وش كان ردت فعلك

[بسمه الشهري]

أخواتي كل وحده تقول وش كان موقفها حين صدرتصريح بأننا مستثنون من الترسيم ....:36_2_13:

[سعوديه للأبد]

انا ارسلت تلك الرساله المشؤمه اللي من جد مدري وش خلاني ارسلها للمصدر الموثوق اللي قلت


لكم عليه في موضوعي ذاك عااجل محو الاميه مالهم تثبيت اللي مدري وينه :sm114:

المهم ارسلتها العشاء نسيت السالفه وقمت الصباح وفتحت جوالي بالصدفه الا فيه 10 رسايل انا مابين النوم واليقظه



طالعت في المرسلين لي الا وردعلى رسالتي : معلمات محو الاميه مسائي غير مشمولين بالتثبيت لان وقت دوامهم اقل



انااااااااااااااااااااااااااااا :36_2_13::36_2_13::36_2_13::36_2_13::36_2_13: :36_2_13:


صدمه العمر .... ولازالت مصدومه من هذاك اليوم لليوم :sm42:

تخيلي تصحين من نومك على رساله كذا .......:36_1_44:

بعدها قلت اللهم اجرني في مصيبتي واخلفني بخير منها

لما نزلت الاليه ما انصمت كثير لاني خلاص منصدمه خلقه .... :sm42:

[كلي أمل]

الله يعلم بالحال
جلست صامتة نصف ساعة غير قادرة على نطق اي كلمة
تماسكت ولكن الى وقت معين انهرت وبكيت وصليت ركعتين ودعيت ان الله يأجرنا في مصيبتنا ويخلف لنا خير منها
نرجو من الله تعالى ان يبدل حزننا فرحاً

[يارا]

:36_1_44::36_1_44::36_1_44::36_1_44::36_1_44:::
هذي ردت فعلي للاسف ماباليد حيله

[كلمات]

والله انا في صدمة حتى هذه اللحضة واشعر انني في ادغال افريقيا
القوي يأكل الضعيف

يا رب متى تتعدل امورنا ونقدر نرفع روسنا ونفتخر في ما فعلناه

[لا تأسفن على الدنيا]

قلت انا لله وانا اليه راجعون اللهم ان كان لنا حق فانصرنا واعنا على اخذه وان كان لا خير لنا فيه فارزقنا خيرا منه

[لعله خير]

انا قلت اللهم ارني عجائب قدرتك في نورة الفايز وكل من وقف في طريق ترسيمنا اللهم اشغلها بنفسها اللهم عليك بها وبكل من وقف امام امر تثبيتنا
حسبي الله
حسبي الله
اللهم يا منتقم يا جبار انتقم لنا ممن ظلمنا يااااااااااااااااااااااااااااااااااااااااارب

[لحن وردي]

اما انا جيت من المدرسة وفتحت على المنتدى كالعادة طبعا

والاقي شريط الاهداء مولع نار والكل يقول ( حسبي الله ونعم الوكيل )

وانا ما ني فاهمة الحرجة

وقالوا الية التثبيت نزلت ورحت فتحت على منتدى وزارة الخدمة ولقيت الي ما تتسمى ( الالية )

وصار شكلي من يومها :36_2_13::36_2_13::36_2_13::36_2_13:


تنذكر ما تنعاد إن شاء الله

[بريفكت ومن]

أنا قبل لااطلع اروح الدوام
كنت اشرب قهوة وافتح المنتدى الحواري واشوف الكلام المكتوب بالاهداءات وادخل على طول ((الخدمة المدنية)) وانفجع بالخبر
ماقدرت انطق ولما رحت المدرسة قلت الخبر للمدرسات والكل تكدر خاطره والله.
وطبعا ماقدرت ادخل حصتي
الحمد لله على كل حال

[أم تركي]

انا جاني الخبر برسالة من مديرة المركز وتشهدت على طول
وجاني هبوط وانعزلت عن اهل بيتي الى يوم الاثنين
الله يفرحنا بالتثبيت

[همي بقلبي]

أنا
دريت بالخبر من المنتدى
بصراحة انصدمت
و الى الآن مب مصدقة
لأن كثير أشياء غامضة و متناقضة بقضيتنا
:(

[الامل القريب]

اشين يوم في حياتي بصراحه كئيب والجو مغبر عطيت دروسي بدون نفس احس اني انسانه مهمشه مكتوب عليها الذل والقهر في وطنها ومن اهل بلدها اللي القوي ياكل الضعيف مجتمع بلا مشاعر ناس حسده يحرمون الانسان ويتلذذون بحرمانه حسبنا الله ونعم الوكيل انا ماهمني من هذا كل الا امي الله يخليها ضاق صدرها وقبل كانت فرحانه ومبسوطه اااه بس لو حقوقنا نقدر ناخذها بيدينا بس !

[لحن وردي]

يارب الموضوع القادم يكون
ماذا كان وقفك عندما جاءك خبر التثبيت طبعا ( تصريح ) في موقع ديوان الخدمة ؟

يارب عما قريب يارب يارب

[لعله خير]

^
يارب

[بنت الشهري]

:36_1_44::36_1_44::36_1_44:

إنصدمـــــــــــــــــت صدمه مو طبيعيه لأني كنت واثقه بترسيمنا

جاني الخبر بالدوام من احدى المعلمات وكانت صددددددددمه غير طبيعيه الله لا يفجعنا بحبيب


وماقدرت اعطي حصتي زين حتى الدارسات لاحظوا علي وقاعدين يدعون ع اللي كان السبب

حسبنا الله وكفى الصدمه باقي مأثره علي

[شعاع النور]

أنا قلت اللهم أجرني في مصيبتي وأخلف لي خيرا منها......صح حزنت...:36_2_13:

بس كنت متفائله خيييييييير...:36_2_15:

وهديت ع زميلاتي بالدواااام بينما كنت أهدي ع نفسي معهم...:sm137:

وللحيييييين متفاااااائله وبقوووووووه.....:sm275::sm275:

[الاأنا]

أنــــــــــــاا كنت متووقعة عدم التثبيت

لان لي معهم صدماات كثيررة

لما كانت الموجهة تباارك لي كنت اقوول لها مااصدق الا لما اشووف اسمي

بس لماا دقت علي صديقتي وبلغتني

صرت كــــــــــــــذاا

:36_1_18:

[ام ماززن]

بالنسبة لي جاني الخبر وانا بالمدرسة مسكت نفسي لاني حاسة نفسي يانفجر ...مجرد ما دخلت البيت حسيت نفسي مذلولة طفشانة ما ابغى اكلم احد مجرد ما سالني ابو الشباب ((زوجي ايش فيك )) انهرت من الصياح ...وجالس يسكت فيني حسيت نفسي كاني طفلة ويقول الله لا يوفق من كان السبب .. خاف علي يرجع لي مرضي ((تضخم بالكلى )) اذا زعلت يرتفع الضغط وتتسارع دقات القلب ...والى الان مصدومة

[الناعمه]

انا واصلت يومين مانمت ولا اكلت وانخفض سكري بس فكرت انه محد نافعني بعد الله وسويت ذيك المقلوبه الى يحبها قلبكم

ودقيت بالخمس بدون ملعقه ولعقت اصابعي وحمدت الله على العافيه

[وكنت طفلة]

والله ياحواتي من يوم صدرة المكرمة لم افرح بها لا ني عندما سمعت كلمة حسب الاحتياج ا عرفت انه سوف يلف على الموضوع
وقلت لزميلاتي لا تثقوا كثيرا فان المؤمن لايلغ من جحر مرتين فقامو يقولون لي انك انسانه متشائمة فقلت لهم ستبرهن لكم الايام صدق كلامي وما اسرع ذلك علي وعليهم لانه رغم ذلك كان عندي بصيص من الامل في ان يتقو الله فينا وفي مجهودنا ولكنا في زمن القابض عل دينه كالقابض على الجمر

[يارب]

ماصدقت وللان املي بالله وانه هو الرازق ... ولايهمني لاتصريح الخنين ولا الفايز..

[ام اغلي البشر]

:sm137:كنااااااااا في ذالك اليوم في المدرسه

جالسين نسولف سوالف المرسمات بدينا بالمشاريع
وفجأه جاأنا اتصال :36_1_15:ظهرت الدهشه علي زميلتنا وقالت الخبر

مااااااااااااااصدقنا من قوة الفاجعه كل وحده راااااااااااااااحت سرحااااااااانه :sm234: ثم صحينا والله يابنات ان دموعنا نزلت والله العظيم:36_2_18: حتي الدارسات لاحظواااا اشكالنا وشلون تغيرت ماقدرنا نشرح :sm139:

[بسمه الشهري]

طبعا انا جاني الخبر من وحده من البنات باتصال !!!ماصدقت جاني مسج واثنين وثلاث وكلها أكدت ان مالنا تثبيت !!!!!ماصدقت فتحت من جوالي على جريدة عاجل وقريت الخبر وأنا رايحة الدوام ......ودخلت المدرسة مو شايفه شيء قدامي طبعاً بمجرد ماشفت وجه المديرة انهرت باكيه بغيت ارتمي بحضنها بس استحيت ....... زارتنا مشرفه وقالت وش فيه خبرناها قالت مستحيل !!!! وخرجت ماطولت بس احس كسرنا خاطرها....وبكيت الى درجة الامهات جو على يصبروني ماتحملت قمت لبست عباتي وانحشت من المدرسه وبكيت وااااايد على قولة الكويتيين بس من جد تحطيم صار لهم شهر يباركوا لنا وفي النهاية عظم الله اجركم بالتثبت

[عطرالروح]

اناجاني اتصال على طول فتحت النت على جريدة سبق اخذت فتره طويله وانا صاااااااااااااامته مااكلمت احد

[الشاطئ المجهول]

الله لايعيد ذاك اليوم انا قبلها قريت رسالة سعودية لابد وتنكدت كان داخلي يقول الحرمة صادقه بس ار جع واقول لا معقوله الناس كلها غلط وهي صح والله من بعد الرسالةوانا خايفه ولما سمعت الخبر كان زي الكابوس وليومكم ماتهنيت بالنوم واتمنى احد يدق من زميلاتي يبشرني بالترسيم حتى الراتبين والله مافرحت حاسه القلب نسي الفرح

[عسووله]

انا الصدمه عندي مو في الغاء التثبيت مسوينها فينا قبل كذا بس قرار ملكي ما ينفذ والله عجيبه

[مهاوي غير]

قولت حسبي الله ونعم الوكيل على نورة الفايز وزيرالخدمة وزيرالمالية ؟؟؟؟؟؟؟؟؟؟؟

وكان وجهي:sm210:
:sm210::sm210::36_2_18:

[عسووله]

وبعدين القرار صدر وتلقينا التها ني من ا/فوزيه الصقر وغيييرها من من فرحوا لنا اذا هناك يد عابثه الله يقطعها

[صدى الاهات]

قريت الخبر الظهر في سبق ماصدقت فتحت موقع الخدمة المدنية ولقيت الخبر المشوْم طبعن انصدمت رغم كان عندي احساس باعدم التثبيت وكنت اقول لزميلاتي باحساسي يقولو لايمكن ابومتعب قال كافة البنود دون استثنا ء

[moony]

كنا في المدرسة جات رسالة جوال لاحدى المعلمات
قرأت الرسالة بصوت عالي ثم ساد الصمت فترة ثم بدأت الدموع تنهمر و الدعاء على من تسبب في قهرنا

[نور الأمل]

فتحت النت وانا كلي رايقه وشوي اشوف الخبر دهشه
قمت واتصلت على صديقاتي وكل اللي اعرف عشان اتاكد
وللاسف تاكد الخبر
لكن ماياخذ الانسان الا رزقه بالدنيا
((((((((((((لو تركض ركض الوحوش غير رزقك ماتحوش)))))))))))))))))))

[انفاس الورد]

انا كنت جالسه باول الدوام تو مادخلوا المعلمات الحصص اسولف انا وام اغلى البشر الا .زميلتنا ..... يجيها اتصاال وهي يتغير صوتها وتقول حسبي الله ونعم الوكيل انا خفت احسب احد مااات ولاشي بعدين سكرت السماعه وحطت يدها على راسها وبلغتنا بالخبر اول شي ماااصدقت
بس هي على طووووول قالت هذا تفسير حلمي قبل يومين حلمت ان الملك عبدالله جالس على طرف طاااوله كبيره ومد يده بورقه بيضا وجيت اركض باخذها بس ناظرني وقاال لالا ماهي لك وانا ااقوووول يافشيله الملك كسحني

عاااااد ام اغلى البشر الى اليوووم وهي ماسكتها عليها تقول لو الله فاكنا من لقاااافة ا....... كان حنا مترسمين هههههههههه

قسم حالتنا تبكي الله لايوفق من كسر بخواطرنا وقتل فرحتنا

[شموخ]

جانا الخبر في المدرسة ماتتخيلون الكل سكت وكل وحده تناظر في الثانية جد كنا مصدومين ومو عارفين ايش نقووول \\وكلنا بصوت واحد قلنا حسبي الله عليهم وعنم الوكيل

[m-princess]

انا كنت رايحه الدوام الظهر قال لي زوجي شفتي جريدة اليوم ؟ قلت لا قال فيه خبر عنكم واخذتها وقريتها وانصصصصصصدمت

جلست متجمدة والجريدة في يدي ساااااااااعه واحس ان الحلم زي القزاز طاااااااااح وتكسسسسسسسسسسر

حسبي ااالله ونعم الوكيل

[بسمه الشهري]

اشكر الجميع لتفاعله ............. صراحه عجبني البنت اللي حلمت وقال لها ابو متعب مو بلك .........صراحه ضحكت من قلب بعد مانسيت شكل الفرح والابتسامه

[حروف صادقة]

الله لايعيد خبر هذاك اليووم ،،هذا وانا ماوثقت فيهم تعرضت لحااالة نفسية سيئة مخنوقة ومقهوورة ماقدرت اتكلم ، فكرت بمن لم تتوقع الخبر ومستبعده له ، ايش وقع الخبر عليها من قمة الفرح الى نزول مفاجئ من الحزن
لاااكن مانقوووول الا اللهم يسر لنا امرنا هذا ،،وفرررج همومنا وحقق آمالنا بالتثبيت عاجل غير آآجل

[جنون الخيال]

بصراحة انا كان ضايق خلقي وقلبي قابضني خميس وجمعة مدري وش السبب
والسبت يوم صحيت الظهر لقيت رسالة بجوالي من عااااجل
كانت الرسالة تقول ان الالية التثبيت نزلت والتفاصيل على موقع الصحيفة
ركضت للنت وانا حاسه ان مالنا نصيب وفتحته وانصدمت
وزيادة على الضيقة اللي فيني ارتفع ضغطي وعصبت صرت اكوش على من يكلمني
وكنت مجهزة قهوة وحلويات لوحدة من صديقاتي مجدد عقدها
من الزعل قلت منيب ماخذه القهوه كافي اني بداوم بس امي اصرت اني اخذها
ورحت للدوام ولقيت الكل مادرى عن الخبر وسألوني وشفيني وخبرتهم بالصاعقة
تغير حالهم من السوالف والتقهوي للدعاوي والتحسب وضاقت صدورهم
والى الان ماني مصدقة اللي صااااااار

[اطياف]

كنت بالسيارة لما قرأت رسالة الآلية المميتة وسكت وبعد شوي قلت قدر الله وما شاء فعل
وداومنا بحزن شديد وصمت رهيب

أحيانا الصمت أبلغ من الكلام

[حروف صادقة]

اللهم هون علينا مصااائب الدهرعسى هذا الامر يكون اصعب المصايب علينا وآآخرها
وربي مايورينا الحزن ويستر علينا ويغنينا بالحلال عن الحراام

[بروق الوايلي]

انصدمت ورجعت منقهره مستحيه وانا اتدكر التهاني والتورت وادعي على خرفان امي االي مهي راضيه تندبح واقول لهم لا عا د تندرون

[لحن وردي]

اللهم اجعلها آخر أحزاننا

وأرجع الفرح لنا بقرار من الملك بتثبيتنا
بند محو أمية مسائي

وتصريح من الخنين

وألية تنزل بتثبيتنا في موقع وزارة الخدمة المدنية يارب

[روان]

والله كانت صدمة

بس مدري الى الآن متفائلة خييييييير

لأني ياما تضايقت من اشياء حصلت في حياتي وبعدين اكتشفت انها خيرة لي سبحان الله

[وسام الخليج]

اقسم بالله ياأخواتي عند سماااااااع الخبر من زميلاااااااااتي في المدرسة اول شي تذكره يوم فرحناااااااااا بالخبر التثبيت وعلى طول ارتفع الضغط عندي وبكيت ولحد الان وااااانا حزينه ونفسيتي تعبااااااااانه وصرت انطوائيه ومالي مزااااااج اروح ادااااااااااااوم حطمونااااا الله يحطمهم . :crazy: حسااااااافه كيكة امي ويوم فرحتها فيني على باااااااالي صرت مثبته :36_2_13: ياخرطي

[ام الاسود]

انا في يقرا انا في:36_2_13:

ومن ثم :36_1_18:

وبعد ذلك :36_2_24:

واخيرا :36_2_18:

وليس بأخر :icon28:

وان شاء الله بعد جهود بنات :sm279:

[هوى بلادي]

بنات تقلبت عندي كل الأشواط الي قضيناها في ذل أقوال بعض المديرات والمشرفات
مرة اتذكر كلمة الغاءءء عقودكن / يارب ماندري هالسنة يجدد العقد ولا....لا ... /
الي تفعل درس نموذجي أو ...أو.... يحق لها التثبيت ولي ماتفعل يلغى عقدها
وفي الأخيييييير بكيييييييييت قلت رجعنا لعدم الإستقرار التعليمي .
آه آه آه اللهم تولنا فيمن توليت وفرج همنا وكربنا اللهم آآآميييييييين .

[سراب الترسيم]

أنا اتصلت فيني زميله ماهان عليها ارقد وأنا مبسوطه وكبت الخبر كب في وجهي بدون مقدمات ,بقرب لكم وصف موقفي
(شفتوا يابنات لو وحده تولد وعقب مايطلعون الممرضات ولدها لينه تيس مهوب آدمي ومن زين الطبايع يناظرها ويضابح مااااااا ماااااااا) هذا شعوري من قوه الصدمه

[سمر3]

كنت حاطه فطوري بس والله ماقدرت ااكل ولا لقمه وأحس أني بعالم ثاني .......

[الشاكره]

استقبلت القبله ودعيت على اللي كان السبب من غير تحديد لاني لا اعلم من هو ورى القضيه

[لحن وردي]

المشاركة الأصلية كتبت بواسطة سراب الترسيم http://wtb28.com/dc.net.sa-heware/buttons/viewpost.gif (http://wtb28.com/showthread.php?p=29027#post29027)


http://wtb28.com/clear.gif
أنا اتصلت فيني زميله ماهان عليها ارقد وأنا مبسوطه وكبت الخبر كب في وجهي بدون مقدمات ,بقرب لكم وصف موقفي

(شفتوا يابنات لو وحده تولد وعقب مايطلعون الممرضات ولدها لينه تيس مهوب آدمي ومن زين الطبايع يناظرها ويضابح مااااااا ماااااااا) هذا شعوري من قوه الصدمه


والله يا سراب الترسيم من يوم ما أشوف توقيعك أضحك مع نفسي كأني خبلة

أما هذي المره أضحك مع نفسي والبيت كله نايم وولدي صحي على ضحكتي ما قدرت اضحك بشويش مع أنه نفسيتي خربانه اليوم الله يسعدك زي ما ضحكتيني من قلبي فالك وفالي وفال معلمات محو أمية مسائي الترسيم قريبا بإذن الله

[ما همها شيء]

والله بكيت :(


و اول شيء نطقت فيه [ حسبي الله ونعم الوكيل ]
والله تلقااائياً :(

[سارة]

جاتني رسالة وانا بالمدرسة وكان عندنا يوم مفتوح لما بلغت المعلمات أنزعجوا من الموضوع وكل وحده بدأت بالأتصال تتأكد من الخبر

[بسمه الشهري]

سراب وربي ضحكت من قلب من جد شعور لايوصف هههههههههههههههههههههههههههههههه