انا و ابوي والكفالة

[بناتي فرحة عمري]

الله يسعدكم دنيا واخرة انكم تردون علي ضروري مالي غير الله ثم انتم

القصة اني معلمة محو امية وابوي طلب مني اكفله لانه متقاعد وانا متزوجة وقال ابغى ارسل لك الاوراق الخاصة بالكفيل وعبيها قلت ما ينفع لاني تعاقد قال صاحبي اخته محو امية كفلته بس انا مو عارفة الطريقة وايش اسوي بالاوراق هل اعبيها واوديها المدرسة تختمها ولا كيف

مين جربت وكفلت احد من اهلها وايش سوت وهل يحتاج خطاب تعريف اني موظفة

لان المديرة تقول ممنوع اعطيك خطاب تعريف بالراتب بس ممكن خطاب انك موظفة

بالله انكم تنوروني الله ينور بصيرتكم

كمان تكتب لي صيغة خطاب التعريف هي تقول اكتبيه وانا اختمه لان هي ماتعرف الصيغة

بالله انكم تساعدوني هل معلمة محو امية تقدر تكفل المقترض من بنك التسليف او لا

ودي اساعد ابوي بس مو عارفه كيف واخاف يتطلب الامر تعريف بالراتب والمديرة رافضة فيحسب ابوي اني مابغى اساعدة

جاوبوني الله يجزاكم الجنة

[منيره الراشد]

تعريف الراتب ممكن تاخذينه من شؤون الموظفين مو من المديره

[ديمه]

والله ماعندي علم يالغلا بس ماحبيت أدخل دون رد أسأل الله أن يعينك ويحفظ بناتك ويجزاك خيرا لبرك بوالدك وأن شاءالله تلاقين من يفيدك _تقبلي مروري‏_‏

[ديمه]

ماقصرت أستاذه منيره أفادتك

[بناتي فرحة عمري]

الله يجزاكم خير اخواتي الفاضلات
بس يعني اقدر اكفل او لا

[ام جواد]

أختي بناتي فرحة عمري
اولا بنك التسليف صار يعطي قروض بدون كفيل في نظامة الجديد
ثانيآ حتي اذا اعطوك مشهد براتبك البنك مارح يقبلك كفيلة لان المتعاقدين والمتعاقدات لايشملهم نظام الكفالة (لان المتعاقد في اي وقت يلغي عقدة وموسسة النقد السعودي تحذر من ذلك) ارجو ان اكون افدك والله يسهل امورك

[ندى]

قوليله اصبر يابوي الين ماتثبت واصير رسميه وساعتها ابشر باللي يسعدك..

ولا اسالي المعلمة بنت صديق الوالد تعلمك بالخطوات الصح.

[بناتي فرحة عمري]

الله يسعدكم دنيا واخرة

[عيــــــــون صبــــــــــا]

صحييح الكلام....... ومتأكدة مليييييييييون بالمييية ........ اللحين بنك التسلييف بييعطي المتقاعد بدوووووووووووون كفيييييييييل

[لا تأسفن على الدنيا]

وعليكم السلام ورحمة الله وبركاته
اهلا اختي الغالية من رأي تخلي زوجك يكفله ويخلص الاوراق وانتي تدفعين الفلوس الرجال ادرى بمثل هالامور

[عنود الصيد]

أنت ومالك لأبيك

[ام جواد]

عسي ردي اقنعك اختي الغالية