رد: سجل حضورك اليومي ببيت شعر من أختيارك
.. تبــكينــــــا ..
ظروف الوقت ..
وحنا في زمن أبكم ..
غموض لف عالمنا وكل الي حوالينا ..
أنا ما أبكي غموضالوقت .. أنا أبكي مرار الهم ..
أنا مدري هي الايام ..؟!
ولافعل أيادينــــا ..
أنا ماقدر اقول إلا تكفــــى يازمــن ارحــم!!
ترانا يازمــن نضحـــك
وحنا الالــم فينـــا ..؟!
رد: سجل حضورك اليومي ببيت شعر من أختيارك
ما قل دل وزبدة الهرج نيشان* والهرج يكفي صامله عن كثيره
الذم ما يهفي للاجواد ميزان * والمدح ما يطول ايدينن قصيره
رد: سجل حضورك اليومي ببيت شعر من أختيارك
بعض البشر مثل النجوم المراهيش
انوارهم تزهي بالافراح بشه
افكارهم ري العقول المعاطيش
في الدين والدنيا للاخيار هشه
وبعض البشر عقله من التبن والخيش
لوزان شكله داخل الراس عشه
رد: سجل حضورك اليومي ببيت شعر من أختيارك
اضرب طريق الخير واسلك مسيره
ولا تلتفت للناس عوجاه واقداه
ولو طال عمرك عارف وش مصيره
ازبن ولي العرش واتعب على رضاه
وأد الفروض الاوله والاخيرة
واضف لهن مخافة الله ورجواه
رد: سجل حضورك اليومي ببيت شعر من أختيارك
يا صاحبي ما فادنا كثر الأحلام
واللي بخاطرنا عجزنا نطوله !!
ماتت امانينا على كف الأيام ,
حكم القدر/ فارض علينا ميوله
\
/\
/
مما راق لي
رد: سجل حضورك اليومي ببيت شعر من أختيارك
قال من صادق من الناس أجناس .. عمر الذهب ما يتلف بـ لمحة بصر
وان صادفك منهو يبيّن لك احساس .. عذب الكلام , و يسكب حروفه نهر
اصبر , تروّى واحسب خْطاك بقياس .. حتى مع الأيام .. يظهر ما ستر
اما تشوف بداخله قالب الماس .. و يبقى رفيق العمْر , للضيقه ذخر
و إلا تشوف بداخله كومة نحاس .. يصدا و مالك تعرفه .. إلا شهر
واحرص على وافيٍ ما يهاب الباس .. يبقى لـ قلبك نبض , لعيونك نظر
يقتلع من داخلك كم نبته لـ ياس .. و يعود يزرع نور و أحلام و صبر
والخاتمه هي يا عاليين الراس .. يا بخت منهو تفكّر في زمانه و اعتبر
رد: سجل حضورك اليومي ببيت شعر من أختيارك
قبل لاتروح لحظه شو يه خد قلبي يوم انه حلف مايخليك
رد: سجل حضورك اليومي ببيت شعر من أختيارك
ضاقت ولما أستحكمت حلقاتها فرجت وكنت أظنها لاتفرج
رد: سجل حضورك اليومي ببيت شعر من أختيارك
طموح القلب يغويني
واذكر خالقه ربي
من الزلات يعفيني
وحيرة شوق بقلبي
رفعت لله أيديني
يسهل بالطريق دربي
ويجمع كل ما فيني
ويحبب الناس في حبي
رد: سجل حضورك اليومي ببيت شعر من أختيارك
افتح ضلوعك .. واجمع الخير والحب
اليوم [ جمعه ] والله الله بالأسباب ، !
سامح .. ترى من سامح وقال يارب ؟
يفتح له الله في سمآ جنته / باب ، !