غاسل ٍ كفـي مـن مصافحـة بعـض اليديـن

[تطوير]

http://www.youtube.com/watch?v=CgeLZ3W4JIU

غاسل ٍ كفـي مـن مصافحـة بعـض اليديـن
وقافـل ٍ بوجيـه اهلهـا صنـاديـق البـريـد

وشايف ٍ شي ٍ لـي اعـوام مالـي فيـه عيـن
وقاطـع ٍ خيـط الهقـاوي بسكـيـن الوكـيـد

وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجـال عنـدي كـان ويـن
وحاقـر ٍ منهـو يقـيـس الاوادم بالرصـيـد

ومحتمي ٍ من غدر الاصحاب في حصن ٍ حصين
ولابس ٍ لرماح الاقـراب ثـوب ٍ مـن حديـد

وماضي ٍ منـي علـى اللـي تمشينـي يميـن
ما تجي منهـو قريـب ٍ والـى احتجتـه بعيـد

المواقـف تشخـل النـاس والطـيّـب يبـيـن
كل عـام يطيـح تسعـه ويصفـا لـي وحيـد

اشهـد ان خيـر المـدارس تجـارب الاوليـن
واشهد ان راي التجارب هـو الـراي السديـد

واشهـد انـي للبـلاوي علـى الدنيـا مـديـن
كـل مـا راجعـت نفسـي طلعـت المستفيـد

الشاعر / محمد بن فطيس

[ليلى الشمري]

انتقاء رائع تسلم ايدكــ تطوير

[عنود الصيد]

مشكور والله يعطيك العافية
مقطع رائع بوركت جهودك

[طموح لاينتهي]

متميز دائما في الانتقاء...يعطيكـ العافية

[جــرح]

يعجبني انتقائك للشعر

وهذا يدل شاعريتك المتميزه

دمت بهذا التألق ,,

[روعه]

انتقاااء جميل لشااااعر رائع
سلمت اناملك ع النقله
تقبل مروري وجل ششكري

[تطوير]

سعدت بمرور الجميع مرحبا بكم

[لمس الروح]

رووووووووووعه

ماشاءالله انتقاء رائع

ربي يحفظك

[شريفه العنزي]

رائع ياأستاذي,,,,أنتقاء مميز وجميل,,,سلمت

[تطوير]

اسعدني تواجدكم ومروركم هنا