اعتذر سوف يتم اغلاق الموضوع : ليش ماهو منتدى حواري ولا الي مايعجبكم ؟

[ام ثامر]

أنا راقبت بعض المواضيع واشوف كل مشرفة تقفلها موضوع ليش ياعزيزاتي خلي الموضوع يأخذ حقه من الردود المنتدى منتدى حواري اذا ماهو منتدى حواري سموه منتدى تكتيم الافواه .
نحن معلمات محو الاميه المسائي لم يصدر بحقنا الا الاستبعاد ونريد المطالبه بحقوقنا بالترسيم الذي أمر به الملك حفظه الله القاضي بترسيم جميع البنود .
نبي حقنا مانبي شي غيره اليسى هذا من ابسط حقوقنا .
يالله كل وحده تحدد منطقتها لتجمعات للمطالبه بالحقوق (الحقوق تبي حلوق) ماتبي حلوق مكتمه من منتدى ومن وزارة
والي تقول استخيرو والا التجمع يوم الدين والا اصبرو شبعنا كلام وتكتيم افواه

[شووووق]

ام ثامر

حياك الله عندما يتم اغلاق الموضوع فانما لمنع التجاوزات فيه وانتي ترين بعض الردود التي تخرج من بعض العضوات هداهن الله

وادارة المنتدى سواء من مشرفين او مراقبين يهمهم ان يكون فيه ردود وحوار بالموضوع ولاكن بشكل هادف دون الشتم او الاساءه لااحد

او التهكم على اين كان

انظري لاي موضوع نقاشه حواري وهادف تم اغلاقة لن تجدي

والله انا معكم قلبا وقالبا ومطلبنا واحد وانا احدى المعلمات المسائي التي يهمني امر التثبيت ولايكن مايسيئني وجود عضوات لايقدرن الكلمة

التي يتكبنها فلذلك نظطر احيانا لقفل المواضيع تجنبا لحدوث المشاكل بين الاعضاء بسبب النقاش

دمت بحفظ الرحمن

شووووق

[ام ثامر]

اذا فيه تجاوزات على الاعضاء والا على اي شخص صح ما نرضى
لاكن نبي حوار عن ترسيم المسائي بالدبلوم او الثانوي
الا انتي عزيزتي جامعيه ولا ويش
نبي نتحرك نبي ترسيم ملينا جانا المرض بس نفكر
لا تقولين اصبري والا رزقك
الله يقول اسع ياعبدي وانا معك
ماقال اجلس وانتظر وكبر المخدة لين يجيك رزقك
هاذي فرصتنا ياحياة مابعدها حياة
شوفي لنا معلمه تقودنا للتجمع مره ثانيه الحقوق تبي حلوق
نظمونا كلنا في تخبط

[شووووق]

والله الصبر مفتاح الفرج ياام ثامر

والدنياء ماخلقها الله سبحانه وتعالى بيوم وليله

بس حنا يالبشر ماعندنا صبر

بس ان شاءالله راح نسمع اخبار حلوه واذا ماجت الاخبار الحلوه لكل حادث حديث

بس طولوا بالكم واتركوا القلق والتوتر وادعوا الله انه يسمعنا الاخبار الحلوه


شووووق

[بنت الشهري]

نسأل الله التوفيق

[ام ثامر]

اختي وعزيزتي المشرفه شوق
كلكم مثل بعض تقلون اصبرو حتى الحميدي يقول ليش مستعجلين
المعلمات مستعجلات على عدم الشفافيه البت بالموضوع
كل المعلمات مايبن كلمة اصبرو
يبن شي ملموس حقيقي بدون تزييف للحقائق
انا مستغربة من البعض يبطل حماس البقيه
الكلام ليس موجه لكي ياشوق
انا ملاحظه هالشي بالمنتدى
نبي احد ينظم لنا اعتصام قوي يالنا ياعلينا
نبي احد يتبرع وياليت تكون مشرفه

[زيزها]

يااااا اخت شوق .. من اعوااام كثيرة واحنا صااابرين .. كل هذا الصبر ما شااافوه .. والله الوزارة والخدمة والمالية يلعبون علينا .. ويوم 19 -5 - راح يرفعوا التثبيت ونجلس نبكي وننوح بعدين ولا راح ينفع الكلام .. وبعدين ليش موضوع الزهراني يغلق ؟؟؟؟ كلاامه ما في اي شي .. عشان يبغانا نطالب بحقنا اللي الملك اعطانا اياه .. ما نبغى نسكت راح نسعى الين يجي التثبيت باذن الله .. وبعدين ام جود و هند فينهم من هذا كله ؟؟؟؟ ليه ساااكتين ؟؟ طيب يقولولنا اش صار ؟؟ وليه هبطت عزيمتهم واصرارهم اللي من قبل ؟؟؟

[لا تأسفن على الدنيا]

هدوا اعصابكم وسعوا صدوركم
لا تخلطون بين منتدى حواري وبين وزارة ومصلحة يتخذ فيها قرارات

[هوى بلادي]

الله يعطيك العافيه أم ثامر حبيبتي لاتزعلين روحك
واعصابك كلنا معاك بالدعاء ترى متابعتنا بالمنتدى
هي الي ودتنا في بلاء اشغلتنا عن عيالنا وازواجنا
وما حد حااااس فينا ؟؟؟ احسن الوحده فينا تكثر من الإستغفار
وقول لاحول ولا قوة إلا بالله وحسبي الله ونعم الوكيل على كل
من يسعى في عدم تثبيتنا والله ماندري هي الوزارتين ولا التربية والتعليم
الله أكبر هذولا مايخافون من الدعواي اللي تقشعر البدن خاصة مع هالمصايب
إللي حادثه بهالكون ياااارب تفرجها علينا

[ام ثامر]

حسبي الله على كل واحد يهبط عزايمنا ويخذلنا

[ام عبادي]

اللهم صل على محمد وعلى آله وصحبه أجمعين

[جعلي اسلم]

والله كلنا في مركب واحد وما قصرنا باللي نقدر عليه والله وحده اللي يعلم بشعوري يوم قالوا زميلاتي أنهم أستثنونا
لكن مهما صارومهما كان وش حيلتنا غير الصبر والرضا وحسبي الله وكفى

[عابرة سبيل]

الدعاء ياخواتي الله يفرجنا همنا قولوا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآم بن

[وكنت طفلة]

لقد مل الصبر منا