تخيلوا بعد ماسافرت يقولون ارجع اداوم وش السواه يااستاذه فوزيه ارجوا الرد ضروري ؟؟

[جومانا99]

السلام عليكم ورحمه الله
اليوم اتصلوا علي من المدرسه يقولون جاهم تعميم انه لازم نرجع نداوم
بعد ماقالوا خلاص اخر يوم لكم يوم 7/20
وسافرت لزوجي لانه عمله بمنطقه تانيه واللحين يقولون نرجع نداوم
المشكله اهل زوجي قدهم بالديره واهلي كمان يعني مالي احد بخميس مشيط اللحين
ما اقدر ارجع صعب ومستحيل ايش اسوي ...؟؟

دورولي حل
لاتقولون المديره تحظرني مستحيل لانها تخاف ع نفسها من اي مشكله ابي اصيح وش ذالتلاعب
لو اجيب اجازه مرضيه ينفع ؟؟؟؟ هذا لو اقدر مدري اقدر او لا ماقدرت انام عكروا علي حسبي الله ونعم الوكيل

[قمر الوادي]

نفس السالفه حصلت لمعلمات محوالاميه صباحي في مكه
بعد انتهاء العقد ولما خلصو كل اعمال المدرسة قالو لهم ترى
عقدكم انتهى وهم يا قلبي عليهم لهم اسبوع مداومين يعني العقد له اسبوع
منتهي وبعد ماخذو هذا الاسبوع اجازه اليوم جاهم خبر انه لازم يداومون
هرج فاضي طيب هم خلصو اعمالهم

[متفانية]

من اللي يرجع الصباحي والاالمسائي
يا ناس نورونا تراها قفلت مرة معنا
لا رواتب ولا كلااام مفهوم

[ابو دارين]

خذى اجازه اضطراريه
الله يكون بعونك

[معلمة من النماص]

الله يكون بعونك

[جومانا99]

انا. صباحي وشكرا لك ابو دارين بس خلصت اجازاتي الاظطراريه احاول اخذ مرضي
مادري يننفع لاخر يوم والا لازم اوقع اخر يوم زي اللي ماخذين اجازة امومه وغيره يجون يوقعون اخر يوم عشان ينزل لهم رواتب ؟؟
معليش مستجده ع التدريس الانظمه ما اعرفها كتير ..:(

[يا رجائي]

كان الله في عونك

إن شاء الله تتوصلي لحل

[انتظر]

عطيهم اشكل

[ام مسامح]

حبيبتي اذا كان فية تعميم يتم تنفيذة وما اعتقد ان فية تعميم
واحنا علي البند يعني الاجازة من حقك ما تداومين الا مع عودة المعلمات
وايضا المعلمات الرسميات اللي يدوامون في ها الفترة هم اللي تقديرهم اقل من ممتاز
تهني بالاجازة

[جومانا99]

ام مسامح
المديره تقول جاها تعميم انه لازم نداوم
هل هذا صحيح ؟؟

[كنكوشيآ]

اقول نامي بفراشك بس

وش هالحتسي الفاضي <<

[عبير الورد]

اخواتي
لاحظو ان التعميم الخاص بنهاية الدوام في 20/7 يخص معلمات محو الأمية المسائي ولا يخص معلمات تعليم الكبيرات في المتوسط والثانوي

[نسيم]

اختي عبير الورد
حتى احنا الصباحي اجازتنا كانت 20-7
بس غريبه اتصلو على الاخت (جومانا99) وقالو لها تداوم توهم يصحون والتعميم توه يجي غرييييييييييييييييييييبه

[صفاء السماء]

اقول كبري المخدة

وشو تداومين بعد مااجزتي لعبة هي

ليش ماقالوا لكم متى ينتهي الدوام وانت على راس العمل

[جومانا99]

استاذه فوزيه هل ينفع اخذ اجتزه مرضيه لمده اسبوع
ارجوا الرد السريع الايام بدات بالعد التنازلي
ما ابي ارجع ماصدقت ان جيت لزوجي بليييييز ردوا علي

[متفانية]

ولا من مجيب

[جومانا99]

ارجوكم ردوا علي هل الكل بيرجعون يداومون
انا معلمة تربيه فنيه متوسط وثانوي صباحي

[هوى بلادي]

ارجوكم ردوا علي هل الكل بيرجعون يداومون
انا معلمة تربيه فنيه متوسط وثانوي صباحي
ريحي بالك ياقلبي من لايرحم الناس لايرحم ..

لو أنا مكانك أسوي نفسي ماسمعت ولا شفت طنش تعش تنتعش
يعني بالله ماعندها إنسانية ماتقدر تتفاهم معاك وتحل المسألة بالود يشين بعض الإدارات اللي ضميرها حي على ناس وميت على نااااس
الله لايشكر لها فضل على ماقالوا .. كبري مخدتك ...
أنا أقولك شكلها تبيك تزبريقن لها المدرسة مو أنت معلمة فنية أكيد ترى الدنيا كلها مصالح .. هذا اللي فالحين فيه خبر شين يركضووون ويطيحون ويقمون مايجيهم شيء يهد حليهم ويالله لين يوصلون هذا الخبر الشين والخبر الزين لاحياة لمن تنادي
حسبي الله ونعم الوكييييل وكفى
:36_2_6:

[ولله الحمد]

الله يكون بعونك صراحه حرام كذا لو تقدرين ترجعين ارجعي اذا ماسافرتي برا ارجعي وداومي
كلها يومين وتروح ان شاء الله ..الله يسهلك يارب.

[مرجآنه]

محد معطيك رد بس كبري مخدتك ونامي

[حروف صادقة]

لاتشيلين الكثير ماداوموا نهائي من انتهت اعمالهم سافروا
لاتدققين ترى الى الان ماداومنا فعليا .وانظمتهم راح يطبقونها اذا تثبتنا وبدينا بالدوام رسميا

[ام مسامح]

وش ها التعميم اللي توة يوصل
علي العموم اذا تقدرين تتصلين بمشرفة تعليم الكبيرات وتستفسرين منها يكون افضل لانك تتبعين لها
وانا لواني مكانك مااجي ولا عاد ارد علي مكالمتها
وبعدين هل انت الوحيدة اللي في ها المدرسة علي بندتعليم الكبيرات مسائي
محد يداوم في ها الفترة من الموظفات اللي علي البنود
لاتشيلين هم ولاعاد تفكرين بالموضوع
لايمكن يكون جاها تعميم