قصيدة النذل

[سعودية رايقة]

قالوا لي طيب قلت مالطيب اليفه
قالوا لي نشمي قلت انا العز مخطيه
لا والله الا يالنشاما هديفه
والشين من راسه الرجله مغطيه
عفن ٍ كذوب ٍ مالمثله وصيفه
ماخبر زين ٍ اصفه فيه وعطيه
الا الحسن ماتفرقه عن لطيفه
زين البني رب المخاليق معطيه
يلعب على الحبلين يهرف هريفه
بمده وجزره ماعرفنا شواطيه
يضحك على الاجواد نفسه خفيفه
وقلبه سواد الصاج يافلان ماطيه
نذل ٍ خسيس ٍ مايدينه نظيفه
كم اجودي ٍ بارد الوجه ساطيه
متشيخ ٍ بالزيف حاله كسيفه
وحسابه عندي حسبة اللي بمواطيه


إهدااااء لكل نذل..

[ليلى الشمري]

الله يكفينا شر الأنذاال

[تاج خالد]

( يضحك على الاجواد نفسه خفيفه

وقلبه سواد الصاج يافلان ماطيه
نذل ٍ خسيس ٍ مايدينه نظيفه ) صح لسانك اصبت الجرح الذى يعانى منه الكثير

[زهرة الويلان]

يعطيك العافيه سعوديه
ويستاااااهل النذل هذا الاهدااااء

[ندى]

عوافي عليك سوسو.

[راما]

نذل ٍ خسيس ٍ مايدينه نظيفه
كم اجودي ٍ بارد الوجه ساطيه
متشيخ ٍ بالزيف حاله كسيفه
وحسابه عندي حسبة اللي بمواطيه

مبدعه غاليتي طرح قمه بالروعه والانذال ياكثرهم في هذا الزمان

[حنايا الروح]

دائماً طرحك رآئع وجميل
سلمت يمنآك على هذا الطرح
لآ هنتِ

http://smiles.al-wed.com/smiles/65/26b.gif (http://www.t-lil.com)