كل مهتم بالتثبيت .. يتفضل هنآ

[دآمآث]

مساء / صباح الخير جميعا

بالنسبه لإستمارة التثبييييييييييييت فديتكم

عندي استفسار بسيط

الخبرات أصدفها من وين .؟

ووثيقة التخرج أصدقها من وين .؟

اقصد كل ورقه فيه جهه معينه اروحلها او اصدق جميع اوراقي من مكان واحد


لان اليوم بالمدرسه اختلفنا

وكل وحده تقول شي


ياليت القى عندكم خبر يقين

[عنود الصيد]

مديرة المدرسة تصدق كل الوثائق من الإشراف التربوي
أما المعلمات تصدق من مديرة المدرسة موفقه أختي
حنا كذا سألت مديرتنا وشرحت لي كيف الطريقة

[دآمآث]

يالغلا ماعندنا ختم في مدرستنآ اصدقها من مديرة المدرسه الفتره الصباحيه.؟

[عنود الصيد]

يالغلا ماعندنا ختم في مدرستنآ اصدقها من مديرة المدرسه الفتره الصباحيه.؟


يا بعد قلبي أنتِ ماعندكم ختم أجل مالكم إلا الإشراف تصدقون الوثائق من عندهم
بس إنتبهي إذا طلبتِ ختم للمدرسة لايخصمون من راتبك تراهم خصموا من راتبي قيمة الختم

[دآمآث]

الله يسعدك يارب ماقصرتي

وتسلمين على التوضيح


اشرافنا خايس حتى الإستمارات ما ارسلوها لنا ولا قالو جاتنا

عرفنا بالصدفه من وحده تقرب للمديره متوظفه هناك رحنا واخذنا وصورناها ووزعناها وخبرنا البنات الي نعرف



الله يعين بس

[مداد القلم]

صورة وثيقة النخرج تصدق من مديرة المدرسه اذا ما عندكم ختم تصدق من الصباح وكذالك الخبره وتصدق الخبره ايظا من شؤون الموظفين زياده على المديره لان فيه خانه تخص المديره وخانه تخص الشؤون وكذلك دفتر العائله يصدق من المديره

[شووووق]

عزيزتي الشهادات والدورات توقع عليها مديرة المدرسة وتكتب صورة طبق الاصل وتختم وتكتب التاريخ ...
اما شهادة الخبرة تعبينها وتوقع المديرة وتختم بالمكان المخصص لها ومن ثم تجمع الاوراق ( الخبرة ) وتختم من مديرة المكتب التابعين له ...
والدورات اذا كانت كثيرة تعبين الجدول الموجود بالاستمارة بالدورات اللي مدتها اطول وتحسين انها قويه وباقي الدورات تعملين لها جدول نفس اللي بالاستمارة وتتدبسينه مع الاستماره .
وتجمع جميع اوراق المعلمات كل معلمه اوراقها بجيب بلاستك وترسل بملف لمكتب الاشراف لتوقيع شهادة الخبرة وتسلم ..
احنا سوينا نفس الطريقه والحمد لله استلموها كلها
دمت بخير

[دآمآث]

احد يقول من المديره واحد من الإشراف


والله محتاره

[فرحة وطن]

ياليت الاستاذه فوزية أو فائزه يوضحون لنا الطريقة الصحيحة

[شموخ شماليه]

شوفي حبيبتي داماث
مديرتنا صدقت جميع أورقنا
أما مديرتنا صدقت أوراقها من الإشراف التربوي
يمكن كل منطقه تختلف عن الثانية

[دآمآث]

إيه يالغلا بس لو ماكان معها ختم هل تصدقه من مديرة الصباحي

او من الإشراف التربوي .؟

هنا الخلاف

[ra7t-baal]

الله يسهل اموركم يارب

[عيــــــــون صبــــــــــا]

ياأخواتــــــــــــــــــــــي للإفادة :أوراق الخبرة أولاً تختم وتوقع من مديرة المركز ثم تصادقها وتوقعها وتختم عليها رئيسة قسم تعليم الكبيرات ....... هــــــــــــــــــــــــــذا الاكيد وإنشاء الله أفدتكم .وأدعوووووولي

[دآمآث]

ايه الله يسعدكم


المديره اليوم قالت نفس كلامك ياصبااا

رح تاخذها وتروح للإشراف تصادقها هناك

[نور الأمل]

تصديق اوراق المعلمات من مديرة المدرسه وتكتب (صوره طبق الاصل وتوقع وتختمها)
اما مديرات المدارس(تصدق من رئيسة ادارة تعليم الكبيرات وتكتب صوره طبق الاصل وتوقع وتختمها)
اما في حال عدم وجود الختم(فتصدق من رئيسة تعليم الكبيرات وتكتب صوره طبق الاصل وتوقع وتختمها)
والله الموفق......فالكم الخير.

[عيــــــــون صبــــــــــا]

ياأختي العزيزة /الاوراق سواء للمعلمة أو للمديرة لازم توقعها وتختم عليها رئيسة القسم وتختم عليها طبق الاصل لأن الجميع مسمى معلمة والمرجع رئيسة القسم.

[استغفر الله]

الي سمعت ان الوثايق المعلمات تصدقها المديره المسائي والمديره تصدقها مشرفتها بس حنا للاسف لسى ماجانا استمارات يارب تمم ع خير وتوفقني

[نور الأمل]

ياأختي العزيزة /الاوراق سواء للمعلمة أو للمديرة لازم توقعها وتختم عليها رئيسة القسم وتختم عليها طبق الاصل لأن الجميع مسمى معلمة والمرجع رئيسة القسم.



لا حبيبتي كما قلت سابقا وهذا الي صار معنا بالضبط..