هدايا وحفلات التثبيت

[زها]

الحمد لله الذي بنعمته تتم الصالحات .....ومبااااااااااااااااااارك علينا جميعا التثبيت جاء بعد جهد جهيد ..
بنات يالله كل وحد تقول لنا وش بتشتري هدية للي بشرها بالتثبيت
ومين اللي بيسوي حفلة بهالمناسبة وقولي لنا من بتعزمين وهل الحفلة مصغرة او مكبرة؟؟
انا عن نفسي بعطي صديقتي الغالية سلوة القلب بشارة ..واتوقع اني اشتري لها امممممممم عطر حلو..
والحفلة ناوية ان شاء الله اعزم اهلي في استراحة وأحط لهم بوفيه مرتب ...بس محتارة في المطعم
وودي اسويها ان شاء الله اذا نزلت اسماءنا في الجرايد ..يالله وانتم وش خططكم؟؟؟:more12:

[لا تأسفن على الدنيا]

زها الغالية شيلي الهدايا وخليها الين نشوف المستجدات الي صارت على ايش تنتهي

[ام ماززن]

بالنسبة لي ضربتين بالراس توجع لا هدايا لا حفلات لا بوفيهات الا بعد ما اباشر واشوف اسمي بالجرايد ومن اول الراتب ابشروا وش تبون http://67.225.167.169/data/media/18/6d01493eda.gif

[اصاااايل]

صديقتي مها هي اللي بشرتني
بس ما راح اجيب لها الهديه الا لما اشوف اسمي بعيوني
ولين الحين ما فكرت وش اجيب لها :)
بعدين من اول راتب ان شاء الله
بسوي بوفيه واعزم الحبايب
يعطيك العافية
لك أرق التحايا و التقدير

[جعلي اسلم]

كنت ناوية بوزع هدايا على الأهل والحبايب كلهم من غير عدد
مع هدية زميلتي اللي بشرتني من راتب شهر خمسة
بس الله يجزاكن خير نبهتوني ما أتسرع لانه فعلا أخاف تتأخر الرواتب كم شهر بعدين أ قعد بها
لاومن زيني علي قسد شهري ألف وخمس

[رابعة الحربي]

الحمد لله اني ماتسرعت المرة الاولى لاني كنت اقول لزميلاتي مااصدق الا لما اشوف اسمي
ان شاء الله بعد مااشوف اسمي اني مثبته راح اعزم اهلى واهل زوجي على استراحه اطلعهم الطايف الهدا او الشفا حيث الجو العليل وماانسى زوجي وابنائي الحلوين ب500 ريال لكل واحد ههههه

[مداد القلم]

اناان شاء الله راح اهدي لاخواتي هدايا بس لما استلم اول راتب الله يسل ويتمم الفرحه

[أملي بالله]

انا عني لما ابااشر بااخذ باذن الله خروفين وبوزعهم صدقه
وبعطي عمتي فدييييييييتها ام زوووجي البشااره من اوا رااتب لانها هيه اللي بشررتني

[صدى الاهات]

اذا شفت اسمي في الجريدة اني مثبتة وباشرت مدرستي بسوي حفلة في استراحة انشاء اللة انا واخوية برضة كان على بند وجاة تثبيت يارب لك الحمد واللة يخلي لنا ابو متعب حبيب الشعب عبداللة عطا الشعب وعطاة اللة

[ام رنوده]

احس في اسلوبكم نوع من الياااأس والحذر بس والله ماتنلامون

[رجاوي]

أنشاءالله تعالى بتصدق من الراتب القادم شكر لله تعالى

[قصبيه]

بإذن الله سأخرج منه لكل من ساهم في تثبيتنا والدال على الخير كفاعله

[رمش الرموش]

وأنا بإذن الله

راح نذبح ذبيحة ونعزم الأهل عليها

الله كريم يبلغنا باليوم اللي نشوف فيه أسمأنا

[شوشو اخت سوسو]

احنااااااااا يالمعلمات بالمدرسه نوينااااااااااااا نسوى نشترك ونسوى بوفيه

ونعزم المشرفه علينااااااااااااااااااااا


وبالبيت اذا طلع اسمى وشفته بسوى بوفيه للاهل فى استراحتنااااااااا ورقص ووناااسه


ويااااااااااارب ديم الافراح

[الترسيم]

فعلا ماتلامون اذا ما فرحتو الا بعد التأكد

[ام الاسود]

بسم الله الرحمن الرحيم
والصلاة والسلام على سيد المرسلين
يوم اوقع ورقة التثبيت:sm285: ان شاءالله
سوف اخرج صدقة عني وعن ابنائي وزوجي وابومتعب طول الله في اعمارهم
وانا وعده نفسي بعد اللي اتعرضنا له :sm267:ان جاني التثبيت سوف اشتري طشت (هو اناء من البلاستك يغسل به الملابس)ويفضل ان لونه يكون زاهي عشان هذه فرحة
ثم اشتري ب20ريال شبس(ليز-البطل-دروتيس-بجميع النكهات )وافرغها في الطشت واعزم ورعان العائلة:sm213: و(فرح بزوره):36_1_41:

[معلمة مسائي]

والله انا باشتري لامي هديه ذهب من اول راتب وابغى اعزم جميع احبابي في استراحه ان شاء الله

[رفال الملوك]

أنا قررت أحط لماما مصروف شهري دائم (الله لايحرمني منها ويعافيها يارب)

[ام نفنوف]

ان الله كتب لنا تثبيت ان شاء الله نسوي بوفيه لدارساتنا اتفقنا كل معلمات المركز نسوي بوفيه يستاهلون والله

[ام فريس]

والله ودي احط حفله لابو متعب واعزم جميع معلمات محوالاميه

[ما همها شيء]

مرحباً

انا للحين مافكرت في شيء معين ومحتارة بين صدقة كبيرة تنفعني وتبارك لي في رزقي
و بين عَشااء كبييير لـِ اهلي وصحباتي .. بس اتوقع الاولى اكثر شيء اتمنى اسويه


بس القرار يأتي لما يصير كل شيء تمام ^_*
اكيييد فاهميني ههههههههههههههههههههههههههههه


الحمد لله على كل حال

[همي بقلبي]

ما شاء الله تبارك الله ..
بإذن الله .. اذا ظهرت الأسماء بسوي عدة أشياء :

- اتصدق بمبلغ
- أهدي أمي ذهب ..
- أبوي بعد راح أهديه لكن مدري وش أهديه << ممكن تساعدوني بأفكار ..؟ خخخ
- باقي العائلة بسوي لهم بارتي في استراحة مع بوفيه كامل من إلى ..

وبس ,,


و ربي لا يخيب فرحتنا .........

[انا غير 11]

انا الي بشرت نفسي واطلقت صرخه سمعها كل الجيران ,,,لاني صدفه كنت اتفرج على التلفزيون وسمعت القرار بنفسي ,,, بس راح اتصدق واسوي عشاء مرتب لاهلي وجيراني ,,,والف حمد وشكر لله ,,,بس اشوف اسمي اول ,,,

[زها]

ياحليلكم يابنااااااااااااااااات ذكرتوني بمثل مصري يقول اللي يتلسع من الشربة ينفخ في الزبااااااااادي ههههههههه بس خلاص ماعاد بعد الامر الملكي الخاص لنا كلام..وصراحة المفروض اللي بشركم تعطونه هديه الحين حلاة الشي في حزته ومو كل يوم تثبيت..اما العزيمة صادقين اذا طلعت اسماءنا احسن لازم نسوي فيها ثقل شوي مو كنا ما قد شفنا خييييير خخخخخخخ
رفال الملوك مرة اعجبتني فكرة انك تمشين راتب لأمك لأن مافيه مثل البر بالوالدين وخاصة الأم ..
أم الاسوووووووود أما طشت خخخخخخخخ تحححححححححححفة ضحكتيني مرررررررررة
ام نفنوف صراحة انت وفية مانسيتي الدارسات ماشاء عليك فعلا هم وجه خير علينا ..
ام فريس هعهعهعهعهعهع اجل بتعزمين ابو متعب اش ياحركااااااات انت اثرك مو هييييينه

[ام فريس]

زها من كثر ماتحلم فيه دائما اشوفه نائمه ام قائمه

روياء في ابو متعب يقول بيجيكم الخير وابشروا

[زها]

شكرا لمروركم وننتظر البقية

[راجية الجنة]

الحمد لله ع التثبيت
وان شآء الله ناويه من اول راتب اوزع صدقه
لي ولوالدي رحمها الله
وهدايا لااطفالي ولاخوي الله يحفظه واخواتي
ومشكوره يالغلا ع الموضوع
ومبروووووك للجميع وان شاء الله ربي يتم فرحتنا ع خيـــر

[معلمة محو اميه 2]

اولا ألف ألف مبروك للجميع وثاني شيء انا ان شاء الله من اول راتب بعطي اخواتي وامي وابوي الله يحفظهم وبسوي حفله ان شاء الله واعزم الاهل والاحباب بس الله يكتب اللي فيه الخير للجميع ولا يحرمنا من ابو متعب والله يجزاه الجنه.

[الامبراطورة]

أول راتب بعد الترسيييم بأذن الله رااح أوزعة على الأهل جميعاااا كبير وصغير

[سعودية طموحة]

والله ودي احط حفله لابو متعب واعزم جميع معلمات محوالاميه

وانا اول الحاضرين

[ام صبا]

الف مبروك للجميع وانشاالله خير تفاؤل بالخير تجدوه بس لاتستعجلوا حتى تطلع الاسماء