حمله معلمات محو الاميه البكالوريوس للمطالبه باحتساب خبراتهن

[اسامه]

السلام عليكم ورحمه الله طبعا كلنا نعرف الظلم الذي لحق معلمات محو الاميه البكالوريوس وعدم احتساب خبرتهن واعمارهن التي راحت في تدريس محو الاميه ومدى الاجحاف الذي وقع عليهن فخرجنا من المولد بلاحمص ععلى قوله اخواننا السوريين بالرغم من ان اكثريه منهن خدمن 15 و20سنه وقد بلغن الاربعين في الاغلب الا من رحم الله فلماذا ياوزاره التربيه لاتنصفيهن فقد احتسبت لفئه دون فئه من محو الاميه لماذا؟ اذا تقاعدنا كم بيكون رواتبنا يعني القويه فينا الان تدرس 10سنوات وبعد الخمسين والله لن تستطيع الصبر على الوقوف في الصفوف اذا تقاعدنا كم بيكون رواتبنا ونحن خدمنا فقط عشر سنوات وغير ذهاب اعمارنا هذا حقنا وتعبنا في تدريس محو الاميه والصبر على الراتب الزهيد الذي كان في الاوزل فقط 1500 مكافاه مقطوعه ونحن البكالوريوس التربويات اللتي اغلبنا ذو تقدير عالي حسبنا الله ونعم الوكيل فيمن ظلمنا واحتسب الخبره لفئه دون فئه يجب شن حمله في جميع المنتديات والفيس بوك والتويتر فهذا اول الغيث ونستغل هذه الفتره في ذلك حتى نرى الاستجابه وننتقل للمطالبه الى المرحله الثانيه

ملاحظه الموضوع موجهه فقط لمعلمات محو الاميه البكالوريوس

[ام سعدو]

والله انك صادقة اختي

احتسبت لفئه دون فئه

بس مين يسمع للمنتديات ويحل مشاكلنا ؟؟؟؟؟؟؟؟؟؟؟

[همة للقمة]

اتمنى أن تصل أصواتكم و تحصلون على نتيجة من الحمله. . ولكن المعذرة لماذا فقط البكالريوس? ??هل معلمات الدبلوم تم احتساب الخبرة لهن حتى تستثنيهم من من المطالبه بحقهن ايضا. .. ????
أو في نظرك لا يستحقون احتساب الخبرات لهن ??
......!!!!!!!!!??????
وبما أني مستثناه عزيزتي من حملتك هذه إلا أنني أتمنى لك ولكل معلمات البكالريوس والدبلوم أيضا الحصول على مطالبهم. .. تحياتي اختي الفاضله. .

[ssatta]

نعم ضاعت اعمارنا و نحن نخدم في سلك تعليم الكبيرات ب 1500 ريال فقط ...من اقل و اقل حقوقنا احتساب الخبرة

[عيون عليا]

والله أنك صادقة عمر 13 سنة تدريس في محوالأمية
حتى الدبلوم أكثر واحدة خبرتها فوق 15 سنة

[دنيا الامل]

نعم اختي اضم صوتي لكم وانا من حملة الدبلوم اليس هذا ظلم

[جبال السروات]

[اصلا الي جاء من صالحهم بنات الثانوية احذوها صح وطاحت علي روؤس البكالوريوس لا خبرة ولاتقاعد لنا زي الناس الله يرحمنا[/

[اسامه]

الحمله لكل من ظلم وهضمت خبرته واعماره سواء بكالوريوس او دبلوم فلنواصل حمله اخذ الحقوق للبكالوريوس والدبلوم

[اسامه]

للرفع...............................

[ام الاميرة]

على خير ان شاء الله
ونسميها حملة
المطالبة باحتساب سنوات الخبرة للمعلمات
بدون ما نحدد دبلوم او بكالوريوس او محو امية او بديلة كلنا في مركب واحد

[قطرات]

وأنا أضم صوتي معكن ..كل المثبتين حسبت لهم الخبره إلا المعلمين والمعلمات أكلوا هوى ..بس قولوا لنا وش نسوي علشان نبدأ بالمطاالبه ...ماراح نسكت عن حققنا حتى لو كان ريال

[ام ريتاج]

عفوا اختي حتى انتي اجحفتي بحقنا كيف تقولي ملاحظه الموضوع موجهه فقط لمعلمات محو الاميه البكالوريوس والدبلوم وين راحت خبراتهم دام انك كتبتي البكلوريوس فقط ماراح تتحصلين على نتيجه يد الله مع الجماعه

[اسامه]

انتي ماشفتي تعليقي الثاني والا المساله بس حب اثاره للفتنه انا قلت لكل من ظلم البكالوريوس والدبلوم يمكن كان في الاول كتبت البكالوريوس لانهم السواد الاعظم لكن استدركت في تعليقي الثاني وقلت للدبلوم والبكالوريوس واقولها ثالث مره لللبكالوريوس والدبلوم وعموما لو حسبت للبكالوريوس اكيد ستحسب للدبلوم لانهم نفس السلم ونفس المسمى الوظيفي معلمه باختصار مركبنا واحد وسفينتنا واحده لكن لانغرقها باختلافنا .............

[ذهيبه]

اقوال احمدو ربكم انا ثانوية عامة ما حسبوا لي ولا يوم خبرة 18 سنة وحطوني على المرتبة الرابعة انتم على المستوى الخامس

[الخنيساء]

حسبي الله ونعم الوكيل

المعوض كريم

[اسامه]

اقوال احمدو ربكم انا ثانوية عامة ما حسبوا لي ولا يوم خبرة 18 سنة وحطوني على المرتبة الرابعة انتم على المستوى الخامس



حامدينه وشاكرينه قبلك وبعدك وانت مادرستي اربع سنوات وشقيتي حتى تحسدينا على المستوى ثم ان كل المعاهد والثنوي حسبوا خبرتهم احنا مو مسوولين عن سكوتك وكسلك ليش مارفعتي اعتراض انا خبرتي مقاربه لخبرتك ولا حسبوها لي ولايوم شفتي طعم القهر وشلون خاصه وهو الواضح اني اكبر منك متى بتقاعد وكم بيحسب لي عمري راح مابين دراسه وتدريس لم يحسب ؟ لذلك نطالب نحن البكالوريوس والدبلوم باحتساب خبرتنا حررررررررررررررام اعمارنا جاوزت الاربعين والعمر راح حسبي الله ونعم الوكيل احسبوا ولو السنتين بسنه لكن كذا لا والله اذا تقاعدت وهو قريب كم بيصير راتبي وكم وكم

[وردالجوري]

اكثر من راح عمره خريجات الثانوووي
اغلبهم فوق ال45سنه

المفروض نوحد كلامناا

ضم الخدمه السابقه للتقاعد

هذا اقضل حل


امنيتي لودرست الجامعه يقولون احلى سنوات العمر بالجامعه فللللله
كلها 4سنوات

الان ياخذونها عبرالنت اسهل شي








لازم نطااااااالب بضم الخدمه للتقاعد

[! Nada !]

قابلت موظفة مثبتة في جامعة الاميرة نورة عملت سنتين في محو الامية والجامعة حسبت خبرتها في محو الامية رغم اختلاف العمل والقطاع وضحكت على الوزارة وتخبطها تقول من باب اولى تحسب خبرتكم وزارتكم انتم عملتوا عندها وتهضم حقوقكم !!

[المستقبل المشرق]

معكم في الحمله

[اسامه]

نحن المعلمات ماطلعنا بشئ المطالبه باحتساب خبره معلماات البكالوريوس والدبلوم ولو حسبوا السنتين بسنه على الاقل انتم حسبت لكم الخدمه المدنيه خبرتكم ؟ احنا ووووووووووووين لاادري ليش بعض الناس يريدون التقليل من تعبنا وشقاءنا اخت جوري بما انه احلى سنوات العمر ليش ماتكملين دراستك؟؟؟؟؟؟؟؟؟الميدان مفتوح ياحميدان؟

[كنكوشيآ]

اي والله حسسسبي الله عليييييييييييييييييييييهم


ماراح نسسسكت لهم
\

نبي احتسساب خبرررات

نبي احتسسساب خبرات