استاذ جبل الهدا والمعلمات هل يحق لي رفض الندب ارجوالافاده ؟

[المستقبل المشرق]

سلام عليكم اليووم جاني ندب لمدرسه وانا رافضه مابي اروح هل يحق لي الرفض او تغيير المدرسه لانني في الثانوي ندبوني ابتدائي جزاكم الله خيرا افيدوني بموت من القهر لان المدرسه اللي ناقله لها فاشله اعداد الطالبات كبيره وضغط كبيير انا مابيها احد يفيدني وله دعوه ؟

[راشد]

يحق لك الرفض انا

أنتدبت ورفضت وهالحين أنا بمدرستيعن

[المستقبل المشرق]

شكرالك اختي او من يسمعني انا مابي المدرسه الي ندبوني لها وهم غصبيني عليها يندبوني بس لمدرسه غير هذي ياربي الله يعين

[اسامه]

اذا كنتي اخر من باشر لايحق لك

[المستقبل المشرق]

ايه للاسف اخر من باشر بسب مديرتنا في المسائي ماعطتنا اخلاء الطرف الابعد ماباشروا الناس انا اخر هن
المشكله اني ماني رافضه الندب رافضه المدرسه اللي ندبوني لها

[اسامه]

ايه للاسف اخر من باشر بسب مديرتنا في المسائي ماعطتنا اخلاء الطرف الابعد ماباشروا الناس انا اخر هن
المشكله اني ماني رافضه الندب رافضه المدرسه اللي ندبوني لها

للموجهه الصلاحيه بتغيير المدرسه التي انتدبتي لها اطلبي منها تغيير المدرسه وتحججي بالبعد او المواصلات او غيره وبتغييرها لك بسهوله الموجهات عندهم صلاحيه تغيير المدرسه وغالبا يكون كذا مدرسه محتاجه فتغيير لك ولو كانت ليست قريبه منك المهم قوي لها تغيرررررررررر

[لحظتين]

عزيزتي حاولي مع مديرتك بس الي اعرفه ماتقدرين ترفضين لكن حاولي بتغييرها

واذا تبين نصيحتي لاتسمعين كلام فلان وعلنتان
الي يقول مدرسه فاشله او ناجحه
مافي شي من هالقبيل كل مكان فيه صالح وطالح
انتي لك بعملك وماعليك من احد
اتقنيه وبتصيرين الناجحه وخليهم الفاشلين
بعدين ترى الندب له مميزات حلوه عزيزيتي

مايكون لك احتياط
ولا مناوبه
ولا رياده
ولا نشاط
وتطلعين قبل الكل بنص ساعه
او تجين بعدهم بنص ساعه

يعني مرتاحه
والله يكتبلك الخيره

[المستقبل المشرق]

لحظتين متأكده من كلامك انا ماعي مناوبه واحتياط ومميزات خاصه اكيد كلامك
لاني سمعت المندبه ندب جزئي تعمل لها هالمميزات
مالفرق بين الندب الكلي والجزئي ؟ احد يعرف

[لحظتين]

عذرآآآ للتاخير

طبعا عزيزيتي متأكده من كلامي

اختي منتدبه ندب كلي
ولها هالمميزات
وتقدرين تطلبين تعميم الانتداب فيه كل الحقوق والواجبات .. اطلبيه من المدرسة حقتك واقريه بنفسك ياالغلااااا

بالنسبة للفرق بين الندب الجزئي والكلي

الجزئي يكون بين مدرستين يعني تكونين بمدرستك يومين او ثلاثه وبمدرسة ثانية باقي الاسبوع
او على ثلاثه مدارس

اما الندب الكلي يعني تروحين مدرسة ثانيه طوال فترة الندب ترم او سنه او 3 سنوات حسب المده ولاترجعين مدرستك الا بعد انقضاء مدة الانتداب

بصراحة مميزاته حلوه
ماعليك الا من درسك وبس بلا انشطه او التزامات ادارية

استخيري وموفقه باذن الله ،،،

[جبل الهدا]

سلام عليكم اليووم جاني ندب لمدرسه وانا رافضه مابي اروح هل يحق لي الرفض او تغيير المدرسه لانني في الثانوي ندبوني ابتدائي جزاكم الله خيرا افيدوني بموت من القهر لان المدرسه اللي ناقله لها فاشله اعداد الطالبات كبيره وضغط كبيير انا مابيها احد يفيدني وله دعوه ؟


وعليكم السلام
استاذه
اذا انت اخر من باشر بالمدرسه..
لايحق لك الاعتراض..
صحيح .. لاتكلفين
بالاشراف اليومى.. الرياده ... النشاط..
المناوبه.. الاحتياط