معاناة معلمات محو الاميه

[الناعمه]

الشكوى لله
راتبي 2500 جزء منه لامي ارمله تقاعد والدي لا يسد الحاجه

وجزء لاخي المعاق يسكن مع والدتي لا عمل له
امي جابت له سائق عشان يخدمه فقط وليس للمشاوير امي ما تطلع من البيت وجابت زوجته معاه عشان تخدم امي حرمه كبيره
الله يرحم ضعفها وشيبتها

ناهيك عن مسكنها الاجار كل شهر استقطع من راتبي كوديعه في بنك اخر ما طلعت له بطاقه عشان ما تطول يدي عليه
وفوق هذا كله راضين فيه والهدف من الترسيم ليس زيادة الراتب فحسب نبي الضماااااااااااات والاطمئنان
وحاسدينا عليه ويقولون مستثنين الله المستعان

[جــرح]

الله يوفقك ويرزقك من عنده

دامك باره بوالديك تأكدي ان الله سيجعل لك مخرج

[الامل القريب]

ياعمري يالناعمه ربي ان شاء الله يرزقك بالترسيم العاجل اميييييييييين بس اختي ترى اخوك معاق ويقدر ياخذ معونة وحتى يقدر من الضمان الاجتماعي

[أميرة الود]

اللهم يرزقك براحه البال وسعادة مابعدها زوال
ويعوضك باللي افضل من الترسيم
وبإذن الله سيجعل لك من كل ضيق مخرجاً

[رتولة الجميلة]

الله يفرحها عليك من واسع قضلة

[الناعمه]

الله يجزاكم الف خير على الردود
بس كل وحده تدخل تكتب معاناتها خلوهم يعرفون الواقع الى نعيشه
الله يرزقنا التثبيت عاجل غير اجل ويرزقنا الثبات على الحق

[انا غير 11]

ماذا اقول عن معاناتي ,,,انا لي عشر سنوات اسكن بقريه مافيها خدمات الهاتف والتلفزيون لهم اربع سنوات فيها بس ,,,اخذت بيت فيها وحاله يقطع القلب ,,وما اقولكم عن معاناه الخوف الي نعيشها انا واطفالي ,, وزوجي عمله بالمدينه و اخذت قرض عشان نشتري سياره ,,وكل شهر اسدد من راتبي 950 ريال والباقي مايكفي لي ولاطفالي ,, والمدرسه فيها معلمات معتبرينها محطه عشان ترم واحد والي تطول سنه وتنقل ,,وانا مالي حق اتثبت فيها ,,,وين العدل ؟؟؟

[دمعة انثى]

انا راتب 2500 ريال ثانويه
خبرتي تقريبا 20سنه
لامي الارمله ولبناتي وقايمه في بيت زوجي
لان زوجي مريض شبه اعاقه لايستطيع العمل يعني عاطل

والله يااستاذه فوزيه
تعرفين اننا ماكملنا دراستنا عشان فرحة التثبيت كل سنه وهم وسراب

احتياااااج شديد تقدرين تقولين فقرررر

حتى بنك مااقدر اتسلف علشان البند
لاني محتاجه امي محتاجه لعمليه وانا بنتها الوحيده بمسمى وظيفه
والكل حاسدني على هالراتب,,,مايدرون ان ليلة الراتب صاحب البقاله عندالباب يذكرني وانا دمع بعيني
لو كنت مثبته ومترسمه من اول ماداومت كان وصلت لسن التقاعد ويحق لي التقاعد

تكفوووووووووووون ظروفنا صعبه

ارحموا ضعفنا وحاجتنا

احنا فقراء والله الغني

ياابومتعب وينككككككك
ابيه يشوف بيتنا اقسم بالله ان تنزل دمعته لو شاف حالتي والعش اللي عايشه فيه

ومااقول الا فوق كل ظالم من هو اقوى منه ولا راح يروح حقنا يوم لاينفع مال ولابنون

[دآمآث]

11 سنه في محو الأميه

تخرجت من الكليه المتوسطه عام 1421

كان الراتب يجينا كل 3 شهور لان ادارتنا زفت

1500 ريال كان الراتب

وكانت تطلع عيونا على بين مايجيمي

انا معاقه واكبر اخوآني وابوي متوفي من كان عمري 14

وامي تصرف علينآ من غنمهآ

اكان لنا اي مدخول شهري زمان كان الضمان ومعونة التأهيل تجي مره وحده بالسنه

نكون عبينآ ديون لين قلنآ بس
اذكر ماكنت اخذ ن راتبي احيانا غير 20 ريال والباقي اصرف على اخواني وامي

عددهم 7

ومع مرور الوقت وغلاء المعيشه زادت المصاريف صار الراتب مايلحق

اسدد فواتير التلفون والكهرباء وراتب الشغاله واعطي امي

واخذ 500 فقط من مرتبي 2500

ماتكفي شي مع هالغلا الي احنا فيه

عندي امنيات كثير نفسي احققها واشتريها راح عمري مدري متى بجيب الي نفسي فيه

اشياء بسيطه بس ال 500 ماراح تكفي ربعها

كبراخوي وتوظف وتزوج وجاله ولد وصار يادوب يصرف على بيته

احس الزمن راح ونا محلك سر

حتى صحتي رجعت لورى ومافي امان وظيفي لي احس اني قلقانه من بكراااا

لو اترك الوظيفه بضيع انا وامي والبيت



الله يعين بس

فتحتو جروحنآ

[sweety]

يعني الي كملو دراسه وش استفادو زياده 500 ريال بالراتب بالله وش تسوي؟؟
مايحتاج نكتب ظروفنا لكم انتو ادري بالغلاء الي نعيش فيه
والله لو وحده ماعندها مسؤليات بس تصرف علي نفسها ماكفاها الراتب
لا كمان فينا كرم حاتمي نجيب هدايا لدارساتنا والله يستاهلو علي الاقل نسمع دعواتهم
لا ولازم كل حصه نوزع اوراق عمل ونجيب وسائل تعليميه عشان نعجب الموجهه
وكل ذا من الراتب نشكي من اش ولا ايش وربي الشكوه لغير الله مذله
وان حكينا ندمنا وانا سكتنا قههههههههههههههههههههههههههههههر
حسبي الله عليهم وبس

[ام جود]

يارب ترزقني وترزق زميلاتي من معلمات محو الامية ...
انا راتبي 2500
اعطي السواق الي يوديني مقر عملي والا اخواني الي بالجامعة يبون من يساندهم ويساعدهم والا امي الي لها حق على وكذالك ابي...

واطفالي ومصروفي الخاص منن وين اغطي الراتب ضعيف ومهدد بالانقطاع ولاتبونا نسوي الي سويناة ,,,,,,
ياحبي لكم يا اطفالي كل يوم وحنا في محاضرات علشان يفهمون الوضع ....... بس للاسف يشوفون غيرهم وش فهمهم هذولي مايدرون ان المسئولين اخطؤا علينا وعلى رزقهم ...........
راتبي ينتهى 5 في الشهر وتبدا المعاناه ناهيكم الضغوظات الي تواجهني من زوجي الله بس يصلح الحال ابي الترسيم علشان نتطمن على اطفالنا ...................................

[sweety]

لا والمضحك بالموضوع السواق يقول زيدي راتب دا الشهر مو اخذتو راتبين
ماااااااااااااااااايدري كم راتبي يفكرني بوظيفه حكوميه وراتبي كبير هههه الله يرزقنا من بابه مو من باب البشر الظالمين

[فرحة وطن]

الله يرزق الجميع
ويفرج الهم عن كل مهموم ومعسر
قسم بالله قطعتوا قلبي
وفيه ناس ياما مايعلم بحالهم الا الله
لاحوا ولاقوة الا بالله
ياربي دخيلك مالنا غيرك نرتجيه

[شموخ]

اللهم اكفني بحلالك عن حرامك واغنني بفضلك عمن سواك
اللهم ارزقني رزقا لاتجعل لاحد فيه منَه ولا في الاخرة عليه تبعه برحمتك ياارحم الراحمين

[السنيورة11]

الله يفرج هم الجميع :(

حسبنا الله و كفى

[معلمة مسائي]

لماذا لماذا هكذا ؟؟؟؟؟؟؟؟؟؟ لقد ابكيتموني بكاء مرا
من شاف مصيبة غيره هانت عليه مصيبته
أين هم أهل الوزارات ؟ أين هم أهل اللجان ؟ أين هم أهل الدراسه ؟
ألا يخافوا دعوة في ظلمات الليل ! ألا يخافوا جرم دمعة مظلومه ! ألا تأخذهم الحسرة على نساء حملن عاتق المسؤولية على ظهورهن
ياويلهم من رب العباد والله لو يعلموا حجم المسؤولية التي نحملها على عواتقنا لم يستثنونا بسبب ساعات قليله الا يعلمون أننا في هذه الساعات ننقش في الجبال الراسيه لنعلم حرفا ونغير فهما ونثبت دينا
اللهم انا نسألك الستر فلا تجعل رزقنا الذي كتبته لنا تحت يدي من لايخافك ولا يتقيك اللهم اغننا بحلالك عن حرامك وبفضلك عمن سواك[/color][/size]

[كلمات]

اما انا طبعا غير الوضع المادي الي لولا هالراتب ما كملت بالوظيفة هذي الي جابتلي الاكتئاب قسما بالله
احس اني في غربة لاني مواطنة ولا اجنبية مرة يرفعونا للسماء ومرة يهبطون فينا و الله ان وضع الاجانب في ديرتنا انه احسن من وضعنا
يا محو الامية يا الله يارب انك ترزقنا من فضلك وتنصرنا على من يعادينا

[دمعة انثى]

بنات

علمونا بحلول

هل لازم محامي يرد لنا التامينات اللي خذوها ولا شفناها....حراميه سرقونااا عيني عينك

او نشوف لنا واحد يدخلنا على الملك


نبي رد جاااااااامد

ام جود دبرينا خلاص طفح الكيل
والملك يوم عين الشريف للرقابه معقوله ماشاف الوزاره والمدنيه والماليه يلعبون في حسبتنا

[طموحة 99]

ياناس اسمعونا وينك عنا انا زوجي على بند وراتبه 2300 وعند ي بنات وبيت مستأجر وراتبي3000 واخوي عمره 35 عاطل عن العمل واخوي الثاني على عقد واختي عاطله هالناس هذولا مايبون لبس واكل ياناس ارحموا هالبشر والله خنقتني العبره واناافرا قصص الاخوات(ي يا عيب عليكم ياطولين الشوارب )

[ام ساري]

حسبنا الله ونعم الوكيل

[طموحة 99]

نسيت اقولكم لا وماخذه سواق عشان يودينا للمدرسة ويجيبنا

[أن الله معنا]

كان الله في عوننا والله حالتنا تبكي الصخر لاامان وظيفي لاراتب مناسب مفتقرين لاشياء كثيره نسأل الله من فضله
استغفر الله واتوب اليه

[ام سمايه]

ااااااااااااااااه اااااااااااااااااااااه بس
ودي ابكي ودي اصرخ لين افرغ الحزن والهم الي بقلبي

يااااااااااااااااااااااااااااااارب
وش اقول انا

[بسمه الشهري]

معاناتي كنت متعاقدة صباحي والله لايوريكم من منطقة نائيه الى آخرى وفوق كذا ضغط عمل مو طبيعي يصل الى 25 حصه أحيانا...المهم بعد كذا عشان احنا دبلوم استثنونا من التعاقد والبديلات ...وحولونا مسائي ...كملت دراستي اخذت بكالوريوس وربي وحده يعلم كم تبهذلت عشانها دراسه ودوام وزوج واطفال ...خلصت أخذت دبلوم حاسب وبعد هذا كله مستكثرين علينا التثبيت

[ام نفنوف]

الاسم :غريبه
المهنه :معلمه محو اميه
الحالة الاجتماعيه:مطلقه ولي ولد وبنت
المؤهل :ثانويه عامة
الخبره:16 سنه في مجال تعليم الكبيرات ومحو الاميه
الحكايه من البدايه:
راح اقولها والله على مااقول شهيد تطلقت من زوجي ومعي البنت والولد وكان عمر ولدى شهر وعشت عند والدتي تقدمت للوظيفه ونجحت في المقابله وصرفت على عيالي من راتب الاميه كان الف وخمسميه والحمدلله عشنا مستورين من هالراتب طبعا الوالد متوفي وماعندي مصروف غير راتب الاميه وكبروا عيالي وتزوجت البنت ولله الحمد وجاء دور الولد طبعا مصاريف الولد غير البنت وبديت اخذ قروض عشان السيارة الحمدلله وفرتها له بس تعرفون الدين عماة عين وبعد ماانهيت قرض السيارة بدا قرض الزواج عشان ازوجه واطمن عليه والحمدلله تزوج بس مازال علي قروض وافكر ياترى لو الغي عقدي كيف راح اسدد القرض بس دائما ادعي ان الله يرزقنا التثبيت ويرزقنا من واسع فضله
قصتي حكيتها لكم باختصار

[سعودية طموحة]

حسبنا الله ونعم الوكيل
سيؤتينا الله من فضله انا الى ربنا راغبون
والله لولا الحاجة لما استمرينا في هذه الوظيفة التى تقتل حتى الطموح

[ام نفنوف]

ياناس اسمعونا وينك عنا انا زوجي على بند وراتبه 2300 وعند ي بنات وبيت مستأجر وراتبي3000 واخوي عمره 35 عاطل عن العمل واخوي الثاني على عقد واختي عاطله هالناس هذولا مايبون لبس واكل ياناس ارحموا هالبشر والله خنقتني العبره واناافرا قصص الاخوات(ي يا عيب عليكم ياطولين الشوارب )

الله يهديك تسمينهم طوال الشوارب هذولي داسونا بالاقدام مافيهم نخوه ولامروه

[نوال 52]

وينك ياملكنا عن يناتك
حسبي الله عليهم
أــ فوزية الصقر سوف تسالين عنا امام الله واذا سمحناك في الدنيا في الاخرة الله بيسالك عنا احنا في ذمتك انتي المدير العام والكل يحسب حسابك

[ام عزام]

الله يفرج الهم

[الناعمه]

اسال الله لي ولكم التثبيت هذي اخرتها
نستجدي بطرح معاناتنا
الله يفرجها لنا من عنده

[دآمآث]

نحن قوم نعتصر الجرح ونفرح لنزفه

بدر بن عبدالمحسن

حنآ نعصر الجرح كود النزف يجيب فايده وشفاء

[ندى]

الله يفرجها يابنات والله اعلم بحالاتنا..

كل وحده يابنات تفرش سجادتها وتدعي الله تعالى وحده هو القادر على كشف هالمعاناه عنا.

صدقوني لو دعينا الله بصدق نيه والله مايخيبنا..

واما المسؤولين اللي تنصلو منا وكأننا نطلبهم من جيوبهم فالله يابنات وكيلنا فيهم..

والحياة قصيره وماتدوم لاحد .. حتى لو عاشو على هالمناصب والله ثم والله ربي لابيبارك لهم ولاشيء.

خصوصا اننا مظلومات ومورس علينا قهر وضغط ولعب بااعصابنا..

رجاء يابنات تكفكفون دموعكم وتشيلون همومكم بقلوبكم لان ذولا البشر قلوبهم مثل الصخر واقسى.

اشكو لله بس والله مطلع على كل شيء.

[ولله الحمد]

خلاص يابنات تكفون تقطعت قلوبنا نمت البارح وانا اصيح يوم قريت القصص
لاتشكون الا لله سبحانه وتعالى
الدعاء والمطالبه وباذن الله تنحل وتفرج

[دمعة انثى]

تخيلوا 20 سنه
20سنه عمممممممممممر يمدي الحامل ولدت وتخرج ولدها من الجامعه واحنا تحت الدراسه

مومعقول هذا تعليم وليس تعمير
الاجنبي في البنوك يقدر ياخذ قرض

لكن احنا ممنوع عنا

حاولت وقلت بجيب كفيل ورفضوا كله عشان اني عالبند والراتب اقل من 3 الاف <<<صاروا يطردونا دام الراتب 2500 ومقتطع منه للتامينات اللي ماشفناها
وسنه فقط احتمال يجدد واحتمال لا

مانفرح بالراتب سبحان الله
كله يروح اسلاف واجار وللسواق اللي يوديك المدرسه
نبي نشعر بطعم فلوس بيدينا مالقينا
اي بنك يفتح يده لنا

[كلمات]

نحن قوم نعتصر الجرح ونفرح لنزفه

بدر بن عبدالمحسن

حنآ نعصر الجرح كود النزف يجيب فايده وشفاء


والله يا بدر ما هقيت ان عندك جرح وينزف

[الشيهانه]

الله يكون بالعون
ربي يحلها

[ام سمايه]

والله معاناه يابنات الزمن يركض واحنا ننتظر الترسيم ماحققنا شي من امنياتنا

ااه بس ليش ياوزير الخدمه ليش ياوزير الماليه ليش ماعندكم رحمه

ماتخافون دعوات المظلومات لها الدرجه امنتم من عقاب الله

نجوتم في الدنيا لكن في الاخره الله اعلم ماهو المصير

ولاحول ولاقوة الابالله

[ام نفنوف]

تخيلوا 20 سنه
20سنه عمممممممممممر يمدي الحامل ولدت وتخرج ولدها من الجامعه واحنا تحت الدراسه

مومعقول هذا تعليم وليس تعمير
الاجنبي في البنوك يقدر ياخذ قرض

لكن احنا ممنوع عنا

حاولت وقلت بجيب كفيل ورفضوا كله عشان اني عالبند والراتب اقل من 3 الاف <<<صاروا يطردونا دام الراتب 2500 ومقتطع منه للتامينات اللي ماشفناها
وسنه فقط احتمال يجدد واحتمال لا

مانفرح بالراتب سبحان الله
كله يروح اسلاف واجار وللسواق اللي يوديك المدرسه
نبي نشعر بطعم فلوس بيدينا مالقينا
اي بنك يفتح يده لنا

انا البنك بعد رفض يقرضني اضطريت عشان ازوج ولدي اخذ قروض صابون وتعرفين كيف يدبلون عليك القرض لان ولدي ماله الا الله ثم انا لاخال ولاعم حتى ابوه مايبيه تعرفون اللي مايخاف الله ماعليه من احد
حسبنا الله ونعم الوكيل كل ماغربت الشمس واشرقت حسبنا الله على من ضيع الامانه حسبنا الله من ظلم النساء وهن الضعيفات المستضعفات حسبنا الله ماتعاقب الليل والنهار

[حروف صادقة]

الله يكون بعونكم ومن شاف مصيبة غيره هانت عليه مصيبته
الله يغنينا عن عباده ويرزقنا من فضلة العظيم

[ام مسامح]

ان عرضت الشكوي علي غير مجروح
ماظن من لاحس بالجرح يوحي
وان قلتها للي من الوجد مذبوح
اللي تساوت مع جروحة جروحي
اصير من يرجي شفا النوح بالنوح
واقضي علي تالي حياتي بروحي


لمعلمات محو الامية الصابرات علي قهرالزمن وظلم اصحاب الكراسي اللامعة والمكاتب المكيفة في بلادي

[moony]

لا حول ولا قوة الا بالله العلي العظيم الله يفرج همنا

[ام شوووجي]

يااخواتي احمدوالله وشكروه الصحه والعافيه اهم من الفلوس وابونا عبد الله ماترك احد لا ارمله ولا مطلقه ولا معاقه فيه مدرسه تاخذ 12000 الف ريال اصيبت بسرطان وعافةالراتب الحمد لله الذي عافنى وانا اعني مثل ظروفك والله اني اليوم استلم الراتب بعد ساعتين مامعي شي اسده دين والشغاله

[دمعة انثى]

ام شوووجي احنا معك ان الصحه تاج ونحمدالله عليها

لكن لو الواحد ابتلي بمرض وهذا المرض يحتاج لعلاج بمئات الالوف من وين نجيبه؟؟

عشان كذا كتبنا معاناتنا والله قادرعلى كل شي

[كلمات]

يااخواتي احمدوالله وشكروه الصحه والعافيه اهم من الفلوس وابونا عبد الله ماترك احد لا ارمله ولا مطلقه ولا معاقه فيه مدرسه تاخذ 12000 الف ريال اصيبت بسرطان وعافةالراتب الحمد لله الذي عافنى وانا اعني مثل ظروفك والله اني اليوم استلم الراتب بعد ساعتين مامعي شي اسده دين والشغاله


ام شوجي يا قلبي يعني معلمات الامية خاليات من الامراض يا شيخة خليها على الله ...............

[الخنساء]

الحمد لله والشكر والله قطعت قلبي من الصياح الله يفرجها علينا

[ام صوفان]

اللهم أفتح لنا أبواب رزق لا تنعد ولا تنسد اللهم لا تجعل بيننا وبين رزقنا أحد غيرك آآآآآآآآآآآآآآآآآآآآآآآآآمين

[ام سمايه]

ام شوجي الحمدالله على جميع نعمه لكن من حقنا نطالب بحقوقنا صح ولالا