ردنا للمعلمين والمعلمات الراغبين بالنقل ويرون في تثبيتنا ظلم لهم!!!!!

[انفاس الورد]

كلنا سمعنا اعتراضات المعلمين والمعلمات الراغبين بالنقل على تثبيتنا

واللي تبرعت (نورة الفايز) بان تكون المتحدث الرسمي لهم؟؟؟!!!!!

خلاص راضين نروح لمناطق نائيه زيكم بس على شرط نعوض عن كل سنه قضيناها

براتب مقطوع مايكفي الاحتياجات الاساسيه ( ومايخفى عليكم إن اقل خبره لمحو الأميه عشر سنوات ومن فوق )

برواتب زي رواتبكم الضخمه !! هذي الضريبه إللي انتم تدفعونها للمناطق النائيه

والتزوير بالأوراق الرسميه لإثبات محل الأقامه

إللي صارلنا وتثبيتنا - ان شاء الله - بمناطقنا ماهُو إلا حقّ من حقوقنا

راحت سنين عمرنا على رواتب ماتسد رمق العيش وعدم امان وظيفي !!

يعني انا الحين بالثلاثينات وببدى حياه وظيفيّه جديده , زميلتي تعيّنت رسمي

من 13 سنه راتبها الآن يُعادل 14 الفْ وكسور ' ماشاء الله ' مع إني انا وياها نفس التخصّص وسنة التخرج ,

وانا لي اكثر 13 سنه بهالبَند الظالم ! ولمّا اترسم تحسدوني اني اداوم بنفس المدينه

ليه ؟ ماحنّا قضينا نصف اعمارنا برواتب هزيله !! عكسكم " رواتب ضخمه مع الغربه "

نصير كذا مــــــــــــــــتــــــــــــعــــــــــــــادلــ ــــــــيـــــــــــن :)

ومحد له عند الثاني شيء

صدق الرازق بالسماء والحاسد بالأرض

[انفاس الورد]

للرررررررررررررررررررررررررفع

[الحلوه123]

اختي انت فى الثلاثين انا في اللاربعين وايدا في حياة اخرى

[جوجو]

بالاضافة الى انهم هم اللي اختاروا الغربة بتزوير اثبات الاقامة ومعروف ان اللي تتعين في منطقة مايحق لها تطالب بالنقل الا بعد ثلاث سنوات

[ندو قطعة السكر]

كلام عين العقل واحنا فعلا صبرنا زينا زي الي في القرى بس صبرنا من نوع تاني وهو الفقر والرواتب الضعيفة وعدم الأمان الوظيفي بالاضافة الى ان كل سنة بيرمونا في مدرسة غير وفي اي موقع واذا اعترضنا يقولوا لنا اذا ماعجبك نلغي عقدك أنا ساكنة في الشمال مرة يرموني على الكندرة مرة على دهبان ومرة ومرة ومرة.......................................12سنة عذاب في محو الامية وفي النهاية مستكترين علينا التثبيت!!!!!!!!!!!؟؟؟؟؟؟؟؟؟؟؟؟

[اطياف]

التثبيت يعني قي نفس مكانك واقامتك لانك لاتملكين شروط الاقامة الخارجية

اما التعيين فهو حسب الاحتياج ومكان الاقامة المثبت

[يارا]

اللهم راد كيد الكائدين في نحورهم وارنا فيهم عجائب قدرتك ياكريم ياجبار يعني وش الهدف من هاالحمله بيقطعن رزقنا وهنا هاالمزورات ليش يزوارن اثبات الاقامه والحين يبن حقوقهن طبخ طبختيه ياالرفله اكليه
:rolleyes::rolleyes:

[الودودة ام مودة]

اخواتي معلمات محو الأمية
نحن اصبحنا محط الأنظار بعد ان كنا على هامش التعليم
معلمات محو الأمية يطالبن بالترسيم
عبارات رفعت على كل ابواب الوزارات
اصبح العيون ترصد كل تحركاتنا وكل كلام يقال عن ترسيمنا
فمهم من فرح ومنهم من فوجئ ومنهم من ذهل
فهذا لا يستغرب من ناس مثلهم

[الامل القريب]

سبحان الله حاسدينا كفايه تشحططنا بين المراكز براتب زهيد هذا كفيل باننا نختار المكان اللي نتثبت فيه
قبل يناظرونا بانهم ضفرو بالغنيمة والتثبيت من خلال التزوير والان يستخسرون فينا حق قليل من حقوقنا وانهم اولى فيه عجبي على ابن ادم بيموت وعينه على رزق غيره

[سعودية طموحة]

طبخ طبختيه ياالرفله اكليه
هههههههههههههه

[بريفكت ومن]

يسلللللللللللللللللللللللللللللللللللللللللللللللل لللم بؤك يا أختي

والله ياليت تنزلين هالكلام في الجريدة

صبرنا وظفرنا والحمد لله

[الخيره فيما أختاره الله]

الله يعين

[روعة مشاعر]

نسيتي تذكري لهم شي لمن كل سنه وقلوبنا تتوقف خوف من انهم مايجددو عقودنا

[moony]

كلام صحيح
لكن لا حياة لمن تنادي

[كناز]

كلامك صحيح اختي وليت احد يسمع ويفهم

[فراولة]

بالاضافة الى انهم هم اللي اختاروا الغربة بتزوير اثبات الاقامة ومعروف ان اللي تتعين في منطقة مايحق لها تطالب بالنقل الا بعد ثلاث سنوات

كلامك صحيح 100%

[honeey]

ومن قال ان كل المعلمات في مدنهم

نحن معلمات للغه الانجليزيه انا وزميلاتي ندوام في قرى تبعد عن مدننا ساعتين واكثر


ويعلم الله علي السنتين الي راحت ان راتبنا الزهيد جدا يروح يا في نقليه بالف ريال وشوي او اجار في غربه بالف وشوي

وغير لوسايل والله ان زوجي يساعدني احيانا في هدايا الدارسات وفي مصاريف الدوام

وصابرين عشان اسمها فرصه وظيفيه

ولما ربي رزقنا بوظيفه صار يختلقوا مليون عذر عشان مانتثبت

حسبي الله وكفى

[منو22]

الله يطول عمر ابومتعب ويخليه ذخر والله لولا الله ثم هو ماحقق املنا وبعدين هم حققوا براتبهم الكبير كل اماليهم وحنا الحمدلله نصف الراتب يروح قبل ماينزل ديوان الله يعفواعنا ويخلي ابونا عبدالله ويلبسه الصحة والعافية آآآآآمين يارب العالمين.:36_1_33:

[عيــــــــون صبــــــــــا]

يابنااات وراااة انتم ذابحكم التفكيراللة يهديكم...... قراااار الملك اللة يحفضة ويرعاة مالة سوء التنفيذ.....واللة لا نورة الفايز .. ولاعادني قايلها يقدر يسوي لكم شي .....اما بخصوص التثبيت وش قال الفايزالتثبيت بيكون على الاقدمية .....واحنا يامعلمات محو الامية اقدم بند ...... لان كل باقي البنود مستحدثة من بعد1426ه ....... وربي يقلع كل مسؤل مخرفن لان الحديد وهو حديد لة وقت ومدة صلاحية بنتهي فيهاااااااا

[أملي بالله]

انا اشهد ما احد صبر زي صبرررنااا

[أم أنمار]

لا فض فوكي ياأنفاس الورد

[معلمة بلا تخصص]

صدق الرزق من الله والحسد من العباد
لا نبي نتثبت باماكنا ولا تنازل ولا خلاص احنا مكتوب علينا العيش ع هامش الحياة
والله يوم تشحططتو بالقرى وظائفنا شاغرنا وحنا اللي شاغرينها من كم سنة ولو بنيه الفايز تعينكم كان عينتكم جنب بيوتكم ولا بس يوم جاء التثبيت لنا طلع لها لسان
استغفر الله بس ماراح نثبت الا بطلعت الروح نلقاها من وين ولا من وين بس

[هنادي فهد]

فعلا احنا تعبنا مثلهم بالضبط مقابل 1500 ريال وبدون امان وظيفي ولمدة تزيد عن 10 سنوات
لكن هم تحملوا عشان مبلغ يستاهل ومستعدين يتحملون اكثر وعلى ذلك في المدارس البعيده الأعداد قليله والحصص قليله والعمل !!!!

[كنكوشيآ]

لافُض فـآك


,,,

[رمش الرموش]

جزاك الله خير كلام جميل

وعبر عما يجول في خاطرنا

لكن نقطة التزوير أنا مش معك فيها

هذا الشيء راجع لهم , لكن باقي الكلام

صحيح 100% وعين العقل , ونفس الحال صاير معي
يعني انا الحين بالثلاثينات وببدى حياه وظيفيّه جديده , زميلتي تعيّنت رسمي

من 13 سنه راتبها الآن يُعادل 14 الفْ وكسور ' ماشاء الله ' مع إني انا وياها نفس التخصّص وسنة التخرج ,

وانا لي اكثر 13 سنه بهالبَند الظالم ! ولمّا اترسم تحسدوني اني اداوم بنفس المدينه

[ام غلا]

من جد حتى أختى تقولي معاد يحق لك بالتدريس غلى عشر سنوات والعمر يجري عمري 33وين الله لايسامحكم يالي تعارضون

[معلمة عابرة]

اجل اللي لها 15 سنة وش تقول!!!!!!!!!!!!!!!!
بدل ما تنتظر التقاعد تنتظر التثبيت

[مس سوفت]

والله كلام صحيح من اختي الفاضلة
ليش استكثرو علينا اننا نتثبت في اماكننا
مع العلم اننا تعبنا وواجهنا من العناء مالايعلمه الا الله

[زمان يا فن]

الاخت أنفاس الورد نشكرك من الاعماق على الايضاح الهادف فعلا حنا مالنا ذنب رضينا بعدم تغيير الاقامة والبقاء في مناطقنا والرضا بما قسم الله لنا

[قصبيه]

اتمنى من الاستاذه فوزية تعطينا رايها في الموضوع

[ام نفنوف]

كلامك سليم اختي الله يجزاك خير

[ام اغلي البشر]

كلام صحيح لاغبار عليه كفيتي وفيتي بكل مصداقيه
عبرتي عن مايجول بداخلنا هل نحن معلمات محو الاميه اعداء للوزاره

الترسيم ماجانا الابعد قرار من ابو متعب الله يطول بعمره ويعافيه
والحين مستكثرين علينا نرتاح بعد ماجانا الترسيم وعندنا ازواج وعيال

[انفاس الورد]

اشكر جميع الاخوات اللي ردوا

[دنيتك دنياي]

جيتي على الجررررررح

[امنية صعيرة]

بالاضافة الى انهم هم اللي اختاروا الغربة بتزوير اثبات الاقامة ومعروف ان اللي تتعين في منطقة مايحق لها تطالب بالنقل الا بعد ثلاث سنوات

وانتم ليش اخترتوا الرواتب الزهيده هذا ليش ماتركتوا

والله اغلب معلمات محو الامية واسطات وتزوير

ليش كل هذا لو ربي كاتب لكم ولغيركم رزق راح يجي بس ليش هذا الحسد

ومعلمات الصباح في القرى كانت رواتبهم لا شيء الي القريب حتي تحسنت
وهما عندهم اجرة سائق ومستلزمات اخري
اتقوا الله والرزق لايأتي بهذه الطريقه

[يارا]

وانتم ليش اخترتوا الرواتب الزهيده هذا ليش ماتركتوا

والله اغلب معلمات محو الامية واسطات وتزوير

ليش كل هذا لو ربي كاتب لكم ولغيركم رزق راح يجي بس ليش هذا الحسد

ومعلمات الصباح في القرى كانت رواتبهم لا شيء الي القريب حتي تحسنت
وهما عندهم اجرة سائق ومستلزمات اخري
اتقوا الله والرزق لايأتي بهذه الطريقه

ياخت حنا ماتعرضناكم الا لما جيتو عند نورة الفايز وقلتو ان مايصير نثبت جنب بيوتنا وحنا ماحسدنا احد الله الي يعلم من الي حسد الثاني:sm126: واتحدك تجيبين دليل ان حنا اخذنا وظايفنا بوسطات ومن الي يتكلم عن الوسطه معلمات الصبح اصلاً انتن كلكن على بعضكن توظفتن بوسطه:sm7: ولا تنكري هذا لانه وضح مثل وضوح الشمس يعني وحده تواه متخرجه وتجيها وظيفه بدون خبره وين تمشي ذي اقول خليني سكته بس يلي بيتك من زجاج لاتحذف الناس بالحصى وافهم يافهيم:rolleyes:والله يحدك مثل ماحدنا على الرتب الزهيد يا مربية الاجيال:mad:

[ام سامر]

رائعة أنفاس الورد ،، كفيتي ووفيتي ما قصرتي الله يعطيك العافية .

[انفاس الورد]

ياخت حنا ماتعرضناكم الا لما جيتو عند نورة الفايز وقلتو ان مايصير نثبت جنب بيوتنا وحنا ماحسدنا احد الله الي يعلم من الي حسد الثاني:sm126: واتحدك تجيبين دليل ان حنا اخذنا وظايفنا بوسطات ومن الي يتكلم عن الوسطه معلمات الصبح اصلاً انتن كلكن على بعضكن توظفتن بوسطه:sm7: ولا تنكري هذا لانه وضح مثل وضوح الشمس يعني وحده تواه متخرجه وتجيها وظيفه بدون خبره وين تمشي ذي اقول خليني سكته بس يلي بيتك من زجاج لاتحذف الناس بالحصى وافهم يافهيم:rolleyes:والله يحدك مثل ماحدنا على الرتب الزهيد يا مربية الاجيال:mad:

يارا انا معك ابدا ماعمرنا تعرضنا لاي معلم او معلمه خصوصا الراغبين بالنقل

الله يعلم اننا ماودنا بأي معاناة لاي معلمه وودنا يلتم شمل الجميع بس الغريب

الوضع اللي حصل مامدانا نفرح بالتثبيت الا بدت الاعتراضات!!!!!!!!!!!!

وبالنسبة للاخت اللي تقول انتو رضيتوا بالرواتب الزهيده

كنا طمعانين بالخبرات وانها راح تشفع لنا بالمفاضلات بس اللي يصير

يوظفون معلمات رسمي وهي ولاخبره ولايحزنون وانا ماأعمم بس اغلب

اللي اعرفهم كذا يعني معلمات الاميه والله غلابه ماعمرنا حسدنا

وعلى قولة موجهتنا تقول عندكم كمية عطاء ونشاط ماشفتها عند معلمات الصبح

والله نصرف ونحط ونفعل نشاطات عمر معلمات الصباحي مافعلوها بشهادتهم

مااقول الا الله يرزق كل واحد على حسب نيته

[فرحة وطن]

ومن قال ان كل المعلمات في مدنهم

نحن معلمات للغه الانجليزيه انا وزميلاتي ندوام في قرى تبعد عن مدننا ساعتين واكثر


ويعلم الله علي السنتين الي راحت ان راتبنا الزهيد جدا يروح يا في نقليه بالف ريال وشوي او اجار في غربه بالف وشوي

وغير لوسايل والله ان زوجي يساعدني احيانا في هدايا الدارسات وفي مصاريف الدوام

وصابرين عشان اسمها فرصه وظيفيه

ولما ربي رزقنا بوظيفه صار يختلقوا مليون عذر عشان مانتثبت

حسبي الله وكفى

أأأأأأه جبتيها ع الجرح

[ra7t-baal]

اللهم اعطينا خير الترسيم واكفينا شره

واللهم اكفينا شر عيون الحاسدين , واعمي عيونهم عنّا ياقادر ياكريم ..

صدق القائل /

الرازق في السماء والحاسد في الارض ..

[معلمة ولكن]

لا فض فوك
كلام صحيح

[غلبانة]

شوفو يابنات الشتم والسب مايصلح ولا نبغى نحط انفسنا في مواقف لانحسد عليها مهما كان الاحترام وااااااجب اقل شي علشان السن مهما كان سنها في سن امهاتنا ماتصلح الفاضك اختي يعني الي يقرأ الكلام يقول الكلام صفة المتكلم :sm139: واحنا معلمات لاحظي معلمات نعلم الشي الزين عفوا اختي انا مابغى اعطيك محاضرة وتقولين وش دخلها انا مابغى احد يمسك علينا ممسك يعني ممكن يجمعون شتم المنتدى كله ويقولون شوفو الي اسمهم معلمات الفاظهم كيف لا وبقوة عين يطالبون :sm139:
بالنسبة للموضوع المثار فعلا شي يقهر من جد وقلتي ياصاحبة الموضوع الي في القلب كله اضافه ان معلمات محو الامية حصلن على التثبيت بجهد اوصلن اصواتهن لخادم الحرمين الشريفين حملو اللافتات رفعن الاصوات ووصلت الرساله المرجوة فصعب يجي احد ياااااخذ ثمرة الجهد بسهوله بالعكس هذا ظلم بل قمة الظلم لو خيروهم بين وظيفة محو الامية فبل التثبيت وبين وظيفتها راح تختار وظيفتها ايش الفرق الحين حراااااااااااااااااااااام عليكم انتو تغربتو بس رواتب حلوة اللهم لاحسد
لكن احنا نترك بيوتنا واولادنا نداوم في وقت رجعة ازواجنا وبعدين في دراسة ساعة بعد الظهر تعادل اربع ساعات الصباح ان جسم الانسان في هذه الفترة يطلب الراحة
بعدين في سؤال تبادلون يالمغتربات ؟ بس على وضعنا القديم ؟؟؟ بالامااااااااااااااااااااااااااااااااانة يالي رحتي تخربين وطالبين بالمبادلة بالامااااااااااااااانة توافقين ولا لا اكيد جوابك لا
ريحو انفسكم واعتبرو ماجااااااااااانا ترسيم وفكونا فكونا تكفون يكفي

[غلبانة]

يابنات في شي من صالحنا الحين الي يتعين برى يجيب اثبات اقامة طيب هم عارفين مكان الاقامة لنا ولا يبغونا نزور بعد

ان شاء الله كلا في مكانه بإذن الواحد الاحد

فعلا تناقض مانعينكم الا تجيبون اثبات اقامة والي اقامتة حول المدرسة نغربكم برى شي غريييييييييب

[نبراس]

:more12: موضووع ممتاز

[تباعه]

اعترف اني كنت معصبه بس والله العظيم ماكتبته الا من الحرقه اللي في قلبي منها انسانه حسوده بالله وش يضرها لو تعينا لايكون من راتبها
هذا بدل ما توقف معانا
لكن الحمدلله ربي ماخلانا طول ما الاستاذه فوزيه ربي يطول بعمرها معانا

[نورة المنيع]

الله يكتب لكم كل خير



عزيزتي ضعي هذا الحيث نصب عينيك وإقني به


عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " رواه الترمذي وقال : حديث حسن صحيح "



دعواتي للجميع بالتوفيق

[أم خالد]

قال تعالى وماتدري نفس ماذا تكسب غدا نخليها على الواحدالاحد العبد في التفكير والرب في التدبير

[ليالي الاحلام]

لا فض فوك وبيض الله وجهك وكفيتي ووفيتي لازيادة بعد كلامك

[امنية صعيرة]

ياخت حنا ماتعرضناكم الا لما جيتو عند نورة الفايز وقلتو ان مايصير نثبت جنب بيوتنا وحنا ماحسدنا احد الله الي يعلم من الي حسد الثاني:sm126: واتحدك تجيبين دليل ان حنا اخذنا وظايفنا بوسطات ومن الي يتكلم عن الوسطه معلمات الصبح اصلاً انتن كلكن على بعضكن توظفتن بوسطه:sm7: ولا تنكري هذا لانه وضح مثل وضوح الشمس يعني وحده تواه متخرجه وتجيها وظيفه بدون خبره وين تمشي ذي اقول خليني سكته بس يلي بيتك من زجاج لاتحذف الناس بالحصى وافهم يافهيم:rolleyes:والله يحدك مثل ماحدنا على الرتب الزهيد يا مربية الاجيال:mad:

الله يهديكم يارب بس الظلم حرام انتو اله قلتو واسطه وهذا ماجاء بكلامك الان انتي تنفي عن نفسك الواسطة وتقولي هم انتعينوا بواسطة هاتي الدليل
اتقو الله في كلامكم والفاظكم التوتر خلنا نتكلم ونغلط علي بعض بدل الانشغال بالدعاء

انا اعتذر اذا قلت شيء فهم غلط لكن في النهايه
استغفر الله استغفر الله استغفر الله
سبحانك اللهم وبحمدك لأاله الاانت استغفرك اللهم واتوب اليك