تعبئة استمارة التثبيت

[بيان الوادي]

:more12::36_1_33:على المعلمات المثبتات بمحافظة وادي الدواسر تعبئة هذه الاستماره والتوجه بها الى مبنى شؤون المعلمات واخر موعد هو يوم الاربعاء وهذه الاستماره عباره اختيارك للمدارس التي تريدين التثبيت فيها .وعلى جميع المعلمات تنزيلها من منتدى الوادي التعليمي وتعبئتها

[نسمات]

يعطيك العافية

[ناديا]

طيب والمعلمات في باقي المناطق يعبوا الاستماره ويودوها لشؤون المعلمات او لا

[ام شادن]

اييه طيب المعلمات اللي بالرياض
؟!!http://www.wtb28.com/1

[ام شادن]

بسرررعة الله يا عطيك العافية!!

[ام شادن]

اللللله يعافيك ببسرعة!!!!!!!!

[ام شادن]

ههههههههههههههه
وحنا ويش درينا اذا كان صدق او..........ككذب

[almas]

الله يوفقكم ..وعقبالنا

الله يكتب اللي فيه خير للجميع

[رمز]

الف الف الف مبروك عليكن والعقبة لنا وللمناطق الأخرى يارب

[moony]

ما شاء الله الله يبارك لهم
و ادارة مكة لا حس ولا خبر نووووووووم

[زورق الشوق]

وادي الدواسر تابعة لااي دولة ولااي منطقة واحنا وين وهم وين لية القرارات في منطقة دون اخرى رجعنا ياطير ياللي

[ندى]

غريبه صرااااحة..

[بيان الوادي]

محافظة وادي الدواسر تابعه لمنطقة الرياض اما بخصوص اللي تقول تعبيها وترسلها لشؤون المعلمات مااظن لان فيه ورقه ثانيه ماعرفت احملها فيها مقسمين المدارس الى شرائح وعلي المعلمه ان تختار الشرائح اي المدارس اللي تريد التثبيت فيها وعقبالكم ان شاء الله

[جمانة&]

ماشاء الله عقبالنا يارب

[عالية الهمه]

مبروووك وعقبال المناطق الباقيه

مشكوووووورة والله يعطيك الف عافيه

[ملكة الحرف]

بيان الوااادي .. ردي أرجوووك.. اللحين الشرائح وشلووون يعني مدااارس داااخل

المنطقه ؟؟!!!

[الهمم العليا]

الله يوفقكم ..وعقبالنا

الله يكتب اللي فيه خير للجميع

[بيان الوادي]

يامعلمه من الطائف انا حاولت احمل ورقةالشرائح بس ماعرفت لكن راح اشرحلك مقسمين المحافظه الى شرائح وكل شريحه تضم عدة مدارس من رياض اطفال الى الابتدائي والمتوسط والثانوي فمثلا الرياض تضم عدة احياء وكل حي فيه مدارس فمثلا العليا يضعون لها رقم 501 هذا الرقم يسمى شريحه ويتبع هذي الشريحه ارقام والارقام حسب عددالمدارس مثلا عندي المتوسط خمس مدارس فاختار الشريحه القريبه من البيت بحيث يكون التثبيت في الشريحه اللي اختارتها الوادي منزل عشر شرائح وانا ما اخترت الاثلاث شرائح قريبه من البيت اما الاماكن البعيده لم اكتبها ولما سالنا وحده من المشرفات نكتب جميع الشرائح قالت لا لانهم يتقيدون الشرائح اللي انا اخترتها ولا يفرضون علي مدارس ما اخترتها ارجو اني افدتك في هذا الموضوع .

[ملكة الحرف]

طييييب يابيااان الواادي ..أمس ذكرتيلي إنه نزل إسمك بجدااره ورحتي طااابقتي!!
الحين وشلوون؟!! وش قالوااالك ..سمعت التوجيه في شهر عشره للي طلعت أسمائهم
بجداااره .. أخااف أكمل إجرآءات التعييين ويحذفوني في قريه من قرى الطااايف
ويجي التثبيت في نفس المدينه ؟؟!! ردي علي أنتظرك ...بليييييييييييييز

[زهرة اللوز]

والله شيء طيب اذا يخلونا نختار المدارس مو على عمانا

[جرح السنين]

وعسير لا حس ولا خبر نوم في العسل


الله يفرج همناااااااااااااااا

[بيان الوادي]

شوفي يا معلمه من الطائف انا مثلك محتاره هل ابقى على التثبيت اواخذ جداره اليوم وحده من الزميلات اخذت استمارة الشرائح لشؤون المعلمات وهي مثلي مثبته ومرشحه في جداره والى الان لم تعمل المقابله وقالت لمديرةشؤون المعلمات وش راح يكون وضعنا قالت لها راح تنزل اسمائكم بعد العيد وراح توقعون ورقة تنازل اما عن التثبيت او عن الترشيح لان الترشيح مو من حقكم وانا اقول ان الرزق بيد الله المهم تقول نحن جميع المثبتات راح نداوم من شهر عشرة في مدارسنا في الصباح تخيلي جميع المثبتات يداومون في الصباح فقالت لها فرضا اني قبلت جداره قالت لها تعينين في المناطق النائيه وتبين الصراحه انا ماني مرتاحه لكلام مديرة شؤون المعلمات واهلي يقولون لاتفرطين في جداره ابدا لان لها رقم وظيفي اما التثبيت ما عرفنا له شي. معقوله نداوم في شهر عشره واغلب المناطق ما اعلنت عن اسماء المعلمات المثبتات والخدمه المدنيه تقول التثبيت خلال ثلاثة اشهر وهم بثبتونا الحين لا ورواتبنا بتنزل كامله في شهر عشره والخدمه المدنيه تقول التثبيت مع الميزانيه الجديدةوالله شي يحير.وانا مثلم محتاره لكن راح اختار الترشيح لانه اضمن من التثبيت .لا وتقول الله المديره من قالكم انكم راح تداومون دوامين انتوا راح تداومون دوام واحد فقط طيب انا راح اصدقها هذه المره لكن من اللي راح يداوم في المساء مع محو الاميه هذا اللي خلاني اتمسك في جداره .والله يكتب لي ولك الخير في الامر

[ام طيوفة1]

:more12:مشاء الله مبروككككككككككك



والعقبى لنا يارب

[Pure Soul]

الله يفرج همنا ...

يعني أنتي مدرسة مسائي ؟

وهل حتى معلمات المسائي بيداومون الصباح ؟

على كذا أتوقع راح يسكرون مدارس العصر مؤقتا لحد ما تركد الأمور شوي وتتضح لنا الرؤية الأفقيه >>> استخفت !!!

[بيان الوادي]

انا مديره مسائي؛ واعتقد كلامها ما يدخل المخ واحس انه راح يكون فيه تلاعب عشان كذا ماادري اخذ جداره ولا التثبيت تكفون ما عادارتحت احس اني متوتره ابي اخذ رايكم المشكله مافيه احد يعطيك الكلام الصحيح او ينصح من قلب كلن يشوف مصلحته تكفون ياأخواتي رسوني على بر وكل وحده تحط نفسها مكاني وش راح تسوي .الله يخليكم ردو ا علي .

[معلمة سنعة]

أختي الكريمة .. بيان الوادي ..

الله يوفقك ويكتب لك الخير يارب ويرضيك فية ..

استاذة فوزية آخر أسبوع حضرت حفل تثبيت في منطقة من مناطق الرياض وقالت أن التثبيت بيكون بداوم واحد واختيار للمعلمة يا صباح يا مساء

ومدارس تعليم الكبيرات ماراح تقفل وسيفتح الصف الاول زيادة على الصف ( برنامج مجتمع بلا أمية + ثاني + ثالث )

أربع صفوف وين يروحون ؟!

والتثبيت في شهر أربعة بعد الميزانية ان شاء الله

الله يوفقك ويكتب لك الخير يارب

[رجاوي]

اسأل الله العلي القدير أن يفرج همك وهموم جميع المعلمات أتا من رأيي قبل الوقيع على التنازل معرفة مايكون عليه الوضع في كلتا الحالتين وهذا حق من حقوق المعلمات معرفة هذه الآلية و ما يترتب عليها التنازل عن ماذا هذا شىء مبهم هذا اسمه تعريه واضحة لحقوق المعلم فالرجاء منك مراجعة الإدارة لمعرفة مصير المعلمة في تلك الحالتين وأنا اسمي التنازل هذا توقيع على بياض وشكرا و بالتوفيق لكي ولكل المعلمات

[بيان الوادي]

الموضوع اللحين مبهم ولا وضح لنا يقولون إذا اخذت التثبيت راح تكون المدرسه داخلي وإذا اخذت جداره راح تكون المدرسه نائيه وانا محتاره وانتي تقولين ان التثبيت راح يكون في شهر اربعه وهي تقول انا راح نداوم في شهر عشره صباحا والله زادونا حيره ماادري وين اروح .وشكرا لمن تفاعل معنا

[البنفسج11]

فديت الي تجاوبنييييييييييييييييييييييييي

اسالكم بالله احد يريحني وش الهرجه يعني احنا بمكه بيثبتونا ولا خارجها يعني احنا وين مكاننا اللي فهمته اننا بندخل مفاضله يا مكه او ضواحيها على مايقولو والله العظيم راح كل شخص يحاسب منهم اللي في وزاره الخدمه اوغيرها

[معلمة سنعة]

http://www.mcs.gov.sa/InformationCenter/News/MinistryNews/Pages/news-79.aspx

[سكن قلبي]

هذه استمارة الشرائح للمدارس وضعتها ولااريد منكم الا الدعااااااااء بان ييسر الله امري..وفق الله الجميع لما يحبه ويرضاه:more12:
شرائح مدارس محا&#1.doc (http://www.sulayyil.com/vb/attachment.php?attachmentid=3482&d=1313642515)

[روان]

الله يعينك صراحة موقف صعععععععب

بس بصراحة انا من رأيي الشخصي ولو كنت مكانك اخترت التثبييييت هذا امر ملكي

وغصبن عنهم بيثبتونا بأذن الله وهم عطونا كلمة سواء بعد شهر اواكثر الا انه مضمون

بس التعيين الى الآن ماصار شي يعني باقي مقابلة ومطابقة واحتمال يستبعدونك عشان القرار اللي طلع بس انتبهي لاتنازلين عن قرار التثبيت

وقبل كل شي يااختي استخييييييييييييري

بس تكفين عاد لاتدعين علي بعدين لوماتوفقتي ترى هذا رأي شخصي فقط :36_2_23:

والله يوفقنا وياك..

[ملكة الحرف]

اقتباس:
المشاركة الأصلية كتبت بواسطة سكن قلبي http://www.wtb28.com/ramadan_trncat/buttons/viewpost.gif (http://www.wtb28.com/showthread.php?p=164153#post164153)

هذه استمارة الشرائح للمدارس وضعتها ولااريد منكم الا الدعااااااااء بان ييسر الله امري..وفق الله الجميع لما يحبه ويرضاه:more12:

شرائح مدارس محا&#1.doc (http://www.sulayyil.com/vb/attachment.php?attachmentid=3482&d=1313642515)



اللهم ... ياااكريم يسر أمرها .. ولاتجعل في نفسها

حاااجة إللاأعطيتها .. إياها .. وأرضيتها بهاا ..

ياأرحم الراحمين ..

سكن قلبي .. داااااائماًً متألقه..

تقبلي ودي..!! :36_1_33:

[Pure Soul]

أنا كنت مقدمه على جدارة على مدينتي فقط لأني ما أبي شيء بعيد وكنت حاطه في بالي إني لو أنقبل في جدارة فأنا راح اروح لها وأترك التثبيت ومرمطته .. بس ما انقبلت والحمدلله على كل حال لأني ما طلبت شيء بعيد أصلا ..

فإذا فيك شده على النائي روحي لجداره .. وإذا ما فيك شده فاصبري لحد ما نتثبت بإذن الله لأن التثبيت صار شيء مؤكد مو اشاعات بس يبي له وقت

[فلوة]

اللهم صل على محمد وعلى آله وصحبه أجمعين