعز الشباب



حاضره يبكي..سوايا ذكرياته
وباكره مابين فك ..وبين ناب






http://www.guryat.com/vb/images/smilies/hrt.gif (http://vb.ta7a.com)



صـــادق الوجدان

[نديم المحبة]

يعطيك العافيــة

[صادق الوجدان]

يعطيك العافيــة


ي هلا بك

أخوي

تسلم لـ مرورك

تقديري لك

[طموح لاينتهي]

رووووعة

صح لسانك

[صادق الوجدان]

ي هلا بك طموح تسلمين

وي هلا بك نورتي

كل الشكر

[نظرة غرور]

ابداع ماشاء الله

[الاصل طيب والمعدن ذهب]

الله يعطيك العافية ياالغالية
كلمات رائعه
تسلم الايادي
لك كل الشكر والتقدير