اداريات تعليم كبيرات صباحي تعالوا ..؟

[انسانه متفائله]

في احد من الاداريات اتصلوا عليها بخصوص التجديد

المعلمات جددوا الا حنا

احد يفيدنا غريبه ليش ماجددولنا ولااتصلوا علينا

[سهم الوفاء]

اهلين ياقلبي
انتي اتصلي واستفسري على المكتب التابع لمنطقتك واستفسري

[ام سامر]

أنا أيضاً أتساءل فيه إداريات صباحي محو أمية تجددت عقودهم ؟؟
أنا إداريه وما جانا أي خبر بس راتب هالشهر جاء كامل مخصوم التأمينات والعقود ما تجددت لي أنا وزميلاتي فيه أحد مثلنا ؟؟

[الترسيم...وهم ام حقيقه؟؟؟]

استاذة فوزيه ردي الله يسعدك ..

ماهو مصير الأداريات الى الان ماتجددت العقود..

[عيــــــــون صبــــــــــا]

الله يهووووونها ان شاءالله...............................

[ريناد99]

يااخوات انا ادارية زيكم الاسبوع هذا انشاء الله يرسلون لنا رسايل ونروح نجدد العقد

[انسانه متفائله]

اتصلت فيهم وقالولي راح نرسلكم رسايل

بس قالوا راح نجددلكم بس بالمفاضله يعني مو بنفس المدرسه

[ام سامر]

يااخوات انا ادارية زيكم الاسبوع هذا انشاء الله يرسلون لنا رسايل ونروح نجدد العقد

من وين انتي أخت ريناد ؟؟
أكيد بيرسلون رسايل هالأسبوع ؟؟
والله مأجلين السفر وكل شي في إنتظار العقود ، طولوا علينا .

[الترسيم...وهم ام حقيقه؟؟؟]

الله يكون بالعون الى الان ولا رسالة..

[الترسيم...وهم ام حقيقه؟؟؟]

لا حس ولا خبر الان ولا اتصال ولا رساله اللي نبغى نعرفه هل راح يمشي الراتب في الاجازه ام ماذا ؟؟

وليش ماتجدد العقد الى الان..

[ام سامر]

الغالية ( الترسيم...وهم ام حقيقه؟؟؟ ) ، أنا أفكر كيف عقودنا ما تجددت ونزل لنا راتب هالشهر شهر ( 7 ) ؟؟
أنا يوم تأخر الراتب توقعت وفهمت أنه مافيه لنا راتب بسبب عدم تجديد عقودنا وانتهائها إحنا ( إداريات الصباحي ) ، بس الراتب نزل كامل مخصوم التأمينات فقط ،، لو العقد ما كان متجدد ما نزل لنا راتب ، كان نزل النصف فقط .
ياليت الأستاذه منيرة الراشد أو الأستاذة فوزية الصقر يجون ويجاوبون على تساؤلاتنا اللي ما لقينا لها أي إجابات .. وينكم ردوا علينا أعيانا التفكير والحيرة ..

[الترسيم...وهم ام حقيقه؟؟؟]

هلابك ام سامر اسعدني تواجدك..


نعم يااختي نتمنى ان يكون مجدد تلقائي..

ومثل ماذكرتي نتمنى ان تتواجد استاذاتنا الغاليات للرد..

كان الله بعون الجميع..

[ام سامر]

السلام عليكم ورحمة الله وبركاته ..
اليوم أحدى زميلاتي أتصلت وأبلغتني أن اليوم الأربعاء كان آخر يوم في تجديد عقود معلمات محو الأمية صباحي !!!!!
ما جاني أي إتصال أو رسالة أو خبر وهي نفس الشيء ،، فيه إداريات صباحي صار معهم نفس الشيء أو بلغوا أن فيه تجديد عقود ؟؟

اللي عندها خبر ياليت تفيدنا الله يجزاكم خير .

[انسانه متفائله]

ابشركم يابنات جتني رساله والتجديد يوم السبت ان شالله

[انسانه متفائله]

ابشركم يابنات جددت عقدي اليوم

وحطوني نفس الحي اللي انا فيه ولله الحمد

بس غيروا المدرسه

الحمدلله والشكر لله على كل شي يارب