سماجه الاربعاء (ذكرى خبر الترسيم)
رغم اني قضيت سنين عديده على مقاعد الدراسه الا اني لاأجيد فن المقدمات يعني زين ان سلمت لاني دايم مخروشه ادخل في الموضوع على طول فيختلط على القارئ ان كان الموضوع شكوى او تعزيه او قصه ,,,المهم طبعا الغالبيه منكم في هذا المنتدى موظفات وموظفين وعارفين تالي نهار الاربعاء تبدأ خنبقه في المخيخ لدواعي فرمته الذاكره من هموم خمسه ايام مضت ,قلت لنفسي ياسروبه نزلي ذكرى استقبالك لخبر الترسيم في المنتدى
طبعا كان يوم جمعه وكنت في الطريق رايحه للرياض ومعي عائلتي (ذري الامحق وابوهم الاقشر) وتحديدا كنا واقفين نعبي بنزين ,قلت بدل ماأبحلق في هالبنقالي خليني اتصل على اهلي يفتحون الباب (توني في الحوطه ههههه ماأدق الجرس وانتظر ومين انا افتحوا )
المهم لقيت اتصال لغلاتي الناعمه يالبى قلبها قلت عسى ماتبي سلف توني متعرفه عليها ولا ادري وش التصريف الي يناسبها
ولقيت لها رساله كاتبه مبروووووك انا هنا حسيت ان الموضوع كبير او مقلب فأتصلت عليها لقيتها مغتلقه مبروووووووووك تذكرت علي داوود مذيع الكوره ايام ماجد عبدالله هههههههه
قلت وش فيك يامره عسى مادخلك سكني مارد يحس انه طرزان قالت ترسمنااااااااااا
وانا اعرف البنت جديه ماراح تمزح في هالموضوع وتلقائيا طلع منها السكني ودخل فيني وصرخت صرخه (قولي وااااالله) لقيت البنقالي مسكين من قوه الصرخه رمى الي حق البنزين وانحاش يحسب اني شايفه حريقه هههههههههههه وزوجي يصارخ عليه تعااااااال ترسيم ياصديق مافيه مشكله مافهم عليه قام قال له هذا ملك ملك يعني بيفهمه والله مدري من البنقالي فيهم قال البنقالي مافيه مشكله ملك بس شرطه مافيه يجي ههههههه ساعتها حسيت ان في بطنه لحمه نيه يعني راعي سوابق كل هذا وانا مطنشه مسرح الجريمه وقاعده احلف الناعمه ان الخبر صحيح
وعيالي اعنبوا البدوان اذا ترسمت امهم ينكرون على ابو ريالين يقولون يمه خلاص ودينا اذا وصلنا لالعاب الحسين وتويز ار اص قلت انتم الي أص الله ابو الي انتوا خمته مابه الا سياكل وبس (خابره شارع السويلم قدامها ) وبعدها خليناالبنقالي في نفضته وأكملنا الطريق للرياض والاماني والاحلام تتراقص امامي أخبر تعدينا الحوطه وانا شاريه الارض واكاسر في سعرها وصلنا الخرج مخلصه العظم وماوقفنا عند باب اهلي الا والسيراميك يتلاصف في بيتي الي بنيته عقب الترسيم طبعا, قال رجلي اكتبيه باسمي قلت معصي ماعاد الا هي عشان تعرس وتطردني ومع اصراره صرخت طلقني طلقني وارتاع مسكين قال وجع وش بلاك انهبلتي يوم وصلنا بيت اهلك ومع هالكلمه رجعت للواقع لان ماسبق احلام يقضه وسويت نفسي امزح لو يدري وش فيني والله ان اخيس عند اهلي الي مافتحوا الباب مع اني متصله عليهم وتوني في الحوطه من زين جرسهم الي يكهرب:crazy:
رد: سماجه الاربعاء (ذكرى خبر الترسيم)
ههههههههههههههههههههههههه
والله إنك تووووحفـــه ياسروبه
إيه بنت رجال لاتحطين بأسمه شئ أبداً طيعي شوري
ترى ما ينعطون وجه ياحبي لك
عفيه عليك
رد: سماجه الاربعاء (ذكرى خبر الترسيم)
الله يسعدكي يارب موتيني ضحك
رد: سماجه الاربعاء (ذكرى خبر الترسيم)
الله يســـــــــــــــــــــعدك رهيبــــــــــــه
ماشاء الله تباركَ الله
رد: سماجه الاربعاء (ذكرى خبر الترسيم)
هههههههههههههه ياحليلك الله يتمم علينا الترسيم والمفروض اسمك الحين سحاااب الترسيم وبعدالترسيم غيريه مطر الترسيم ههههههههه
رد: سماجه الاربعاء (ذكرى خبر الترسيم)
هههههههههههههههه روووووووووعه وكلامك صحيح الا حلام وصلت فوق لا كل شي كوم يوم تقولين لويدري عن الي في ني ياحبيلك وكلامك لكن خلي أملنا بالله كبير وراح يتحقق كل الي نبيه بإذن الله الله يسعدك وسعت صدري وذكرتيني بهذاك اليوم الحمد لله على كل حال واسأل الله العظيم التوفيق للجميع والخبر الي يوسع الصدر ومفرح به ومفرح أولادنا والي يعزون علينا ياااااااارب *
رد: سماجه الاربعاء (ذكرى خبر الترسيم)
ههههههههه هع هع هع
ياااااااويييييلي على الخيااااااااااااال الواااااااسع
لكن ابدعتي قصة شيقة
تنفع للأطفااال قبل النووووووووووووووووووووم
هههههه
رد: سماجه الاربعاء (ذكرى خبر الترسيم)
هههههههههههههههههههههه
وسعتي صدري
أهم شي السكني اللي طلع من الناعمة و دخلك هههههههههههه
رد: سماجه الاربعاء (ذكرى خبر الترسيم)
تحيه على ا
الألسلوب الرائع وفعلا كلنا عايشين على الأحلام يارب تحقق
رد: سماجه الاربعاء (ذكرى خبر الترسيم)