الفرق بين البنت والولد بعد الرجوع من العزيمة

السعودية بعد الرجوع من العزيمة

[frame="3 80"]هي: يوووه فاتك نص عمرك.. توني جايه من العزيمة

أختها: وش حطوا؟

هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل(يستمر وصف الاكل ساعة ونصف)ف
أختها: جت نوف؟

هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبسته قبل 5 سنوات؟

هي : لا لا ذيك المره لابسه فستان أحمر مو وردي ولا كان فيه كرستالات
،
اختها: أجل شكلها لابسه فستان بنت عمها أريج لاني شايفه اللبس هذا عليها
.
هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين

أختها: وجزمتها؟

هي: ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها

اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟

هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها

اختها: طيب وتسريحة الشعر

هي:حقت مين؟ نوف والا اريج؟

اختها: كلهم
.
هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

اختها: كحكحي؟ يعني ايش؟

اختها: ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط

اختها: على طاري الخدامة؟ خدامة اريج وش لابسه
..
هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية

اختها: صدق والله؟ هذي مو جزمة اريج؟

هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.

(ويستمر الحش إلى صلاة الفجر)

------------

السعودي بعد الرجوع من العزيمة

هو: السلام عليكم، توني جاي من العزيمة وترا كل الشباب يسلمون عليك
اخوه: عليك وعليهم السلام

انتهت المحادثة

انتظر ردودكم [/frame]
</b></i>

ههههههههههههههههههههههههههههه

سبحان الله


من جد


يعطيك الف عافيه استاذه فايزه ضحكت من جد ,,,,,

الرجال مقتصرين على انفسهم حتى بالسوالف ,,, يابختهم ,,,



تسلم يمينك استاذتنا ,,,


لك ودي

هلا وغلا بالغاليه بنت الشهري
منوره يا قلبي

سعيده بتواجدك هنا تابعي معنا

تحيتي

صدقتي اختي فايزه
وهذا يدل على ان المراة تركز اهتمامها على التفاصيل الصغيييرة بعكس الرجل لايهتم الا بالاشياء العامة ولا يشغل تفكيره بدقائق الامور كما يحدث من النساء

ههههههههههههههههههههه والله فقعت ضحك صدقت السالفه وحسيت نفسي صح جالسه جلسة التحليل ووالمناقشة الي لازم نسويها بعد كل مناسبه

ههههههههههههههههههههههه من جد جبتيهاااااا وقع الفاس بالراس الله يعين دخلت جو معهم هم ونقشااااااااتهم ياليتهم كملو هههههه دمتي بصحه

حروف صادقه ومعلمة مسائى http://www.factway.net/vb/uploaded/1...1263399938.gif
وروعه .

انا والله اذا البنت تستحق المدح راح امدح حتى لو اكرها والمشفوحه الي طا ح مخها بالارض الا تشوف الجز مه ياختي قو لي ابشوف الجزمة وراح تشو فين الجزمة وجزااااااااااااااك اللة الف خير

اهلين انا عضو جديد اول مرة اشارك وحبيت امسى ع الاستاذة وبصرااحة احنا شغالين في مرافبة الناس وش لابسة وش حاطة اللة لا يشغلنا الا في طاعتة وموضوع حلو

هههههههههههههه
حريم مايخلون طبايعهم
ويقولون ليش احنا أكثر حطب جهنم

صدق حريم

مايخلون صغيرة ولاكبيره


يعطيك العافية

ههههههههههه هذاااااااا هو الواقع

جدا رائعه

رائعة صدق حررررررررررريم يعطيك العافية

الله يعطيك العافيه والله صادقه المراه عموما وليست السعوديه فقط
لازم الاستديو التحليلي بعدكل طلعه سواء عزيمه اوعرس

ههههههههههههههههههههههههههههه
بصراحة ضحكتيني هذا هو الواقع

واو كانه انا وخواتي لا انا زياده شوي بس ياحليلهم الحريم

رهيبات من جد استاذتي مشكورة

http://upload.7bna.com/uploads/31befea06d.gif

والله يعجبونك الشباب عطاك المختصر المفيد

وانا مالي ومال الجزم والكاسات المزخرفه :p

http://t1.gstatic.com/images?q=tbn:A...MD98xlL8HaKvqH

يعطيكـ العافية

ههههههههههه
يحطيك العافيه

يسلمووو موضوعك حلو

http://upload.7bna.com/uploads/46cc2282c9.gif

على مروركم الجميل

هههههههههههههههههههه
لالا لا لا انا واخوتي مو من هـ النوعيه الحمدالله
اول ما نرجع البيت كل كلامنا عن صديقاتنا الي صار لنا فتره ما شفناهم ونتكلم عن سوالفهم واخبارهم لاكن اتوقع بنات عمي من هـ النوعيه الله يهديهم لاني اشوف نظراتهم لناس مو طبيعيه

ههههههههههههههههههههههههههههههه
فعلا هذا ما يحدث

صباح الفل و الكادي

موضوع جميل
طيب وش رأيكم

في اللي ما تحب تعلق على تلك المناسبات سواء اللبس و المكياج و التسريحات أو حتى الفرح

ككل و إذا أحد سألها تقول زين عادي ما شاء الله حلو

و لكن صديقاتها و قريباتها و جاراتها ما يحبوا اسلوبها هذا لانها ما تجيب شي جديد لو راحت الفرح

وتحس انها غريبة بين الحريم

بصراحة لاني ما تهمني المظاهر ابدا احب الجمال و البساطة واكره التكلف بصراحة نفسي ان كل شخص يلبس اللي يناسبه و يعجبه و يناسب مكانته الاجتماعية و ان الناس تترك احتقار او احترام فلان و علان علشان المظهر الخارجي طفششششششنا من الزيف و المظاهر الكذابة
بصراحة حتى الناس المبسوطة اللي ما تهمها الفلوس تتململ من هذا النمط في الاحتفالات
و التفكير السطحي للاشياء

نفسي اعرف ماالمشكلة لو لبست الفستان في مناسبتين في نفس الشهر او حتى نفس السنة ما دام انه حلو علي و دافعة فيه فلوس فهموننننني نفسي اجد مبرر مقنع

فقدنا الفرحة و الاستمتاع بمناسباتنا بسبب هالمظاهر اللي عنده بنات كثير و دخله محدود و تفكيرهم سطحي كذا ماذا يفعل ؟؟؟؟؟

ردوا علي انا صح و تفكير زين و لا انا عايشة بعالم اخر

سؤال الناس بالدولة العربية اللي زارها مناسباتهم زينا فيها تكلف و لا عادي

مرات احس ان الفلوس تجيب مشاكل ما لها اخر

http://www.fdetk.org//uploads/images...85e4549c1f.gif